მნიშვნელოვანი ინფორმაცია
28
მარტიდღის ზოგადი ასტროლოგიური პროგნოზი
პარასკევი, მთვარის ოცდამეცხრე დღე დაიწყება 06:58-ზე, მთვარე თევზებშია
საკმაოდ რთული დღეა. არ დაიწყოთ ახალი საქმეები. მოერიდეთ ფინანსურ ოპერაციებს, ყოველგვარ ვაჭრობასა და სასამართლო საქმეს. სხვა დღისთვის გადადეთ უფროსთან შეხვედრა და საქმეებზე საუბარს. არ გირჩევთ მგზავრობას, საქმეების გარჩევას. მეტად დაისვენეთ. კარგია მსუბუქი ვარჯიში. დღეს ქორწინება დაუშვებელია. განქორწინების მიზეზი ერთ-ერთი მეუღლის ღალატი ან ტყუილი გახდება. სასურველია დაიცვათ მარხვა. ძილის წინ მიიღეთ შხაპი. რაციონიდან გამორიცხეთ ხორცეული, პურ-ფუნთუშეული და ტკბილეული.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"დევნისას ბიჭს დაუვარდა პატარა ჩანთა, რომელშიც მხოლოდ სავარცხელი და თმის ჟელე ვნახეთო" - შაქარაშვილის მკვლელობაში ბრალდებული რევაზიშვილის თანამესაკნის ჩვენება
16:00 / 01-09-2020
მცხეთის სასამართლოში გიორგი შაქარაშვილის მკვლელობის საქმის არსებითი განხილვა მიმდინარეობს და ბრალდების მოწმეები იკითხებიან. ბრალდებულები დანაშაულს ისევ არ აღიარებენ. განზრახ დამამძიმებელ გარემოებებში მკვლელობის ბრალდებით დაკავებული მორაგბის, არჩილ გაგნიძის ადვოკატის, ალექსანდრე კობაიძის განცხადებით, საქმეში უკვე დევს ჩანთის ექსპერტიზის პასუხები და მასზე არ აღმოჩნდა არჩილ გაგნიძის დნმ-ის კვალი.
"გიორგი შაქარაშვილის ჩანთაზე ჩატარებული ექსპერტიზის შედეგად შერეული ტიპის დნმ ამოვიდა. კითხვა იყო დასმული, იყო თუ არა აღნიშნულ ჩანთაზე არჩილ გაგნიძის დნმ და აღნიშნული ექსპერტიზით დადგინდა, რომ ჩანთაზე გაგნიძის დნმ არ ამოსულა. თუ ვის ეკუთვნის იქ ამოსული დნმ, ეს უცნობია. შერეული დნმ ნიშნავს, რომ სხვისი დნმ ამოვიდა, მაგრამ დადგენილი არ არის, ვისი“, - განაცხადა ალექსანდრე კობაიძემ. ადვოკატები იმასაც აცხადებენ, რომ მათი დაცვის ქვეშ მყოფზე ზეწოლა მიმდინარეობს, თუმცა გენერალური პროკურატურა ამბობს, რომ ეს არის სიცრუე.
"საზოგადოების ინფორმირების მიზნით, გვსურს განვაცხადოთ, რომ ბრალდებულმა არჩილ გაგნიძემ მისი საქმის პროკურორთან, მოკლე დროში შეხვედრა მოითხოვა და შესაბამისი განცხადებით პენიტენციური დაწესებულების ადმინისტრაციას წერილობით მიმართა. აღნიშნული განცხადების საფუძველზე პროკურორი პენიტენციურ დაწესებულებაში მივიდა, თუმცა მასსა და ბრალდებულს შორის კომუნიკაცია არ შედგა, რადგან არჩილ გაგნიძემ იმ მოტივით, რომ შეხვედრას მისი ადვოკატები არ ესწრებოდნენ, უარი განაცხადა პროკურორთან გასაუბრებაზე. აღნიშნულიდან გამომდინარე, ბრალდებულ არჩილ გაგნიძის ადვოკატების განცხადება - მათი დაცვის ქვეშ მყოფის მიმართ ზეწოლაზე, არის სიცრუე და საზოგადოების შეცდომაში შეყვანის მცდელობა“, - ნათქვამია განცხადებაში.
