ზუგდიდში ინტერაქციული წიგნის, "ფენიქსის" პრეზენტაცია გაიმართება

1 აგვისტოს 18:00 საათზე ზუგდიდის ბოტანიკური ბაღის ღია ბიბლიოთეკაში ( გამსახურდიას #1) ინტერაქციული წიგნის "ფენიქსის" წარდგენა გაიმართება.

ავტორები: თეა ინასარიძე, ტორესა მოსი, ელის დოჯსონი და ნიკოლას მაჩაბელი, ამჯერად, ზუგდიდელ მკითხველს შეხვდებიან.როდესაც წიგნს კითხულობ, უნებლიეთ, შენც ნაწარმოების მთავარი გმირი ხდები და მასთან ერთად იწყებ საინტერესო მოგზაურობას. თუმცა, ზოგჯერ შეიძლება დაუკმაყოფილებლობის განცდა დაგრჩეს სიუჟეტის განვითარების, გმირის ამა თუ იმ გადაწყვეტილების, ან თუნდაც დასასრულის გამო, მაგრამ არჩევანი არ გაქვს. უნდა მიიღო ის, რაც ავტორმა შემოგთავაზა.

ეს სხვანაირი წიგნია. აქ სწორედ მკითხველი იღებს მონაწილეობას სიუჟეტის ფორმირებაში. ირჩევს გაგრძელებას და თავად ადგენს მისთვის სასურველ ალტერნატიულ რეალობას.

რა არის "ფენიქსი"? რომელ ალტერნატიულ გაგრძელებასა და დასასრულს აირჩევ შენ? სიუჟეტის განვითარების რომელ ხაზს გაყვები? რომელი ჟანრი იქნება შენთვის სასურველი: დრამა, თრილერი, მისტიკა, სათავგადასავლო თუ დეტექტივი?

თხუთმეტი ნაწილისგან შემდგარ რომანს, რამდენიმე ალტერნატიული გაგრძელება და რვა, ერთმანეთისგან განსხვავებული დასასრული აქვს.

დასწრება თავისუფალია. გთხოვთ, დაიცვათ ჯანდაცვის სამინისტროს რეგულაციები - აუცილებელია, გეკეთოთ პირბადე.მოსულ სტუმრებს, შესაძლებლობა ექნებათ, დაუსვან ავტორებს კითხვები, გადაიღონ მათთან ერთად ფოტოები და აიღონ ავტოგრაფები.

ღონისძიებაძე იქნება წიგნების გამოფენა-გაყიდვა.

დამატებითი ინფორმაცია იხილეთ ბმულზე