მნიშვნელოვანი ინფორმაცია
26
აპრილიდღის ზოგადი ასტროლოგიური პროგნოზი
შაბათი, მთვარის ოცდამერვე დღე დაიწყება 05:19-ზე, მთვარე ვერძშია
დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. დღის რთული ორგანოა თავი. ამიტომ მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რამდენიმე თვის წინანდელ ფოტოებზე ჩანდა, რომ მაშო მეუღლის სანახვად ციხეში დადიოდა, მაგრამ... - მინდია გოგოჭური მარგველაშვილის სიძე აღარ არის
13:01 / 21-07-2020
ამ რამდენიმე დღის წინ ცნობილი გახდა, რომ მინდია გოგოჭური სასტუმრო "პარაგრაფში" დააკავეს, მას აღკვეთის ღონისძიებად პატიმრობა უკვე შეეფარდა. ინფორმაცია გავრცელდა ისე, რომ ექსპრეზიდენტ გიორგი მარგველაშვილის სიძე დააკავესო, არადა, როგორც AMBEBI.GE-სთვის გახდა ცნობილი, გოგოჭური კარგა ხანია უკვე, რაც დაშორდა მაშო ჩიჩუას და წყვილი ცალ-ცალკე ცხოვრობს.
საქართველოს მეოთხე პრეზიდენტის გიორგი მარგველაშვილის პრეზიდენტობის პერიოდი მისთვის არც თუ ისე კომფორტული გახლდათ. გარდა იმისა, რომ "ქართულმა ოცნებამ" არ აპატია პრეზიდენტის იმჟამინდელ სასახლეში ცხოვრება, ბიძინა ივანიშვილის შერჩეული პრეზიდენტი, მარგველაშვილი ცოლის ნათესავებმა არაერთ უხერხულ სკანდალში გახვიეს.
ყველას ახსოვს ექსპრეზიდენტის სკანდალური შეწყალებები, რომელთა შორის მისი მეუღლის, მაკა ჩიჩუას ძმა გახლდათ. მარგველაშვილის ციხიდან გამოსული ცოლის ძმა, მალევე უკან შეაბრუნეს, იარაღის უკანონო ტარების ბრალდებით.
რაც შეეხება მაკა ჩიჩუას ქალიშვილის, მაშო ჩიჩუას იმჟამინდელი ქმრის, მინდია გოგოჭურის დაკავებების სერიას, ეს ხშირად იუმორის საგანიც კი ხდებოდა, რადგან გოგოჭური მარგველაშვილის პრეზიდენტობის დროს არაერთხელ დაჭრეს თუ დააკავეს.
მაშო ჩიჩუა მაკა ჩიჩუას პირველი ქორწინებიდან ჰყავს. გოგონას მამა მუსიკოსი დიმა დადიანია, თუმცა მაშო დღემდე დედის გვარზეა. მაშო ჩიჩუასა და მინდია გოგოჭურის ქორწინება წლები გაგრძელდა. როგორც უკვე აღვნიშნეთ, გოგოჭურის სახელი არაერთხელ გახმაურდა მედიაში და ის სხვადასხვა კრიმინალურ საქმეს უკავშირდება.
2018 წლის 5 დეკემბერს, შსს-ს თბილისის პოლიციის დეპარტამენტის თანამშრომლებმა, ამაშუკელის ქუჩაზე ჩატარებული სპეცოპერაციის შედეგად, ცეცხლსასროლი იარაღის მართლსაწინააღმდეგო შენახვის და დანაშაულის შეუტყობინელობის ფაქტებზე, 1989 წელს დაბადებული მინდია გოგოჭური და 1994 წელს დაბადებული, ჯანმრთელობის განზრახ მძიმე დაზიანების ბრალდებით ძებნილი გ.რ. დააკავეს.
მინდია გოგოჭურის სახელი წინა წლებშიც არაერთ კრიმინალურ საქმეში ფიგურირებდა.