დღეს ასევე სკანდალური ჩვენება გაასაჯაროვა "კურიერმა". როგორც ამ ჩვენებიდან ირკვევა, გიორგი შაქარაშვილის მკვლელობაში ბრალდებულ ნიკოლოზ რევაზიშვილის თანამესაკნემ სახალხო დამცველის წარმომადგენელთან შეხვედრა ითხოვა და მის მოსანახულებლად მისულ სახალხო დამცველის წარმომადგენელს განუმარტა, რომ მნიშვნელოვანი ინფორმაციის მიწოდება სურდა შაქარაშვილის საქმეზე გამოძიებისთვის.
ამის შემდეგ დაიკითხა თურმე ბრალდებული ნიკა ჩიტიძე და მან სკანდალური ჩვენება მისცა. პატიმარი ნიკა ჩიტიძე, ირწმუნება, რომ რევაზიშვილმა მას უამბო მომხდარის დეტალები. ჩვენება 14 აგვისტოთი თარიღდება, ნიკა ჩიტიძე, რომელიც რევაზიშვილის თანამესაკნეა, ჰყვება 18 ივნისის ღამის დეტალებს, რომლის შესახებ მას რევაზიშვილმა უამბო.
"ავედით ცენტრალურ გზაზე, არაგვის ხიდთან დავინახეთ 3-4 ბიჭიო. მათ დანახვაზე ვახტანგ ჩიქოვანმა იყვირა, ესენი არიან ამათი დედა ****. მძღოლის გარდა ყველანი გადავედით მანქანიდან და გავიქეცით იმ ბიჭების მიმართულებითო. ისინი ჩვენ დანახვაზე გაიქცნენ, გადაჭრეს გზა და ხიდის ქვემო ჩასასვლელისკენ გაიქცნენო. ჩვენც იმ ადგილას რომ მივუახლოვდით, შევამჩნიე, რომ ერთ-ერთი ბიჭი იქვე ბუჩქებში იმალებოდა და მე ამ ბიჭთან დავრჩი. დევნის დროს ერთი ბიჭი არაგვის ხიდის ქვეშ გამავალი გზისკენ გაიქცა, მას მიყვნენ აჩო გაგნიძე, ვახტანგ ჩიქოვანი, ზ.ხ და ა.ქ დაახლოებით 15-20 წუთის შემდეგ ისინი უკან დაბრუნდნენ და თქვეს დედა მო... ამის შემდეგ ჩვენ ჩავსხედით მანქანაში, მანქანაში ძალით ჩავსვით ამირხანაშვილი, თუმცა არ გვიცემია, აჩო გაგნიძე მას სიტყვიერად ეჩხუბა და გინება დაუწყო, რაზეც ამირხანაშვილმა უთხრა, მე არაფერ შუაში ვარო. ამირხანაშვილი შეშინებული იყო, გზაზე რამდენჯერმე პირჯვარი გადაიწერა. გაგნიძე შემდეგ მანქანაში მოყვა, რომ დავეწიეთ იმ ბიჭს ჯერ ხელის გულები დავარტყი ორივე თვალის მიდამოში და თავი ჩავარტყი სახეში, შემდეგ მუშტი ჩავარტყი და ტუჩი გაუსკდაო. ამის შემდეგ ბიჭი წაიქცა და ვახტანგ ჩიქოვანმა, ზხ- მ და ა.ქ. და მე წიხლები ვურტყითო. აჩო გაგნიძეს უთქვამს, ცემის დროს ბიჭი გაგვექცა მდინარისკენო, უკან მიყოლიან ყველანი და ამ დროს მდინარეში გადაგვივარდა ეს ბიჭი დედა მო**** და დაიხრჩოო", - ნათქვამია ნიკა ჩიტიძის ჩვენებაში.
იქ ასევე საუბარია ჩანთაზე, რომლის ექსპერტიზის პასუხსაც დღემდე ყველა ელოდება. თუ ამ ჩვენებას დავეყრდნობით, გამოდის რომ ჩანთაზე ა.ქ. - ს დნმ-ის კვალი ამოვა.
"დევნის დროს ბიჭს დაუვარდა პატარა ჩანთა, რომელიც გავხსენით და შიგნით მხოლოდ სავარცხელი და თმის ჟელე ვნახეთო. ა.ქ-მ ჩანთა იქვე არაგვის ხიდის ბეტონის საყრდენზე დადო, იმიტომ რომ ვერავინ ვერაფერს გაიგებს ჩვენზეო, იფიქრებენ ჩანთის პატრონი გადახტაო. აჩო გაგნიძემ ისიც თქვა, ეს ამბავი რომ გაბაზრდეს მთქმელს და მის ოჯახს დედას მ**** რაზეც ჩიქოვანმა დაამატა, რა უნდა გაბაზრდეს, ვინც ამას იტყვის, ის ზონაში ვერსად გაჩერდება, ბოზის სახელი ექნებაო, აჩო გაგნიძეს ჩიქოვანისთვის უთქვამს, ხომ არ დავრჩით საბურთალოელებს ვალში, ხომ ავუღეთ აბაროტი ამათი დედა მ****". - წერია ჩვენებაში.
