მნიშვნელოვანი ინფორმაცია
1
აპრილიდღის ზოგადი ასტროლოგიური პროგნოზი
სამშაბათი, მთვარის მეოთხე დღე დაიწყება 07:33-ზე, მთვარე კუროშია
კარგი დღეა ახალი საქმეების დასაწყებად. აგრეთვე დაკარგული ნივთების, ადამიანების მოსაძებნად. გააფართოეთ ბიზნესი, დაარეგულირეთ ურთიერთობა ბიზნესპარტნიორებთან. მოაგვარეთ ფინანსური საკითხები. არასასურველია უძრავი ქონებით ვაჭრობა. მოერიდეთ კამათს, საქმეების გარჩევას. კარგი დღეა სწავლისთვის, სამეცნიერო სამუშაოსთვის, გამოცდის ჩაბარება სხვა დღისთვის გადადეთ. ცუდი დღეა მოგზაურობის დასაწყებად, შორ მანძილზე მგზავრობისთვის. შეძლებისდაგვარად მოუარეთ ყვავილებს, დარგეთ ხეები, გაისეირნეთ ბუნებაში. მოერიდეთ ალკოჰოლს, სიგარეტს, კუჭის გადატვირთვას; ოპერაციების ჩატარებას კისერსა და ყელზე. რაციონიდან გამორიცხეთ პროდუქტები, რომლებიც სახამებელსა და ნახშირწყლებს შეიცავს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ვინც ბრუნდება აჭარიდან, მოვუწოდებ, მიმართონ თვითიზოლაციას" - ტიკარაძე სასტუმრო "ოაზისსა" და ბათუმის კლუბებში არსებულ ვითარებაზე
20:43 / 02-09-2020
ჯანდაცვის მინისტრი ეკატერინე ტიკარაძე აცხადებს, რომ სასტუმრო „ოაზისში“ ეპიდემიოლოგიური კვლევა დაწყებულია და შედეგების მიხედვით მოხდება სასტუმროში მყოფი 400-მდე ექიმის კარანტინსა და თვითიზოლაციაში გადანაწილება.
მისივე განცხადებით, სასტუმრო „ოაზისში“ კონფერენციაზე მისი მოადგილის ჩასვლა შექმნილი ვითარებიდან გამომდინარე გადაიდო.
„დღესდღეობით მნიშვნელოვანი ვითარებაა სასტუმრო „ოაზისში“, სადაც არის 400-მდე ქართველი ექიმი, რომლებიც ძალიან მნიშვნელოვან კონფერენციას ესწრებოდნენ, სადაც აუცილებლად უნდა ჩასულიყო ჩემი მოადგილე, თამარ გაბუნია და ასევე, რეგულირების სააგენტოს ხელმძღვანელი, ზაალ კაპანაძე. ამ დროისათვის მიგვაჩნია, რომ მათი ვიზიტი უნდა გადაიდოს, ვინაიდან იცით, რომ სასტუმროში დაფიქსირდა ვირუსი.
გადაწყვეტილება მივიღეთ, რომ გარკვეული ვადით სასტუმრო „ოაზისი“ ჩაიკეტება, თუმცა ჩვენ ასევე მყისიერად მივიღეთ ზომები, რომ სასტუმროში დაიწყოს ეპიდემიოლოგიური კვლევა და ექიმების ტესტირება, რათა შესაბამისი პროტოკოლით მოხდეს მათი გადანაწილება თვითიზოლაციასა და კარანტინში “, - განაცხადა მინისტრმა.
ამასთან, როგორც ტიკარაძემ აღნიშნა, კონფერენციას 400-მდე ექიმი ესწრებოდა, ვირუსი დაუფიქსირდა ერთ-ერთ ექიმს, რომელიც „ავერსის“ ქსელის კლინიკიდან არის.
„თუმცა, რა თქმა უნდა, ეს არ უკავშირდება ამ ეტაპზე „ავერსის“ კლინიკაში რაიმე ინფექციის გავრცელებას. ამ ეტაპისთვის წყარო არის დადგენილი, მაგრამ ჩვენ გამოკვლევა მყისიერად დავიწყეთ „ოაზისის“ სასტუმროში იმისთვის, რომ ვიცოდეთ თუ რა მასშტაბის იყო გადადება სასტუმროში“, - განაცხადა ტიკარაძემ.
