მნიშვნელოვანი ინფორმაცია
10
მაისიდღის ზოგადი ასტროლოგიური პროგნოზი
შაბათი, მთვარის მეთოთხმეტე დღე დაიწყება 19:15-ზე, მთვარე მორიელში იქნება 23:58-დან
დაგეგმეთ მნიშვნელოვანი საქმეები, შეხვედრები. მოაგვარეთ ფინანსური დოკუმენტები, საკითხები. კარგია ახალი საქმეების დაწყება. უძრავ ქონებასთან დაკავშირებული საკითხების მოგვარება. ცუდი დღეა სასამართლო საქმეებისთვისა და განქორწინებისთვის. მოერიდეთ კონფლიქტს. უფრო მეტი, გაამყარეთ ურთიერთობა ნათესავებთან. კარგი დღეა უფროსთან საქმეების განსახილველად, სამსახურის, საქმიანობის შესაცვლელად. ამ დღეს დაწყებული მოგზაურობა ან მივლინება საინტერესოდ ჩაივლის. არასასურველია ქორწინება და ნიშნობა. არ გადატვირთოთ კუჭი. შეამცირეთ ალკოჰოლის დოზა და სიგარეტის რაოდენობა. დაუშვებელია ქირურგიული ოპერაციის ჩატარება სასქესო ორგანოებზე, მსხვილ ნაწლავზე, შარდის ბუშტზე. მოიმატებს სტრესული და სარისკო ქმედებების რაოდენობა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
კონგრესის ყველაზე ახალგაზრდა წევრი ქალი, რომელიც წითელი ტუჩსაცხის გარეშე საჯაროდ არ ჩნდება - ვინ არის ალექსანდრია ოკასიო კორტესი?
15:05 / 27-08-2020
პოლიტიკოსი ქალი საზოგადოების დიდი ნაწილის ცნობიერებაში ხისტ გამომეტყველებასთან, მოკლედ შეჭრილ თმასთან და უმაკიაჟო სახესთან ასოცირდება. ამბობენ, რომ პოლიტიკაში არ რჩება დრო ვიზუალზე ზრუნვისთვის, მაგრამ თანამედროვე მსოფლიოში აღმოაჩენთ ისეთ ქალ პოლიტიკოსებს, რომლებიც ახერხებენ საქმეს სილამაზის რუტინაც შეუთავსონ.
ახლა სწორედ ასეთ პოლიტიკოსზე მოგიყვებით. ალექსანდრია ოკასიო კორტესი - პოლიტიკოსი, რომელმაც წითელი ტუჩსაცხი საკუთარ ხელწერად აქცია და რომელიც არა მხოლოდ ქალების უფლებების დაცვისთვის იბრძვის, არამედ მათ სილამაზისა და თავის მოვლის მეთოდებსაც უზიარებს.
ალექსანდრია წარმოშობით ლათინო ამერიკელი, პუერტო რიკოელია, თუმცა აშშ-ში, ბრონქსში გაიზარდა. ის არის ყველაზე ახალგაზრდა ქალი, რომელიც კონგრესის წევრი გახდა. ყოველივეს 29 წლის ასაკში მიაღწია. ახლა კორტესი 30 წლისაა.
პოლიტიკოსი "დემოკრატიული პარტიის“ და კონგრესის წარმომადგენელთა პალატის წევრია, თუმცა იყო დრო, როცა მიმტანადაც მუშაობდა. მის სამუშაო გამოცდილებაში პედაგოგობაც შედის. კონგრესის წევრობამდე კორტესი ბრონქსში პედაგოგი იყო და ესპანურს ასწავლიდა. 2017 წელს ჩრდილოეთის საუნივერსიტეტო კოლეჯის საგანმანათლებლო დირექტორის თანამდებობა ჩააბარეს.
