მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ბასკოვის და ვალერიას კონცერტები გვიშველის?!" - როგორ ეხმაურებიან აფხაზეთში გავრილოვისა და რუსი მომღერლებისთვის "კეთილი ნების ელჩის" სტატუსის მინიჭებას
08:56 / 18-07-2020
რუსეთის დუმის დეპუტატმა სერგეი გავრილოვმა, რომლის ჩამოსვლის გამო, საქართველოში 20 ივნისის რამდენიმეთვიანი საპროტესტო ტალღა დაიწყო, "აფხაზეთის კეთილი ნების ელჩის" სტატუსი მიიღო.
სოციალური პლატფორმის "აფხაზეთის მომავლის" თანათავმჯდომარის მილანა ხაშბას თქმით, "აფხაზეთის კეთილი ნების ელჩების" ახალ შემადგენლობაში აფხაზური და რუსული მხარეებიდან 10-10 ადამიანი ირიცხება.
ეს სტატუსი ასევე მიიღეს რუსეთის სახალხო არტისტმა ნიკოლაი ბასკოვმა, მომღერალმა ვალერიამ, კინორეჟისორმა ემირ კუსტურიცამ და სხვებმა, რომლებიც მრავალშვილიანი აფხაზი დედების დასახმარებლად იმღერებენ.
აღნიშნული პროექტი მოსკოვში 2017 წელს დაარსდა და მისი ფუნქცია, ჰუმანიტარულ პროექტებში ჯანდაცვის, განათლებისა და სპორტის მიმართულებით მუშაობაა.
ქვლმოქმედებიდან შემოსული თანხა რომ მრავალშვილიან დედებს მომხარდებათ, ამის არ სჯერა ადგილობრივი მოსახლეობის ნაწილს. აფხაზი ინტერნეტმომხმარებლები სოციალურ ქსელებში წერენ, რომ მოსკოვიდან ჩამოსული ნიკოლაი ბასკოვისა და ვალერიას კონცერტებით, აფხაზეთის ეკონომიკასა და სოციალურ პრობლემებს არ ეშველება.
"ეს ყველაფერი კი შოუს ნაწილია, რომელსაც წინა, ხაჯიმბას ხელისუფლების ინერციით, ბჟანია-ანქვაბის გუნდიც აგრძელებს".
"მხოლოდ ჩემს გარშემო, პატარა ოჩამჩირეში, არაერთი მარტოხელა დედაა, არა მრავალშვლიანი, მაგრამ მარტოხელა - ერთი ან ორი შვილით. ტურისტული სეზონისას, გასულ წლებში ისინი ახლო-მახლო სასტუმროებში, რესტორნებსა და კაფე-ბარებში მუშაობდნენ მზარეულებად, დამლაგებლად, დამხმარეებად, წელს კი ტურისტები არ გვყავს, მარტოხელა დედები უმუშევრები დარჩნენ, ბავშვები მშივრები..." - წერს ინტერნეტმომხარებელი ლუიზა კვიკვინია.
"იმ ბავშვების მამების ცხოვრება ძალიან ზუსტად ასახავს ჩვენი ქვეყნის რეალობას. მათ პატარა, სკოლის ასაკში მარიხუანის მოწევით დაიწყეს, შემდეგ იაფიანი სააფთიაქო ნარკომანიით გააგრძელეს, შემდეგ ვენურ ნარკოტიკზე გადავიდნენ და ბოლოს ლოთობით აგრძელებენ ცხოვრებას. მუშაობენ სხვადასხვა ქალაქში, სოხუმში, გაგრაში, ბიჭვინთაში, სოჭში, ადლერში.... ზოგჯერ მშენებლობაზე, მანქანის ხელოსნებად ან სადმე სხვაგან, თუმცა სახლში ვერაფერს გზავნიან, ან თითქმის ვერაფერს, რადგან თვიანთ პრობლემებსაც ვერ აგვარებენ და ზოგჯერ ჩამოსავლელად ამ სულაც იქ საარსებოდ მოხუცი მშობლები უგზავნიან ფულს.
