მნიშვნელოვანი ინფორმაცია
24
მარტიდღის ზოგადი ასტროლოგიური პროგნოზი
ორშაბათი, მთვარის ოცდამეხუთე დღე დაიწყება 06:11-ზე, მთვარე მერწყულში იქნება 19-19-დან
ახალ საქმეებს ნუ წამოიწყებთ, მაგრამ დაწყებულები დაასრულეთ. კარგი დღეა ვაჭრობისთვის, სასამართლო საქმეებისთვის. არასასიამოვნო დღეა კონტაქტებისთვის, აკონტროლეთ თქვენი ემოციები. არ იკამათოთ და მოერიდეთ უსიამოვნო საუბრებს. კარგი დღეა მოგზაურობის დასაწყებად, მგზავრობისათვის. სხვა დღისთვის გადადეთ ქორწინება და ნიშნობა. მოერიდეთ ალკოჰოლსა და სიგარეტს. დღის რთული ორგანოა ყურები, მოერიდეთ მათ გახვრეტას, ოპერაციას, გაწმენდას. მიირთვით ახალმომზადებული კერძი. გაამდიდრეთ რაციონი უმი ბოსტნეულით. არ დაძაბოთ და გადაღალოთ თვალები.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"უნდოდა წასულიყო ისეთ ქვეყანაში, საიდანაც უკან აღარ გაუშვებდნენ" - ბაჩალიაშვილი რამდენიმე თვის წინ ნორვეგიაში პოლიტიკური თავშესაფრის მიღებით იყო დაინტერესებული?
22:45 / 16-08-2020
23 წლის გარდაცვლილი პროგრამისტი, თამარ ბაჩალიაშვილი 2020 წლის იანვარში, ნორვეგიაში პოლიტიკური თავშესაფრის მიღებისთვის საჭირო საბუთების შესახებ, ინფორმაციის მოძიებით იყო დაინტერესებული. აღნიშნული განცხადება "მთავარზე", ნიკა გვარამიას გადაცემაში ნორვეგიის მოქალაქემ, თეონა კურუამ გააკეთა. გადაცემაში თეონა კურუასთან სატელეფონო საუბრის ჩანაწერი გავიდა, სადაც ნორვეგიის მოქალაქე გარდაცვლილ პროგრამისტთან მიმოწერის დეტალებს იხსენებს.
თეონა კურუას თქმით, რომელიც, როგორ თავად ამბობს, უკვე 20 წელია ნორვეგიაში ცხოვრობს, თამარ ბაჩალიაშვილი მას სოციალური ქსელის მეშვეობით დაუკავშირდა. გოგონამ ჯერ თეონას ერთ-ერთი კომენტარი ნახა სოციალურ ქსელში, შემდეგ კი მას პირადად მისწერა. კურუას თქმით, პირველ მიმოწერაში თამარმა მას ნორვეგიაში სამაგისტრო პროგრამებზე სწავლასთან დაკავშირებით დაუსვა შეკითხვები, რამდენიმე დღის შემდეგ საუბრისას კი დაინტერესდა, როგორ ხდებოდა პოლიტიკური თავშესაფრის მიღება ნორვეგიაში.
"თამარი იყო დაინტერესებული ქვეყნის ლოკაციის შეცვლით და მიზეზად ასახელებდა პოლიტიკურ თავშესაფარს, თუმცა პოლიტიკურ თავშესაფარში რას გულისხმობდა, არ ვიცი. მას ჩემთან შინაარსზე და კონკრეტიკაზე არ უსაუბრია. მან მხოლოდ დამიდასტურა და მითხრა, რომ საკმაოდ კარგი საფუძველი ჰქონდა ამისთვის და ფლობდა საკმაოდ კარგ დამადასტურებელ საბუთებს და მიზეზებს, რომ მას საქართველო დაეტოვებინა და თავშესაფარი ეთხოვა. საუბარში მე მას ავუხსენი, რომ ნორვეგიაში ძალიან გამკაცრებულია სიტუაცია. მან როდესაც დამიდასტურა თავისი სიტყვებით, რომ მაქვსო საკმაოდ კარგი მიზეზი, აღარაფერი აღარ ვუთხარი... ისიც მითხრა, რომ უნდოდა წასულიყო ისეთ ქვეყანაში, საიდანაც უკან აღარ გაუშვებდნენ. რადგან მან მითხრა, რომ უკან დაბრუნებას ვერ შეძლებდა. მას ჩემთვის არ უთქვამს, რატომ ან რა მიზეზებით", - განაცხადა თეონა კურუამ.
მისი თქმით, მიმოწერის დროს თამარმა ისიც დაუდასტურა, რომ არც მეუღლე ჰყავდა და არც შეყვარებული. ამ ინფორმაციის დაზუსტება კი სწორედ პოლიტიკური თავშესაფრის მიღების პირობებით იყო გათვალისწინებული.
ცნობისთვის, თამარ ბაჩალიაშვილი 18 ივლისს გაუჩინარდა. ახალგაზრდა პროგრამისტი სათვალთვალო კამერებმა ბოლოს თეთრიწყაროს რაიონში დააფიქსირეს. ის 5-დღიანი ძებნის შემდეგ თეთრიწყაროს ტყესთან, საკუთარ მანქანაში გარდაცვლილი იპოვეს.
ბაჩალიაშვილის საქმეზე გამოძიება თავისუფლების უკანონო აღკვეთის მუხლით დაიწყო, შემდეგ კი ბრალდების კვალიფიკაციას თვითმკვლელობამდე მიყვანის მუხლი დაემატა.
მკითხველის კომენტარები /
50 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს ფარულ ჩანაწერებს აქვეყნებს - დაკავებულია 3 პირი: კადრებში ჩანს, როგორ ყიდიან ნარკოტიკს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
საინტერესოა რატომ და ვინ აიძულებდა სამუდამოდ გაქცევას,მშობლებს და ძმას რატომ ტოვებდა?მე ამას ვერ ვიზამდი.დედამ რომ თქვა სულ ჩემს გვერდით ეძინაო..მამას სად ეძინა?
ვაი იმათ პატრონს ვისაც ამ არხის სისულელეების ჯერავს!!!!!!! არ დაიღალნენ იმან თქვა ; ამან ესე მითხრა ნუ აი სისულელე; უბრალოდ ისინი უფრო მეცოდებიან ვისაც ამათი ჯერავს და ანალიზის უნარი არ აქვს!!!!!!!!