"აფრო-ამერიკელი მამაკაცი, რომელსაც პოლიციამ დაკავების დროს თავზე ტომარა ჩამოაცვა, ჰაერის უკმარისობით გარდაიცვალა" - BBC

41 წლის აფრო-ამერიკელი მამაკაცი, რომელსაც პოლიციამ დაკავების დროს თავზე ტომარა ჩამოაცვა, ჰაერის უკმარისობით გარდაიცვალა, - ამ ინფორმაციას BBC ავრცელებს.

აღნიშნული ფაქტი მას შემდეგ გახდა ცნობილი, რაც პოლიციამ ერთ-ერთი სამართალდამცავის სამხრე კამერის ვიდეოჩანაწერი გაასაჯაროვა.

გამოძიების ცნობით, დანიელ პრუდს მენტალური პრობლემები ჰქონდა, რაც პოლიციამ არ გაითვალისწინა, ის ძირს დააგდეს და 2 წუთის განმავლობაში თავზე ტომარა ჩამოაცვეს.

აფრო-ამერიკელი მამაკაცი რამდენიმე წუთში ჰაერის უკმარისობით გარდაიცვალა. გამოძიების მიხედვით, შემთხვევა მიმდიარე წლის 23 მარტს მოხდა, თუმცა ვიდეოჩანაწერი მხოლოდ ახლა გახდა ცნობილი.