ჩვენს გარშემო ათეულობით ასეთი ოჯახია, ერთნაირი ისტორიებით. თუ ჩვენს სამუშაოდ გადახვეწილ კაცებს გაუმართლათ და აფხაზეთში დაბრუნდნენ, აქ აგრძელებენ დალევას და ბომჟურ ცხოვრებას, ითრევენ მოზარდებს თავიანთ წუმპეში და ასე გრძელდება წლებია. ჰოდა, ბატონებო, სოხუმის სანაპიროს სანახავად რამდენიმე დღით ჩამოსული ბასკოვი და კუსტურიცა ჩვენს პრობლემას ვერ უშველიან..." - წერს ადგილობრივი "გალა-ვაის" ფსევდონიმით.
"საინტერესოა, მაინც რამდენი მრავალშვილიანი დედა გვყავს, თუ არ ჩავთვლით სოფლებში, რამდენიმე ცალკეულ შემთხვევას, აფხაზეთში წლებია 2 შვილზე მეტს არავინ აჩენს, გამოკვების თავი არ აქვთ...
კიდევ, ბოლო წლებია, არავინ არაფერს ამბობს შშმ პირ ბავშვებზე, თითქოს არც არსებობენ, მშობლებს აუტიზმის სპექტრისა და დაუნის სინდრომის მატარებელი ბავშვები სახლიდან არ გამოჰყავთ, ყველას არიდებენ... არ არსებობს მათთვის პროგრამები, რითაც ისინი სოციალიზაციას შეძლებენ. მეტიც, უამრავმა დედამ არც იცის შვილის დიაგნოზი და უბრალოდ, სახლში გამოკეტილად ზრდის მათ. ეს არის რეალობა, რომელიც ყველამ იცის, მაგრამ ყველა თვალს ხუჭავს..." - მიაჩნია "ელი კლარკს".
მკითხველის კომენტარები /
11 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უძრავი ქონება საქართველოში: ეკონომიკაზე გავლენა, ტენდენციები და პროგნოზები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ბოროტების იმპერიის "კეთილი ნების ელჩები" ეს რაღაც ახალია.ეხ გავრილა,გავრილა.სანამ რუსეთის ფედერაციაში ეროვნული ავტონომიების სახით ძალით შეყვანილი ერები არ მოითხოვენ დამოუკიდებლობას,მანამდე რუსეთი კვლავ ისარგებლებს ამ მცირე ერების ნავთობით,გაზით,ალმასით,ოქროთი და სხვა მრავალი წიაღისეულით მიღებული სიმდიდრით და კვლავ გააგრძელებს "კეთილი" საქმეების კეთებას.ხელოვნურად შექმნილი "სამრეთ ოსეთი"თუ სცნო დამოუკიდებელ სახელმწიფოდ,რა დააშავა "ჩრდილოეთ ოსეთმა",იაკუტიამ,ბაშკირეთმა,თათრეთმა და სხვა მრავალმა.
ბასკოვი,როგორც კი იმღერებს აფხაზეთი გადარჩება,აფხაზების გარეშე,სომხები,ადიღეველები{აფსუები},დაღესტანელები,კაზაკები,თურქები,ოსები,ჩეჩნები,ერთმანეთს დაჭამენ აფხაზეთისთვის,ხოლო ამათ ყველას ერთად ბოლოს მოუღებს რუსეთი,რუსეთს კი ამისთვის ყველაზე დიდი იარაღი აქვს შეტანილი აფხაზეთში,ესაა ნ ა რ კ ო ტ ი კ ე ბ ი,მერე კი დაიწყება რუსების განსახლება მთელ აფხაზეთის ტერიტორიაზე,როგორც ეს სოჭში მოხდა და აფხაზეთს საბოოლოოდ რუსეთად გამოაცხადებს.
პუტინმა მუდმივი პრეზიდენტობა მარტო საქართველოს დასასჯელად, აფხაზეთისა და სამაჩაბლოს საბოლოდ რუსეთის შემადგენლობაში გაფორმებისთვის გადაწყვიტა.