ნავალნის თანაგუნდელები აცხადებენ, რომ პოლიტიკოსი არა აეროპორტში, არამედ სასტუმროში მოიწამლა მას შემდეგ, რაც ბოთლიდან წყალი დალია
რუსი ოპოზიციონერი პოლიტიკოსის ალექსეი ნავალნის თანაგუნდელები აცხადებენ, რომ ის ციმბირის ქალაქ ტომსკის სასტუმროს ოთახში მოწამლეს და არა აეროპორტში, როგორც აქამდე ფიქრობდნენ.
მათივე თქმით, ოპოზიციონერი პოლიტიკოსი მას შემდეგ მოიწამლა, რაც ბოთლიდან წყალი დალია.
ცნობისთვის, ალექსეი ნავალნი 20 აგვისტოს ომსკის კლინიკაში მას შემდეგ მოათავსეს, რაც თვითმფრინავში თავი შეუძლოდ იგრძნო, 22 აგვისტოს ახლობლების მოთხოვნით, ბერლინის კლინიკაში გადაიყვანეს. ტრანსპორტირებიდან რამდენიმე დღეში გერმანიის მთავრობამ განაცხადა, რომ ნავალნი "ნოვიჩოკის“ ტიპის ნერვული აგენტითაა მოწამლული.
გერმანიის მთავრობის პრესსპიკერის, შტეფან ზიბერტის განაცხადებით, აალექსეი ნავალნის "ნოვიჩოკის“ მსგავსი ნერვული აგენტით მოწამვლის ფაქტი საფრანგეთისა და შვედეთის სპეციალურმა ლაბორატორიებმაც დაადასტურეს.
რუსეთი ნავალნის მოწამვლასთან კავშირს უარყოფს.
ექიმებმა რუსი ოპოზიციონერი პოლიტიკოსი ხელოვნური კომიდან რამდენიმე დღის წინ გამოიყვანეს. მისი ჯანმრთელობის მდგომარეობა გაუმჯობესდა და ხელოვნური სუნთქვის აპარატიდანაც მოხსნეს.
ჯანდაცვის მსოფლიო ორგანიზაცია - კარანტინის 14-დღიანი ვადა არ უნდა შემცირდეს
"მსგავსი სახის კონტენტი წაიშლება საქართველოშიც" - რას აცხადებს Facebook-ის წარმომადგენელი 7 მილიონი პოსტის წაშლაზე