2017 წლის იანვარში, გოგოჭური ბალანჩივაძის ქუჩაზე, მეგობართან ერთად დაჭრეს. ორივე დაშავებული რესპუბლიკურ საავადმყოფოში მოათავსეს და პრეზიდენტის სიძეს ოპერაცია ჩაუტარდა. გამოძიება მაშინ სისხლის სამართლის კოდექსის 118-ე და 236-ე მუხლებით დაიწყო, რაც ჯანმრთელობის განზრახ ნაკლებად მძიმე დაზიანებასა და ცეცხლსასროლი იარაღის უკანონო შეძენა-შენახვა-ტარებას გულისხმობს.
გოგოჭური კიდევ ერთხელ დაჭრეს 2018 წლის ივლისში. მას ცეცხლსასროლი იარაღიდან სამი ტყვია ფეხში ჰქონდა მოხვედრილი. დაჭრილი რესპუბლიკურ საავადმყოფოში მეგობრებმა მიიყვანეს და გოგოჭურს ოპერაცია გაუკეთდა. ექიმების ინფორმაციით, პაციენტს ქვემო კიდურის მიდამოებში აღენიშნებოდა მრავლობითი ჭრილობები.
დაჭრის ფაქტზე, შინაგან საქმეთა სამინისტრომ გამოძიება ჯანმრთელობის განზრახ მძიმე დაზიანების მუხლით დაიწყო. გამოძიება სისხლის სამართლის კოდექსის 117-ე მუხლით მიმდინარეობდა, რაც 3-დან 6 წლამდე პატიმრობას ითვალისწინებს. შსს-ს ინფორმაციით, მინდია გოგოჭური მომხდართან დაკავშირებით გამოძიებასთან არ თანამშრომლობდა და დაჭრის დეტალებზე არ საუბრობდა.
მიხეილ თათარაშვილისა და გოგოჭურის სახელი კიდევ ერთხელ გააქტიურდა 2017 წლის მარტში, როცა პრეზიდენტის ქალიშვილმა ანა მარგველაშვილმა "ფეისბუქის" პირად გვერდზე მიმართვა გაავრცელა, სადაც ის ამბობდა, რომ მის მეგობარს მიხეილ თათარაშვილს "ჩაუდეს 18 აბი სუბოტექსი". ანა მარგველაშვილის გადაღებულ კადრებზე ასახული იყვნენ თათარაშვილი და პრეზიდენტის სიძე მინდია გოგოჭური, რომლებიც ერთმანეთს უღებდნენ ვიდეოს, ჯიბეებს იჩხრეკდნენ და აჩვენებდნენ კადრში, რომ არაფერი ჰქონდათ.
რამდენიმეთვიანი პროცესების შემდეგ, მიხეილ თათარიშვილი, მოსამართლის გადაწყვეტილებით, სასამართლო დარბაზიდან გათავისუფლდა. თათარაშვილს აღკვეთის ღონისძიების სახით შეფარდებული პატიმრობა 10 000 ლარიანი გირაოთი შეეცვალა.
გოგოჭურის სახელმა 2013 წელს მომხდარი დაჭრის ფაქტში გაიხმაურა. დაპირისპირება გოგოჭურს და ბაჩო სირაძეს შორის მოხდა. ეს უკანასკნელი პრეზიდენტის ქალიშვილის ანა მარგველაშვილის შეყვარებული იყო. ამბობენ, რომ წყვილს ურთიერთობა დაეძაბათ, ვითარების გარკვევას კი მინდია გოგოჭური შეეცადა, რომელმაც ურთიერთშელაპარაკების ნიადაგზე სირაძე ფეხში დაჭრა.
კიდევ ერთი საქმე, რომელშიც გოგოჭურის სახელი ფიგურირებს, 2011 წლის ოქტომბერში რუსთაველის გამზირზე მომხდარი გახმაურებული მკვლელობაა - შეიარაღებულმა პირებმა 23 წლის ზურა ტარყაშვილს ხალხით სავსე ქუჩაში 11 ჭრილობა მიაყენეს, ახალგაზრდა რუსთაველის გამზირზე დედისა და დის თვალწინ გარდაიცვალა.
სწორედ ზურაბ ტარყაშვილის დედა, თამილა კოჭლამაზაშვილი 2013 წელს, მაშინ ჯერ კიდევ საპრეზიდენტო კანდიდატ გიორგი მარგველაშვილს, მისი შვილის მკვლელის მფარველობაში ადანაშაულებდა.
