მნიშვნელოვანი ინფორმაცია
29
მარტიდღის ზოგადი ასტროლოგიური პროგნოზი
შაბათი, მთვარის ოცდამეათე დღე დაიწყება 07:05-ზე მთვარის პირველი დღე დადგება 14:57-ზე, მთვარე ვერძშია
შუადღემდე დაასრულეთ ძველი საქმეები. გათავისუფლდით უსარგებლო ნივთებისაგან. კარგია შემოქმედებითი საქმიანობა, სწავლა. აკონტროლეთ ემოციები. კარგი დღეა დასვენებისთვის. ბუნებაში, ქალაქგარეთ სასეირნოდ.
საღამოს დაგეგმეთ ახალი საქმეები, მაგრამ მათი დაწყებისგან თავი შეიკავეთ. მოერიდეთ ყველა მნიშვნელოვან საქმეს, გადაწყვეტილებას. კონფლიქტისგან თავი შეიკავეთ. მოერიდეთ ფიზიკურ გადაღლას, მოსალოდნელია ტრავმები. არ გადატვირთოთ კუჭი. მოერიდეთ ცხელ და ცხარე საკვებს. არ მიიღოთ ალკოჰოლი. თავის ტკივილი რომ აირიდოთ, არ გადაიღალოთ გონებრივი სამუშაოთი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ნანუკა ჟორჟოლიანი კარანტინში გადაიყვანეს - "რა გამოდის, ჩვენი ქვეყნის პასპორტი არაფრად ღირს და თუ სხვა ქვეყნის მოქალაქე ხარ, შეგიძლია "იბლატაო“?!"
16:04 / 23-08-2020
ტელეწამყვან ნანუკა ჟორჟოლიანს ცოტა ხნის წინ ტრაგედია დაატყდა თავს. ნანუკას დედა ფილტვის სიმსივნით დაიღუპა. მძიმე დღეები ერთ-ერთი მიზეზია, რომლის გამოც მან ცოტა ხნით ქვეყნის დატოვება გადაწყვიტა. ასევე პირადი საქმეებიც ჰქონდა მოსაგვარებელი, რომელიც შვილის, მარიამ გეგუჩაძის საქართველოში სწავლის გაგრძელებას უკავშირდება.
ევროპაში ერთთვიანი მოგზაურობის შემდეგ, ჟურნალისტი სამშობლოში გუშინ დაბრუნდა და ახლა კარანტინში იმყოფება.
ნანუკა ჟორჟოლიანი: ერთი თვით ვიყავი ქვეყნიდან გასული და უკან დაბრუნების შემდეგ გადამიყვანეს კარანტინში, როგორც ყველა სხვა მგზავრი, ვინც საქართველოს მოქალაქეები ვიყავით. ამ ერთი თვის განმავლობაში რამდენიმე ქვეყანაში მომიწია ყოფნა, ძირითადად საფრანგეთში, მარიამის უნივერსიტეტიდან გამომდინარე.
არც ერთ ქვეყანაში არ არსებობს მსგავსი ნორმატივი, რომ აეროპორტში იდგეს 70 პოლიციელი. ძალიან თავაზიანები და ძალიან ზრდილობიანები იყვნენ. ისინი ბრძანებას ასრულებენ და ამაზე არ არის საუბარი. უბრალოდ, ჩამოდის უცხოელი შენთან ერთად და შენს თვალწინ გადის უპრობლემოდ ყველა პროცედურას და ტოვებს აეროპორტს, შენ კი ცალკე გაყენებენ კორიდორში, თავზე გადგას პატრული და მოჰყავხარ შემდეგ ეკიპაჟს.
დედა დავკრძალე თუ არა, ჩემი მოტივაცია იყო, რომ ქვეყნიდან გავსულიყავი. ასევე მარიამი საქართველოში აგრძელებს სწავლას და ბინა უნდა ჩაგვებარებინა. ჩემზე იყო რაღაცები გაფორმებული და აუცილებლად უნდა წავსულიყავი, სხვა შემთხვევაში, დიდი ფინანსური დანაკარგი მექნებოდა.
