ბესლანის ტრაგედიიდან 16 წელი გავიდა - "გარდაცვლილთა ახლობლები რუსეთის ლიდერისგან მომხდარზე პასუხს დღემდე ელიან..."
ბესლანის ტრაგედიიდან 16 წელი გავიდა. ამასთან დაკავშირებით სოციალურ ქსელში ჟურნალისტი ია თინიკაშვილი წერს:
"ბესლანის ტრაგედიიდან 16 წელი გავიდა. 2004 წლის 1-ელ სექტემბერს, ჩრდილოეთ ოსეთის ქალაქ ბესლანის №1 სკოლაში, სწავლის დაწყების საზეიმო ღონისძიების დროს, ისლამისტთა შეიარაღებული ჯგუფი შეიჭრა და მოსწავლეები, მათი მშობლები, ახლობლები და მასწავლებლები მძევლად აიყვანა. სკოლის შენობაში, სამი დღის განმავლობაში, ტერორისტებს გამომწყვდეული ჰყავდათ 1100 ადამიანი, რომელთაგან ყველაზე პატარა თვენახევრის ბავშვი იყო. მძევლების გათავისუფლების სანაცვლოდ, ტერორისტებმა რუსეთის ხელისუფლების ლიდერს, ვლადიმერ პუტინს მოთხოვნები წაუყენეს. მოლაპარაკებები უშედეგოდ დასრულდა... სკოლაში ტერორისტების შეჭრიდან მესამე დღეს, რუსეთის სპეცდანიშნულების ძალებმა შტურმი დაიწყო, რა დროსაც 350 მძევალი დაიღუპა, საიდანაც 186 ბავშვი იყო, 500-ზე მეტი ადამიანი კი დაიჭრა. მოკლეს 31 ტერორისტი, ერთი კი ცოცხლად აიყვანეს. გარდაცვლილთა ახლობლები რუსეთის ლიდერისგან მომხდარზე პასუხს დღემდე ელიან..."
ასევე ნახეთ: სისხლიანი ტირანი - პუტინის 10 დანაშაული
პუტინის სისხლიანი გზა - ტერაქტები, რომლებიც რუსეთის პრეზიდენტის სახელს უკავშირდება
მარსის ზედაპირის ქვეშ მეცნიერებმა ტბები აღმოაჩინეს - ვარაუდობენ, რომ იქ უკიდურესად მარილიანი წყალი უნდა იყოს
"ყარაბაღში, ცეცხლის შეწყვეტის შეთანხმების შემდეგ, შესაძლოა, რუსული "სამშვიდობო ძალები“ შევიდნენ" - რას ამბობს რუსი პოლიტიკოსი, სერგეი მირონოვი მთიანი ყარაბაღის კონფლიქტზე