ალექსანდრია 1989 წლის 13 ოქტომბერს დაიბადა და ბრონქსში ცხოვრობდა. 2008 წელს მამა გარდაიეცვალა და ოჯახს ფინანსურად ძალიან გაუჭირდა. გოგონას ბაბუა პუერტო რიკოში მოხუცთა თავშესაფარში გარდაიცვალა. როგორც ცნობილია, ახლა ის თავის ბოიფრენდთან, რაილი რობერტსთან ერთად ცხოვრობს, რომელიც პროფესიით ვებ-დეველოპერია.
დღეს ის ამერიკაში ქალებისა და ემიგრანტების ერთ-ერთი მთავარი დამცველია, რომლებიც ამბობენ, რომ ალექსანდრია კონგრესში მათი ხმაა.
ალექსანდრია განსაკუთრებული შარმითა და მომხიბვლელობით გამორჩევა, ლათინო ამერიკული გენები მის ვიზუალში კარაგადაა გამოკვეთილი. გარდა ამისა, კორტესი იმ იშვიათ ქალ პოლიტიკოსთა შორისაა, რომლებიც უმეტეს შემთხვევაში, მაკიაჟით ჩნდებიან საზოგადოებაში და ზრუნავენ ვიზუალურ მხარეზე.
ალექსანდრია ამბობს, რომ საზოგადოებაში და თვითონ პოლიტიკოსებს შორისაც კი, სტერეოტიპული დამოკიდებულება არსებობს და პოლიტიკოს ქალს მაკიაჟით სერიოზულად არ აღიქვამენ.
სილამაზე, ეს პოლიტიკაა, - ამბობს ალექსანდრია.
მისი თქმით, ყოველ დილით დადგე სარკის წინ და იზრუნო გარეგნობაზე, მნიშვნელოვანი გადაწყვეტილებაა. ალექსანდრია ქალებს "ვოგის“ საშუალებით ესაუბრება და უზიარებს თავის მოვლის პირად რუტინას. პოლიტიკოსის თქმით, აუცილებელია მზისგან დამცავი კრემი და ეს ის საშუალებაა, რომლის გარეშეც სახლიდან არ გადის, სახისთვის იყენებს დამატენიანებელს და C ვიტამინს.
ალექსანდრიას თქმით, სილამაზის შენარჩუნებისთვის ძილი უმნიშვნელოვანესი კომპონენტია, თუმცა მისთვის, როგორც პოლიტიკოსისითვის, კარგად გამოძინება ფუფუნებაა.
"ღამე კარგად არ მეძინა - ეს პოლიტიკური ცხოვრების ნაწილია, ამიტომაც მაქვს თვალის ქვეშ სიშავე“ ამბობს პოლიტიკოსი "ვოგისთან."
ალექსანდრია ცდილობს პოლიტიკამ არ დაავიწყოს, რომ ქალია. მას ჩანთით ყოველთვის დააქვს კოსმეტიკა. მისივე თქმით, არ იყენებს "მძიმე“ მაკიაჟს, თუმცა წითელი ტუჩსაცხი ყოველდღიურობის განუყოფელი ნაწილია.
ამბობს, რომ სილამაზე ადამიანის შინაგანი სამყაროდან მოდის, რომ საკუთარი თავის სიყვარული მნიშვნელოვანია და რომ ვერანაირი ფული, ან მაკიაჟი ვერ ცვლის ადამიანის შინაგან სამყაროს, შინაგან სილამაზეს.
მკითხველის კომენტარები /
7 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
Არადა, უფრო დიდს ჰგავს...
'ანგლიზმებით' გაავსეთ ქართული ენა და რაღა მაინცდამაინც 'ტუჩსაცხს' ვერ ელევით? დაწერეთ 'პომადა', როგორც ადრე წერდნენ.ისე, რაც შეეხება ამ ქალბატონს, თუ აუცილებელი იყო მკითხველისთვის მისი გაცნობა, მოგეძებნათ/შეგერჩიათ ისეთი სურათები, (1) სადაც ქალისთვის შესაფერისად ზის და (2) 32 კბილი არ უჩანს.