ამავე ჩვენებით ირკვევა, რომ 18 ივნისის დეტალებზე ინფორმაცია რევაზიშვილის მეუღლეს - ნინოსაც ჰქონდა. ეს საუბარი მან მოისმინა შემთხვევის მეორე დღეს, როცა ნიკა ჟვანია მივიდა რევაზიშვილის სახლში ნიკა ცერცვაძის ავტომობილით და სთხოვა, წასულიყო კვლავ მცხეთაში და ენახა სამძებრო ღონისძიებები. ირკვევა, რომ ისინი ჩასულები იყვნენ მცხეთაში. პატიმარი ჩიტიძე იმასაც ამბობს, რევაზიშვილი მთხოვდა, მე დავკონტაქტებოდი მამამისსო.
"მან ჩამაწერინა მამამისის ნომერი და მითხრა, დამერეკა მისთვის, რომ ნიკას მეუღლე ანი, ჩამოეყვანა კასპიდან, რადგან მის მეზობელ გოგოს, დიკოს ქმარი ან თავად დიკო მუშაობდა პოლიციაში, ან ჰქონდა ახლო ურთიერთობა პოლიციასთან, რის გამოც ნიკას არ უნდოდა ანი იმ ხალხის სიახლოვეს ყოფილიყო. ნერვიულობდა რამე არ წამოცდეს ჩემზე და ეს მერე პოლიციამ არ გაიგოსო. შემდეგ მამამისთან ისიც დამაბარა მისულიყო ბიჭთან, გვარად, ამირხანაშვილთან იმ მიზნით, რომ ამირხანაშვილს მიეცა ისეთი ჩვენება, რომელიც გამორიცხავდა მისთვის თავისუფლების უკანონო აღკვეთას. ანუ ამირხანაშვილს უნდა მიეცა ჩვენება, რომ ნიკა რევაზიშვილმა და მისმა თანმხლებმა პირებმა შემთხვევის ადგილიდან ამირხანაშვილი ამ უკანასკნელის სურვილით წამოიყვანეს და არა იძულებით. თუმცა ბოლოს ნიკა რევაზიშვილმა გადაიფიქრა დანაბარების გადაცემა და მითხრა, რომ ამის შესახებ მამისისთვის არ მეთქვა. რადგან თავად უწერდა წერილებს ადვოკატს, გამყოფ მინაზე ადებდა და ამ გზით აგებინებდა მამამისისთვის გადასაცემ ინფორმაციას", - ამბობს ჩვენებაში ჩიტიძე.
გამოადგება თუ არა პროკურატურას მოწმის ირიბი ჩვენება სასამართლოში ბრალდებულების ბრალის დასამტკიცებლად, ეს მოგვიანებით გახდება ცნობილი. ჯერჯერობით საქმეზე მოწმეების დაკითხვა აქტიურად მიმდინარეობს და ექსპერტიზის დასკვნებიც არ გასაჯაროვებულა. ისიც ცნობილია, რომ ამ ცოტა ხნის წინ, მედიაში გასაჯაროვდა ნიკა რევაზიშვილის ციხიდან გამოგზავნილი წერილი, სადაც ის ბრალდებებს უარყოფდა.
მკითხველის კომენტარები /
6 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
16 ხიდი და 3 კვანძი, ვნახოთ სად გაივლის და რა დაჯდება თბილისის შემოვლითი გზის 11 კმ-იანი მონაკვეთი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ცოტა საეჭვოა, რომ თანამესაკნეს ასე გადაუშალა გული. ყველამ იცის, რომ არსებობენ ე. წ. ნასედკები.
" შევამჩნიე, რომ ერთ-ერთი ბიჭი იქვე ბუჩქებში იმალებოდა და მე ამ ბიჭთან დავრჩი" - რას ნიშნავს? გასამხნევებლად დარჩა, ეძებდა და დიდი ბუჩქნარი იყო და ვერ იპოვა, ცემდა, აკავებდა თუ რა. რას ნიშნავს დავრჩი?