ეკატერინე ტიკარაძემ მოსახლეობას რეკომენდაციების დაცვისკენ კიდევ ერთხელ მოუწოდა.
„ქვეყანაში ეპიდსიტუაცია არის ძალიან მნიშვნელოვანი და საყურადღებო. იცით, რომ დღეს დაფიქსირდა კორონავირუსის 38 ახალი შემთხვევა, აქედან 22 შემთხვევა ბათუმშია, რაც ძალიან მნიშვნელოვანია.
მინდა ვთხოვო ჩვენ მოსახლეობას, ისეთივე პასუხისმგებლობით დაიცვან სოციალური დისტანცია და ატარონ ნიღაბი, როგორც ეს მთელი წლის განმავლობაში ხდებოდა.
აჭარის ტერიტორიაზე, ბათუმში დასასვენებლად მყოფმა ჩვენმა მოქალაქეებმა მიმართონ იმ წერტილებს, სადაც ჩვენ გვაქვს განთავსებული კარვები და ამბულატორიები ტესტირებისთვის. ეს მნიშვნელოვანია იმისთვის, რომ დავეხმაროთ ეპიდემიოლოგებს, ვმართოთ ვირუსის გავრცელების ჯაჭვი ქვეყანაში.
მათ, ვინც ბრუნდება აჭარიდან საცხოვრებელ სახლებში, მინდა მოვუწოდო, რომ მიმართონ თვითიზოლაციას, ნებისმიერი სიმპტომის გაჩენის შემთხვევაში კი დარეკონ ცხელ ხაზზე, 112-ში“, - განაცხადა ტიკარაძემ.
ამასთან, მინისტრის თქმით, "რაც ბათუმში კლუბებში ხდება, მნიშვნელოვნად შესაზღუდია". მისივე თქმით, ხდება კლუბების და მსგავსი დაწესებულებების დამატებითი მონიტორინგი და ასევე, სასტუმროებში შრომის ინსპექციის მიერ დამატებითი კონტროლი განხორციელდება.
„რა თქმა უნდა, ქვეყანაში ეპიდვითარება საყურადღებოა. მნიშვნელოვანია სამოქალაქო ჩართულობა და პასუხისმგებლობის ამაღლება. ვგულისხმობ პირბადის ტარებას, სოციალურ დისტანცირებას. ის ყოველივე, რაც ბათუმში კლუბებში ხდება, არის მნიშვნელოვნად შესაზღუდი. ჩვენ ამ ეტაპზე დამატებით მონიტორინგს და გაფრთხილებას ვახორციელებთ დაწესებულებების, სადაც მსგავსი ღონისძიებები იმართება. ასევე, მნიშვნელოვანია შრომის ინსპექციის ჩართულობა სასტუმროებთან მიმართებაში, სადაც გავამკაცრებთ ღონისძიებებს, იმ კუთხით, რომ დამატებითი მონიტორინგი განხორციელდება.
აჭარის რეგიონში დავამატეთ კარვები და ამბულატორიული სერვისები, რათა მოსახლეობას ტესტირების საშუალება მიეცეთ და ამ კუთხითაც მნიშვნელოვანია მოსახლეობის დამყოლობა, რადგან ეს არის ნებაყოფლობითი ამ ეტაპზე და გეგმაში არ გვაქვს, იძულებით წესებს მივმართოთ. ჯანდაცვის სიმძლავრეებს არა მხოლოდ აჭარაში, არამედ მთელს საქართველოში ვაძლიერებთ, ამბულატორიული სექტორი დღეს სრულიად მზადაა მოქალაქეებს ყველანაირი საჭირო დახმარება გაუწიონ.
რა თქმა უნდა, არ ვართ ქვეყნის ჩაკეტვის მომხრე, ვინაიდან ეს ნეგატიურად აისახება ქვეყნის ეკონომიკურ მდგომარეობაზე“, - განაცხადა ტიკარაძემ.
მკითხველის კომენტარები /
8 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვლადიმირ პუტინმა სამხედრო სამსახურში საგაზაფხულო გაწვევის შესახებ ბრძანებას ხელი მოაწერა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
შენკიდევ მინისტრი ხარ? სად ხარ გოგო გაგიტაცა დასვენებამ?დაისვენე , დაისვენე ,დაღლილი ხარ მუშაობით
ჩაკეტეთ მესტია 6 ზე და ბათყუმი ?