მნიშვნელოვანი ინფორმაცია
27
მარტიდღის ზოგადი ასტროლოგიური პროგნოზი
ხუთშაბათი, მთვარის ოცდამერვე დღე დაიწყება 06:51-ზე, მთვარე თევზებშია
ამ დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. არ გირჩევთ ოპერაციის ჩატარებას ღვიძლზე, ფეხებზე. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"არამგონია, თავდასხმის ინტერესი ინფორმაცია ყოფილიყო" - ამირან გამყრელიძე ლუგარის ლაბორატორიაზე, რუსებსა და Covid 19-ის შემთხვევათა მატებაზე
20:52 / 03-09-2020
დაავადებათა კონტროლის ეროვნული ცენტრის დირექტორის ამირან გამყრელიძის განცხადებით, ლუგარის ლაბორატორია რუსეთს იმიტომ ადარდებს, რომ აშშ-სა და საქართველოს შორის მჭიდრო პარტნიორული თანამშრომლობაა.
როგორც მან „პალიტრანიუსის“ გადაცემაში „რეზიუმე“ განაცხადა, ლუგარის ლაბორატორიის მუშაობაში ეჭვის გაჩენის მიზეზი რუსეთს არ აქვს.
„პირველი ძირითადი საკითხი, თუ რატომ აღელვებს რუსეთს ლუგარის ლაბორატორია, არის ის თუ რატომ არის აშშ საქართველოს ასეთი მჭიდრო პარტნიორი, რატომ ააშენა საქართველოში ეს ლაბორატორიული ქსელი, რატომ შეუწყო საქართველოს, საზოგადოებრივი ჯანდაცვის სფეროში წინსვლაში ხელი აშშ-მ, რატომ მუშაობენ ამერიკელები, გერმანელები და სხვა ქვეყნის წარმომადგენლები ქართველებთან ერთად, რატომ ხდება ლუგარის ლაბორატორია რეგიონალური ჰაბი და სხვა.
ლუგარში მათ შეშფოთების და ეჭვის გაჩენის მიზეზი არ აქვთ, რადგან ბევრჯერ არიან ნამყოფები, რუსეთის სხვადასხვა არხების ჟურნალისტებიც და რუსეთის რამდენიმე დიდი ინსტიტუტის დირექტორია ნამყოფი, უბრალოდ, ეს არის ტიპიური პოლიტიკა“, - განაცხადა გამყრელიძემ გადაცემაში „რეზიუმე“.
გამყრელიძის განცხადებით, ლუგარის ლაბორატორიაზე კიბერშეტევა ინფორმაციის მოპოვების მიზნით არ მომხდარა და ეს ლუგარის ლაბორატორიის თემის გაღვივების მორიგი მცდელობაა. მისი თქმით, მათი ინფორმაცია გამჭვირვალეა.
„არამგონია, რომ თავდასხმის ინტერესი ინფორმაცია ყოფილიყო, რადგან ყველა ჩვენი ინფორმაცია გამჭვირვალეა და დევს სხვადასხვა სოციალურ და ვებ-გვერდებზე. ხშირად ჩვენი პუბლიკაციები პრესაშია, იქნება ეს სამეცნიერო თუ საზოგადოებრივი პრესა, ამიტომ არ მგონია ეს. უბრალოდ, ვფიქრობ, გუშინ, რომ გამოჩნდა, თითქოს „ნოვიჩოკი“ მზადდება და მათ შორის ეს ლაბორატორიაც დასახელდა, ეს მორიგი თემის გაღვივებაა. რადგან ლუგარი ქართულ-ამერიკული პროექტი გახლავთ, როდესაც უნდათ ასე აღვივებენ ამ თემას. ვინც, ამ საკითხს აღვივებს, ყოველთვის ცდილობს, რომ დისკუსიაში შეგვიყვანონს და უკვე, ამას აღარ ვპასუხობ. ამაზე პირდაპირ ვამბობ, რომ ეს არის მორიგი სისულელე, მორიგი ჭორი, მორიგი ძალიან იაფფასიანი „ტრიუკი“, რომელზეც უნდათ, რომ როგორმე დისკუსიაში შეხვიდე“, - განაცხადა გამყრელიძემ.
დაავადებათა კონტროლის ეროვნული ცენტრის დირექტორმა საქართველოში არსებული ეპიდემიოლოგიური ვითარებაც შეაფასა და როგორც მან აღნიშნა, ინფიცირებულთა რაოდენობის მატება პროგნოზირებადი იყო.
როგორც მან განაცხადა, მობილობის გაზრდასთან ერთად ინფიცირებულთა რაოდენობის მატებას იმანაც შეუწყო ხელი, რომ ბოლო პერიოდში რეკომენდაციებს, თითქმის არსად იცავენ.
„ამჟამინდელ ეპიდემიოლოგიურ ვითარებას მეორე ტალღას ვერ დავარქმევდი, მეორე ტალღას უფრო ცივი პერიოდი რომ დაგდება, მერე დავარქმევდი, მაგრამ სახელს რა მნიშვნელობა აქვს, ფაქტია, რომ მატება გვაქვს. მატება პროგნოზირებადი იყო და ვიცოდით, რომ იქნებოდა, რადგან აგვისტოში მობილობა სერიოზულად გაიზარდა, სერიოზულად გაიზარდა შიდა ტურიზმი და განსაკუთრებით დაიტვირთა შავიზღვისპირეთი.
ასევე გაიზარდა ფრენები, გაიზარდა ქვეყანაში შემოსვლის რაოდენობა.
ჩვენ ჩაკეტილი და იზოლირებული არ ვართ და შემთხვევები, რომ გაიზრდებოდა, გასაგებია.
ასევე, ივნის - ივლისში საზოგადოებამ დაიჯერა, რომ საქართველომ დაამარცხა კორონავირუსული ინფექცია და შეიქმნა ილუზია, რომ ჩვენ შეგვიძლია, მოვეშვათ. ჩვენ სერიოზულად მოვეშვით და თითქმის არსად არ იცავენ რეკომენდაციებს. გუშინ საკოორდინაციო საბჭოზე პრემიერ-მინისტრმა ეს საკითხი ძალიან გაამწვავა და მე იმედი მაქვს, რომ აღსრულების მექანიზმები უფრო ძლიერი იქნება. მოგეხსენებათ მარტო შოლტით საქმე არ გამოდის და საჭიროა საზოგადოების მაღალი თვითშეგნება“, - განაცხადა ამირან გამყრელიძემ.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
აი ამირანა მაგარი როჟააა. კაცმა რომ კითხოს ყველა საქმეში ჩახედულია. ამასობაში დაწერილს იმეორებს რასაც რუსეთი ბიძინას გადმოცემს და ბიძინა კიდო მის ცხვრების ფარას. სააღოლ ოცნების მონებო