- როგორც ვხვდები, თქვენ შერჩევითი კარანტინის სისტემას აპროტესტებთ...
- დიახ, წარმოიდგინეთ როგორი მიდგომაა -როდესაც ტურისტი ქვეყანაში ჩადის, მისი მიზანია, რაც შეიძლება მეტი ადგილი ნახოს. შენ კი, საქართველოს მოქალაქე, როდესაც სამშობლოში ბრუნდები, გატუსაღებენ. მე არ მაქვს იმის ფუფუნება, რომ ორი კვირა წამოწოლილი ვიყო და სიმართლე გითხრათ, ეს ჩემთვის არაჩვეულებრივი დასვენებაა. ძალიან კარგ სასტუმროში ვარ, იდეალური მასპინძლებით, დილას რომ ვიღვიძებ, თბილისის ყველაზე კარგ ხედს ვხედავ, მაგრამ...ჩემთან ერთად იმგზავრა ადამიანმა, რომელსაც 12 წელი არ ჰყავდა დედა ნანახი და ამერიკიდან რომ საქართველოში დაბრუნებულიყო 2800 დოლარი გადაიხადა. ახლა ორი კვირა უნდა გააჩერონ კარანტინში. ამ დროს ემიგრანტების ყველაზე დიდი მოტივაციაა ჩამოვიდნენ და მონატრებული ოჯახის წევრები ნახონ, ხინკალი ჭამონ, ვინ დადის ვარძიის და სვანეთის სანახავად. ემიგრანტი, რომელიც საკუთარი ოჯახის წევრების ჩასახუტებლად მოდის, ორი კვირა სატუსაღოშია. სხვა ქვეყნის მოქალაქე ტურისტი კი, რომელიც ჩამოდის მთელი საქართველოს სანახავად, უპრობლემოდ გადის აეროპორტიდან და მას არ სჭირდება ორკვირიანი კარანტინი.
ძალიან პატარაა ეს ქალაქი და ყველამ ვიცით იმ ადამიანების სახელები და გვარები, რომლებმაც მოგზაურობისთის საქმე მივლინებით გაიკეთეს. ასევე ყველამ ვიცით, რომ მოსკოვში ქორწილში ცნობილი ოჯახი იყო სტუმრად ჩასული საქართველოდან. ჩავიდნენ ქორწილში და უკან უპრობლემოდ დაბრუნდნენ, არც კარანტინი და არც თვითიზოლაცია.
საგარეო დსააქმეთა სამინისტრომ გაუკეთა საბუთი, ვითომ სამუშაო ვიზით იყვნენ ჩასულები. გამოდის, რომ ხელისუფლების წევრებისთვის მოსულა აეროპორტიდან უპრობლემოდ გასვლა. ტურისტი თუ ხარ, არც მაშინ გაქვს პრობლემა და ოთხი წელი რომ შვილი არ უნახავს ემიგრანტს, ის 12 დღე სატუსაღოში უნდა იყოს.
რა გამოდის?! მთავრობა ამბობს, რომ თუ მთავრობის წევრი ხარ, ან ჩვენი ახლობელი და შეგიძლია დარეკო ბატონ ამირან გამყრელიძესთან, ჩემი დიდი პატივისცემის მიუხედავად, ეს უნდა ვთქვა, მაშინ გარეთ ხარ და თუ არა, აგერ ზიხარ კარანტინში. რაც შემეხება მე, წყალტუბოში, საქარიქედში ბებიასთან რომ დავდოდი ბავშობაში, იმის შემდეგ ორი კვირა წამოწოლის საშუალება არ მქონია. ახლა უნდა ვუყურო სერიალებს და წიგნი ვიკითხო, ჩემთვის ეს არის საჩუქარი. რა უნდა ქნან ემიგრანტებმა, რომლებსაც შვილები ენატრებათ?!
