მნიშვნელოვანი ინფორმაცია
9
მაისიდღის ზოგადი ასტროლოგიური პროგნოზი
პარასკევი, მთვარის მეცამეტე დღე დაიწყება 17:58-ზე, მთვარე სასწორშია
ნუ წამოიწყებთ ახალ საქმეებს. უმჯობესია, დრო დაშვებული შეცდომების გამოსასწორებლად გამოიყენოთ. მოაგვარეთ ფინანსური საკითხები. უძრავ ქონებასთან დაკავშირებული პრობლემები განხილვა სხვა დღისთვის გადაიტანეთ. კარგი დღეა სწავლისთვის, ცოდნის მისაღებად. კარგია საქმეების შესრულება თანამოაზრებთან ერთად, კოლექტივში. მოერიდეთ საოჯახო საქმეების საჯაროდ განხილვას, ურთიერთობის გარჩევას; მგზავრობას, მოგზაურობის დაწყებას; საქმის, საქმიანობის შეცვლას. გაუფრთხილდით თირკმლებს. მოერიდეთ სითხისა და ალკოჰოლის მიღებას. აგრეთვე სუსტდება ენდოკრინული სისტემა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"მცირეწლოვანი ბავშვებით ვარ აქ... ჩემი სახლიღა დარჩა ნაპირზე და წაიღებს" - ონში მოსახლეობის ევაკუაცია ვერტმფრენებით მიმდინარეობს
18:23 / 29-07-2020
რაჭაში სტიქიას ებრძვიან. ყველაზე მეტად ონის მუნიციპალიტეტი დაზარალდა, სადაც 12 სოფელი გარესამყაროსაა მოწყვეტილი. პირველადი ინფორმაციით, სტიქიის შედეგად დაზიანებულია 10 ხიდი, 8 ადგილას ჩანგრეულია ცენტრალური გზის სავალი ნაწილი, ასევე - რამდენიმე მონაკვეთი ონიდან შოვის მიმართულებით და შიდა სასოფლო გზები.
სტიქიის ზონაში მობილიზებულია 12 ერთეული ტექნიკა - ექსკავატორები, ბულდოზერები. შინაგან საქმეთა სამინისტროს სასაზღვრო პოლიციის ვერტმფრენით სტიქიის ზონიდან, სოფელ გლოლადან გამოყვანილია დამატებით 30-მდე მოქალაქე, მათ შორის 3 მცირეწლოვანია.
მათი ნაწილი ადგილობრივია, ნაწილი კი სტიქიით დაზარალებულ სოფელში ტურისტულად იმყოფებოდა. ამასთან, სტიქიის ზონაში დარჩენილ მოქალაქეებს, საჭიროების შესაბამისად, ადგილზე მიეწოდათ მედიკამენტები და საკვები პროდუქტები.
მოსახლეობის ნაწილი, ვინც სტიქიის ზონაშია დარჩენილი, დახმარებას სოციალური ქსელის მეშვეობითაც ითხოვს და ადგილზე გადაღებულ მძიმე კადრებს ავრცელებს. ერთ-ერთი გოგონა, რომელიც უწერაშია ჩარჩენილი, წერს, რომ სოფელში ბავშვებთან ერთად იმყოფება. როგორც ის ამბობს, ადიდებულმა მდინარემ უკვე მის ახლოს მდებარე რამდენიმე სახლი წაიღო.
"მოგვაქციეთ ყურადღება... ბავშვებით ვართ აქ ჩავრჩით, დენიც გაითიშა, რაიონთან დამაკავშირებელი გზაც წაღებულია, არც საცალფეხო გზაა, წაიღო ჩვენ გარშემო მდებარე სახლები, ჩემი მეზობლის სახლია ვიდეოში, ამის მერე ჩვენია, მცირეწლოვანი ბავშვებით ვართ, გამოაგზავნეთ დახმარება!.დენი არ არის ტელეფონის ბატარიას ვუფრთხილდებით, რომ გარესამყაროსთან გვქონდეს კონტაქტი, ნუ მირეკავთ გთხოვთ..
სამაშველოც ვერ მოვა ფიზიკურად სახმელეთო გზით, გზა არ არის ფიზიკურად, ცოტა ჩაწყნარდა წყალდიდობა, მაგრამ თუ ისევ გაწვიმდა და იგივე გამეორდა ჩემი სახლიღა დარჩა ნაპირზე და წაიღებს, ჩვენამდე რაც იყო, აღარაფერია დარჩენილი...
მთავარია არ გაწვიმდეს, მთავარია დროულად მოახდინონ სამშენებლო სამუშაოების დაწყება, გზის ხიდის რესტავრაცია, ელექტროენერგიის გამოყვანა, თორემ აქ არც მაღაზიებია, არც აფთიაქი მოწყვეტილები ვართ და ღამე სიბნელეში რა უნდა ვქნათ არ ვიცი, დენი გვჭირდება პირველ რიგში და გზის აღდგენა, მეეჭვება ყველა თვითმფრინავებით გადმოგვიყვანონ სათითაოდ, ვნახოთ რა იქნება, ყველგან დავრეკე ყველა სამაუწყებლოშიც, ასე რამ დიდი ხანია არ მომხდარა" - წერს ნინო ჯაფარიძე სოციალურ ქსელში.
როგორც AMBEBI.GE-ს ონის მუნიციპალიტეტის მერმა დავით ჩიკვაიძემ განუცხადა, გოგონასთან კომუკაცია უკვე შედგა. მისი ინფორმაციით, უკვე გაგზავნილია ვერტმფრენი სტიქიის ზონაში ჩარჩენილი ადამიანების დასახმარებლად და მათ გამოყვანას უახლოეს საათებში შეძლებენ.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა მოხდება იმ შემთხვევაში თუ პირი ჯარიმას არ გადაიხდის და რა ვადებს უკავშირდება მისი აღსრულება?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