რამდენიმე თვის წინ ცნობილი გახდა, რომ ბოლო დაკავების შემდეგ მინდია გოგოჭური გაათავისუფლეს. ის ბოლოს 2018 წლის დეკემბერში, ამაშუკელის ქუჩაზე ჩატარებული სპეცოპერაციის დროს დააკავეს და ბრალად იარაღისა და საბრძოლო მასალის უკანონო შეძენა-შენახვა-ტარება წარუდგინეს. მიუხედავად იმისა, რომ დანაშაული 8-დან 11 წლამდე პატიმრობას ითვალისწინებდა, რამდენიმე თვის წინ გოგოჭურმა სასჯელაღსრულების დაწესებულება დატოვა.
ცნობილი გახდა, რომ გოგოჭურს კანონით დადგენილი წინასწარი პატიმრობის ვადა ამოეწურა და ვინაიდან ამ ვადაში ვერ დასრულდა სასამართლო განხილვა, მინდია გოგოჭური განაჩენს ციხის გარეთ დაელოდებოდა, თუმცა, ორი დღის წინ ისევ დააკავეს. როგორც უკვე აღვნიშნეთ, დაკავება სასტუმრო „პარაგრაფში“ მომხდარ ინციდენტს უკავშირდება. თავდაპირველად გავრცელებული ინფორმაციის მიხედვით, გამოძიება მას ცემას ჯანმრთელობის მსუბუქი დაზიანებით და ცეცხლსასროლი იარაღის შეძენა-შენახვა-ტარებას ედავებოდა, თუმცა ახლა ირკვევა, რომ მას კიდევ 2 მუხლით წაუყენეს ბრალი. ესაა: 260-ე , რაც ნარკოტიკული საშუალებების უკანონო შეძენა-შენახვა ტარებას გულისხმობს და 353-ე, რაც პოლიციელისთვის წინააღმდეგობის გაწევას ითვალისწინებს.
ის, რომ მაშო ჩიჩუა მინდია გოგოჭურს დაშორდა, ამის შესახებ ინფორმაცია ოჯახის ახლობელმაც დაგვიდასტურა. თუმცა ჯერ კიდევ რამდენიმე თვის წინ ჩიჩუა ინსტაგრამის საკუთარ გვერდზე გლდანის ციხის ირგვლივ გადაღებულ ფოტოებს აქვეყნებდა, საიდანაც ჩანდა, რომ მეუღლის სანახავად დადიოდა.
წყვილს საერთო შვილი არ ჰყავს.
მაშო ჩიჩუა ძალიან ჰგავს ფიზიკურად დედას. გატაცებულია ფოტოგრაფიით და ინსტაგრამის საკუთარ გვერდზე ყოველთვის საინტერესო სურათებს აქვეყნებს. არ კონტაქტობს მედიასთან, უყვარს ცხოველები და გიორგი მარგველაშვილის ქალიშვილის ანა მარგველაშვილისგან განსხვავებით, არასოდეს ჩნდება ხმაურიან წვეულებებზე.
მკითხველის კომენტარები /
14 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ნიუ ჯერსიში მასშტაბურ ტყის ხანძარს ებრძვიან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მიუხედავად მდიდრული კრიმინალური წარსულისა მისი კრიმინალური ავტორიტეტი ნულის ტოლია მაინც და ცხოვრებაში მისი ყველაზე დიდი მიღწევა ყოფილი პერზიდენტის მეორე ცოლის პირველი გერის ქმრობა იქნება
გულის ამრევი პროვინციალიზმის საუკეთესო მაგალითია.
აკიდო რაღაც პასუხისმგებლობა ადამიანს სრულწლოვანი ნათესავის, შვილის, მშობლის ან მეგობრის გამო არის სრული გოიმობა, ქაჯობა და ა.შ.
ყველა ადამიანი აგებს პასუხს მხოლოდ თავის ქმედებებზე.
ვისი რა საქმეა ვისი შვილი,სიძე, ნათესავი თუ რა ვიცი კიდევ ვისი რა ან ვინ არის?
დააშავა? აგებინე პასუხი. გვასახელა? დაუკარი ტაში.