ხაშურში პოლიციამ დააკავა მაღაზიის მენეჯერი, რომელმაც დანით შეიარაღებულ თავდამსხმელს ესროლა
ხაშურში პოლიციამ დააკავა მაღაზიის მენეჯერი, რომელმაც შეიარაღებულ თავდამსხმელს ესროლა. დაკავებული შუა ხნის მამაკაცია. დაკავების ფაქტი AMBEBI.GE-ს შინაგან საქმეთა სამინისტროში დაუდასტურეს.
ცნობისთვის, გუშინ ხაშურის მუნიციპალიტეტში მაღაზიაში დანით შეიარაღებული შეიჭრა.
არსებული ინფორმაციით, მაღაზიის მენეჯერმა შეიარაღებული მამაკაცის მისამართით გამაფრთხილებელი გასროლა განახორციელა, ხოლო მას შემდეგ, რაც ცივი იარაღით შეიარაღებულმა მამაკაცმა მუქარა არ შეწყვიტა, შემდეგ უკვე მისი მისამართით ისროლა.
მამაკაცი სამედიცინო დაწესებულებაში გადაყვანისას გარდაიცვალა.
შინაგან საქმეთა სამინისტროს ინფორმაციით, გამოძიება სისხლის სამართლის კოდექსის 117-ე და 236-ე მუხლებით მიმდინარეობს, რაც ჯანმრთელობის განზრახ მძიმე დაზიანებასა და ცეცხლსასროლი იარაღის მართლსაწინააღმდეგო შეძენა, შენახვა, ტარებას ითვალისწინებს.
მკვლელობა კასპში - ხელოსანმა მანქანის მეპატრონე მოკლა, მისი მეგობარი კი დაჭრა
"ყარაბაღზე და უკანონო იარაღით ვაჭრობაზე გაკეთებული განცხადებისას ბაჩალიაშვილის დედამ დავით ფურცხვანიძის კვლევა დაიხმარა"
