"4 ოპერაცია ჩაუტარდა" - როგორია 3 წლის ბავშვის მდგომარეობა, რომელიც მე-6 სართულიდან გადმოვარდა

3 წლის ბავშვი, რომელიც პეტრე იბერის ქუჩაზე, საცხოვრებელი კორპუსის მე-6 სართულიდან გადმოვარდა, მართვითი სუნთქვიდან მოხსნეს. როგორც „ინტერპრესნიუსს“ ი. ციციშვილის სახელობის ბავშვთა კლინიკის სამედიცინო დირექტორმა, მაია ჩხაიძემ განუცხადა, ბავშვს მრავლობითი სახის დაზიანებები ჰქონდა და 4 ოპერაცია ჩაუტარდა.

„ბავშვი მართვითი სუნთქვიდან მოხსნილია. ჯერჯერობით, კომატოზური მდგომარეობა 8-10 ქულის ფარგლებშია“,- განაცხადა მაია ჩხაიძემ.

შეგახსენებთ, 3 ივლისს, თბილისში, პეტრე იბერის ქუჩაზე საცხოვრებელი კორპუსის მე-6 სართულიდან 3 წლის ბავშვი გადმოვარდა. შსს-მ გამოძიება სსკ-ს 124-ე მუხლით დაიწყო, რაც გაუფრთხილებლობით ჯანმრთელობის დაზიანებას გულისხმობს.