- ნანუკა, თავად თუ აპროტესტებდნენ ემიგრანტები?
- ზოგადად, მე თავშეკავებულად ვიყავი, იმ ადამიანებთან წუწუნი, რომლებსაც წლები არ ენახათ ოჯახის წევრები, უხერხული იყო. რა თქმა უნდა, აპრტოტესტებდნენ. ჩემი შოუს "ფეისბუქ" გვერდზე დავწერე, რომ გამომხმაურებოდნენ ემიგრანტები ამ პრობლებით და რამდენიმე წუთში 400-ზე მეტი რეაქცია მქონდა. მსოფლიო ცხოვრობს და ამ დროს ხელისუფლება გვეუბნება, რომ ჩვენ პრობლემას ვაგვარებთო. პრობლემას აგვარებენ ჩვენი დაპატიმრების ხარჯზე და ეს არასწორია. ადრე მსოფლიო გაიდლაინი იყო კარანტინი და მაშინ ამაზე ხმას არავინ იღებდა. რა გამოდის, საქართველოს ხელისუფლება მეუბნება, რომ ჩვენი ქვეყნის პასპორტი არაფრად არ ღირს და თუ სხვა ქვეყნის მოქალაქე ხარ შეგიძლია "იბლატაო“?
- ნანუკა, რომ მოგენდომებინათ შეძლებდით კარანტინის თავიდან აცილებას?
- რას მელაპარაკებით, შვილი მყავდა კარანტინში. იმ პერიოდში, მარიამის რეისზე 17 კაცს აღმოაჩნდა კორონა. იმ რეისით იმგზავრა უტა ივანიშვილმაც და ხალხმა როდესაც დაინახა, რომ ის კარანტინში არ მოხვედრილა და ეს გააპროტესტეს, შემდეგ სხვებსაც შეეხო თვითიზოლაცია.
რაც შემეხება მე, ამჯერად მივწერე ჯანდაცვის სამინისტროს, წარმოუდგენელია, რომ თქვენთვის თვითიზოლაცია მეთხოვა-თქო, ეს ხომ იცით, რას ნიშნავს, ხვალ მთელი საქართველო ჩემზე ილაპარაკებდა. თუმცა იმიტომ რომ არსებობს ხალხი, რომლებიც ისე გაუშვეს სახლში, რომ კარანტინი არ შეხებიათ, მათ შორის, ჩემს კოლეგებზეც იყო საუბარი, ვკითხე, რატომ არ მაძლევთ თვითიზოლაციის უფლებას-თქო. სამ დღეში ერთხელ მე ჩემით ვიკეთებ PCR ტესტს. ასევე მივწერე, რომ ვიცოდი იმ რვა ადამიანის შესახებ, რომლებმაც მოსკოვში იმოგზაურეს. სახელებითა და გვარებით მივწერე და მივანიშნე, რომ დისკრიმინაციული იყო მათი მიდგომა. "იმედზე“ რომ მემუშავა უარს ხომ არ მეტყოდი-თქო.
ასევე, უარი ვთქვი საკვებზე, არ მაქვს იმის პრობლემა, რომ ბიუჯეტმა მაჭამოს. მე თავად ვიხდი ჩემი საჭმლის თანხას. სასტუმროს ღირებულების გადახდის უფლება არ მაქვს, მითხრეს, საერთო აღრიცხვით ხდებაო. ორი დღეა რაც კარანტინში ვარ და ათი დღე კიდევ დამრჩა. სექტემბრიდან ტელევიზიას დავუბრუნდები.
მკითხველის კომენტარები /
29 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
16 ხიდი და 3 კვანძი, ვნახოთ სად გაივლის და რა დაჯდება თბილისის შემოვლითი გზის 11 კმ-იანი მონაკვეთი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
როგორ გამახარე შენი მაქ ყოფნით
საფრანგეთში რომ ჩახვედით, იქ თუ იყავით კარანტინში, თუ ეს მარტო საქარტველოს ხელისუფლების მოთხოვნაა?