მნიშვნელოვანი ინფორმაცია
10
მაისიდღის ზოგადი ასტროლოგიური პროგნოზი
კვირა, მთვარის მეთხუთმეტე დღე დაიწყება 20:34-ზე, მთვარე მორიელშია
კრიტიკული დღეა. არ იჩხუბოთ. ეცადეთ, ეს დღე მშვიდად განვლოთ. არ დაიწყოთ ახალი საქმეები; მოერიდეთ მნიშვნელოვანი გადაწყვეტილებების მიღებას; ფინანსური საკითხების მოგვარება სხვა დღისთვის გადადეთ; ვაჭრობისთვის არახელსაყრელი დღეა, უძრავ ქონებასთან დაკავშირებული საკითხები სხვა დღეს მოაგვარეთ. აკონტროლეთ ემოციები. არასასურველია კამათი, ჩხუბი, საქმეების გარჩევა. არ გირჩევთ სამსახურის, საქმიანობის შეცვლას. სხვა დღისთვის გადადეთ მგზავრობა და მივლინება. კარგია შემოქმედებითი საქმიანობა, საოჯახო საქმეების შესრულება. ცუდი დღეა ქორწინებისა და ნიშნობისათვის. მატულობს ვენერიული დაავადებების რისკი. მოსალოდნელია ტრავმები, ქირურგიული ჩარევის ალბათობა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ყველაფერი იკადრეს, რომ დაზარალებულის დისკრედიტაცია მოეხდინათ" - რა ხდება ბასილაშვილი-დოროყაშვილის საქმეში
16:31 / 15-07-2020
საქართველოს ნომერ პირველი ჩოგანის ნიკოლოზ ბასილაშვილისა მისი ყოფილი მეუღლის, ნეკა დოროყაშვილის ოჯახურმა სკანდალმა საზოგადოებაში დიდი რეზონანსი გამოიწვია.
ახალგაზრდა ქალი ყოფილ ქმარს ფიზიკურ ძალადობაში ადანაშაულებს, ხოლო ჩოგბურთელის მხარე დოროყაშვილს ფსიქოლოგიურ ძალადობასა და ფულის გამოძალვაში სდებს ბრალს. ბასილაშვილი-დოროყაშვილის საქმეზე მორიგი სასამართლო პროცესი 24 აგვისტოს გაიმართება.
AMBEBI.GE დაინტერესდა, რა ეტაპზეა ყოფილი წყვილის გახმაურებული საქმე და როგორ მიმდინარეობს გამოძიების პროცესი.
ნელი დოროყაშვილის ადვოკატი ანა თავხელიძე გამოძიების მიმდინარეობით კმაყოფილია. უფლებადამცველი ვარაუდობს, რომ საბოლოოდ დავა მისი დაცვის ქვეშ მყოფის სასარგებლოდ გადაწყდება:
"ამ ეტაპზე ჩვენი დამოკიდებულება გამოძიებისადმი არის პოზიტიური. კმაყოფილები ვართ და მოლოდინში ვართ, რომ ამ რეჟიმში გაგრძელდება. ამ ეტაპზე ვერ ვხედავთ შერჩევით მიდგომას, მაგრამ მთავარია, რა გადაწყვეტილებებს მიიღებს სასამრთლო 24 აგვისტოს მტკიცებულებების დასაშვებობის კუთხით. ამ შემთვევაში სასამართლო იყო ლოიალური ბასილაშვილის მიმართ, რადგან იგი არის ცნობილი სახე. სხვა შემთხვევაში, ალბათ, პატიმრობა იქნებოდა გამოყენებული და არა გირაო. მთავარია, სასამართლო საზოგადოებრივი აზრის გავლენის ქვეშ არ მოექცეს.
ძალიან სამწუხაროდ, მეორე მხარემ ყველაფერი იკადრა, რომ დაზარალებულის დისკრედიტაცია მოეხდინა და საზოგადოებრივი აზრი ჩამოეყალიბებინა. დარწმუნებული ვარ, რომ სასამართლო მიიღებს სწორ გადაწყვეტილებას, იმ მოცემულობის გათვალისწინებით, თუ რა უთანასწორო მდგომარეობაში არიან ქალები კაცებთან მიმართებაში.
სტატისტიკა აჩვენებს, რომ ძალადობის მსხვერპლები ძირითადად ქალები არიან და გენდერული სტერეოტიპები ჯერ კიდევ ღრმად ფესვგადგმულია. ამას ხელს უწყობს საზოგადოების დამოკიდებულებაც - ისინი არ არიან ქალების მიმართ სოლიდარულები და ცდილობენ გაამართლონ ბრალდებული, თითქოს ქალმა გამოიწვია, აიძულა ის, რომ ეძალადა. აქ კიდევ უფრო მეტი ცდუნება იყო - ბასილაშვილი საზოგადოებისთვის პატივსაცემი პირი იყო, რამაც კიდევ უფრო მეტად განაწყო საზოგადოებრივი აზრი კრიტიკულად ნელი დოროყაშვილის მიმართ" - ამბობს უფლებადამცველი.
AMBEBI.GE მეორე მხარის პოზიციითაც დაინტერესდა. ნიკოლოზ ბასილაშვილის ინტერესებს სასამართლოში ადვოკატი ირმა ჭკადუა იცავს. უფლებადამცველის თქმით, ბასილაშვილი ამ საკითხზე მედიასთან კომენტარს არ აკეთებს.
"ჩვენ არ ვაკეთებთ მედიასთან კომენტარს. მაშინვე გააკეთა ნიკამ განცხადება, რომ იგი მისი შვილის დედასთან პოლემიკაში შესვლას არ აპირებს, ყველაფერს გაარკვევს სასამართლო დარბაზში და არა ასე სახალხოდ" - განაცხადა ბასილაშვილის ადვოკატმა.
შეგახსენებთ, საქართველოს პირველი ჩოგანი ნიკოლოზ ბასილაშვილი ყოფილი ცოლის ცემის ბრალდებით დააკავეს, შემდეგ კი გირაო შეუფარდეს და 100 000 ლარის სანაცვლოდ გაათავისუფლეს. ამასთან, შემაკავებელი ორდერია გაცემული ჩოგბურთელის მამაზეც. ბრალდების თანახმად, 21 მაისს, ნიკა ბასილაშვილი და მამამისი ახალგაზრდა ქალს ფიზიკურად გაუსწორდნენ. ამ ფაქტს წყვილის არასრულწლოვანი შვილიც შეესწრო.
მკითხველის კომენტარები /
17 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ყველაზე მეტად ე.წ. დაზარალებულმა მიაყენა საკუთარ რეპუტაციას ზიანი და ამ მარაზმში ბავშვიც კი გარია, მარტო ბავშვის გამოა საცემი, სხვა საქციელები რო დავივიწყოთ. დაავიწყდა ქმრის ხარჯზე საიდან რად იქცა. მადა ჭამაში მოდისო და ზომა რო ვეღარ გაიგო და გააგებინეს, უკვე სხვა ხერხებს მიმართა.მართალია სამართალი ურმით დადის, მაგრამ აუცილებლად მიაღწევს დანიშნულების ადგილს, ჰოდა მოემზადოს ეგ "წამებული ქალბატონი"...
ძალიან ბანალური სიტუაციაა.რატომღაც ცოლები ფულიან და წარმატებულ ქმრებს უჩივია,ყველგან, მარტო ჩვენთან არა.