ოპოზიციური პარტიების საერთო კანდიდატი საბურთალოს ოლქში ირაკლი ოქრუაშვილი, დიდუბე-ჩუღურეთში კი ზურაბ ჯაფარიძე იქნება
საბურთალოს მაჟორიტარულ ოლქში ოპოზიციის საერთო კანდიდატი ირაკლი ოქრუაშვილი, დიდუბე ჩუღურეთში კი, ზურაბ ჯაფარიძე იქნება. განცხადება ამის შესახებ მედიასთან, "ლეიბორისტული პარტიის" ოფისში მიმდინარე შეხვედრაზე, "ლეობორისტული პარტიის" ლიდერმა, შალვა ნათელაშვილმა გააკეთა.
"გვინდა, ცხელი ზაფხულითა და მძიმე ამბებით დაზაფრული საზოგადოება გავახაროთ. ეს მაინც მოხდა - ოპოზიცია დედაქალაქში მაჟორიტარობის კანდიდატებთან დაკავშირებით შეთანხმდა და შეგვიძლია ჩავთვალოთ, რომ რეჟიმს დედაქალაქი დაკარგული აქვს,"- განაცხადა ნათელაშვილმა.
მისი თქმით, მსგავსი ფაქტი უპრეცედენტოა და ის საქართველოს ისტორიაში ოქროს ასოებით შევა.
დღევანდელ შეხვედრაზე ასევე მიიღეს დეკლარაცია ოპოზიციური ხმების დაცვაზე.
შეხვედრა ამ წუთებშიც გრძელდება და ოპოზიციური პარტიების ლიდერები დეკლარაციის ტექსტის დეტალებს აზუსტებენ.
LIVE - ეთერშია გადაცემა "რეზუმე"
"პოლიციამ იმ დღეს მიიღო დავალება, რომ სისხლი არ დაღვრილიყო, მათ ეს დავალება პირნათლად შეასრულეს" - პრემიერი ზუგდიდის სპეცოპერაციაზე
