"კეთილი ინებონ, გამოიკვლიონ და წავიდნენ მკვლელობისკენ" - ბაჩალიაშვილის ოჯახის ადვოკატი გამოძიებას მიმართავს

23 წლის გარდაცვლილი პროგრამისტის, თამარ ბაჩალიაშვილის ოჯახის ადვოკატი, მიხეილ რამიშვილი შსს-ს და პროკურატურას მიმართავს, რომ საქმის კვალიფიკაცია შეიცვალოს.

მისი თქმით, საქმე მკვლელობის ვერსიით უნდა შეიცვალოს.

„ჩვენ ამაზე მეტად არ შეგვიძლია გამოძიებას მივეხმაროთ და ვიმსჯელოთ, რასთან გვაქვს საქმე. დასრულებულია ის ვერსია, რომ ავტომობილში 5 დღის განმავლობაში იყო ცხედარი და ერთხელაც არავის არ დაუნახავს. 1 თვის განმავლობაში ვითხოვთ დრონის ჩანაწერებს და ერთი უწყება მეორე, ერთ სისტემაში მყოფ უწყებას, ერთი თვის ვადაში ჩანაწერებს სთხოვს. მივმართავ მთავარ პროკურორს და შინაგან საქმეთა სამინისტროს, რომ თვითმკვლელობის ვერსიას არანაირი პერსპექტივა არ აქვს, შეიცვალოს კვალიფაკაცია თვითმკვლელობა - მკვლელობით და აღარ არის საჭირო სხვა ვერსიების განხილვა. შევცვალოთ ჩვენი მიდგომა, მესმის, რომ დაჩქარებული წესით მიმდინარეობდა თვითმკვლელობის ვერსიის განმტკიცება და მერწმუნეთ ამას აზრი აღარ აქვს. თუ უნდათ ობიექტური ჭეშმარიტების დადგენა მთელი ძალებით კეთილი ინებონ, გამოიკვლიონ და წავიდნენ მკვლელობისკენ“, - აღნიშნა მიხეილ რამიშვილმა.

ცნობისთვის, ბაჩალიაშვილის საქმეზე გამოძიება თავისუფლების უკანონო აღკვეთის მუხლით დაიწყო, შემდეგ კი ბრალდების კვალიფიკაციას თვითმკვლელობამდე მიყვანის მუხლი დაემატა.