"მაქსიმ პლახოი" პოლიციასთან მოლაპარაკებაზე წამოვიდა - ბოლო ინფორმაცია უკრაინიდან

უკრაინის ქალაქ ლუცკში პოლიციამ პირველად შეძლო მამაკაცთან მოლაპარაკება, რომელმაც ავტობუსით ადამიანები მძევლად აიყვანა. უკრაინული მედიის ინფორმაციით, დამნაშავემ მათ ნება დართო, მძევლებისთვის წყალი გადაეცა.

ამის შესახებ უკრაინის შინაგან საქმეთა მინისტრის მოადგილემ ანტონ გერაშენკომ განაცხადა.

წყალი მძევლებს სამართალდამცავი ორგანოს თანამშრომელმა გადასცა.

"მოლაპარაკებების პირველი შედეგი. მაქსიმ კრივოშმა პოლიციას ნება დართო მძევლებისთვის წყალი გადაეცა. მძევლებს წყალი ეროვნული პოლიციის უფროსის პირველმა მოადგილემ ევგენი კოვალმა გადასცა", - განაცხადა გერაშენკომ.

• წაიკითხეთ: ვინ არის "მაქსიმ პლახოი", რომელმაც უკრაინაში მგზავრებით სავსე ავტობუსი გაიტაცა და რა მოთხოვნები აქვს - ახალი დეტალები