მნიშვნელოვანი ინფორმაცია
28
მარტიდღის ზოგადი ასტროლოგიური პროგნოზი
პარასკევი, მთვარის ოცდამეცხრე დღე დაიწყება 06:58-ზე, მთვარე თევზებშია
საკმაოდ რთული დღეა. არ დაიწყოთ ახალი საქმეები. მოერიდეთ ფინანსურ ოპერაციებს, ყოველგვარ ვაჭრობასა და სასამართლო საქმეს. სხვა დღისთვის გადადეთ უფროსთან შეხვედრა და საქმეებზე საუბარს. არ გირჩევთ მგზავრობას, საქმეების გარჩევას. მეტად დაისვენეთ. კარგია მსუბუქი ვარჯიში. დღეს ქორწინება დაუშვებელია. განქორწინების მიზეზი ერთ-ერთი მეუღლის ღალატი ან ტყუილი გახდება. სასურველია დაიცვათ მარხვა. ძილის წინ მიიღეთ შხაპი. რაციონიდან გამორიცხეთ ხორცეული, პურ-ფუნთუშეული და ტკბილეული.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
აჭარაში, ზღვაზე დასვენება გაიაფდა – რომელ კურორტს ირჩევთ?
16:08 / 14-07-2020
კარანტინში გატარებულმა თვეებმა ყველას მოანატრა ღია ცის ქვეშ ყოფნა, ფეხით სეირნობა, ჰაერზე დასვენება და აქტიური ცხოვრება.
„ნეტა მალე დამთავრდეს ყველაფერი და სულ მზეზე ვიქნები“ – რამდენი ვფიქრობდით ასე შინ ყოფნისას, სარკეში საკუთარი ფერმკრთალი სახის შემხედვარე? ბევრნი ვართ ასეთები.
ჰოდა, ახლა საუკეთესო დროა ზღვაზე დასასვენებლად, მით უფრო, რომ ამინდის პროგნოზი ზედგამოჭრილია ზღვაზე დასვენებისა და გარუჯვის, ჩვენი წილი D ვიტამინის მისაღებად.
კარგი ამბავი ის არის, რომ თუ აქამდე ზღვაზე დასასვენებლად სერიოზული დანაზოგი გჭირდებოდათ, ახლა ბევრი სასტუმრო თუ აპარტამენტი გთავაზობთ აჭარის სანაპიროზე შეღავათიან ფასად დასვენებას. გასულ წლებთან შედარებით რომ ფასებმა მნიშვნელოვნად იკლო, ამას სასტუმროებისა და ბინების დაჯავშნის პლატფორმებზე ერთი თვალის გადავლებითაც მიხვდებით, მაგრამ ჩვენ შევაგროვეთ ზუსტი ინფორმაცია, აჭარის რომელ კურორტზე რა ფასად შეიძლება დაისვენოთ.
ბათუმი
თუ აქამდე ზღვის პირველ ზოლში, ბულვართან და პლაჟთან სულ ახლოს, ფეშენებელურ სასტუმროებში დასვენებას ვერ ახერხებდით მაღალი ფასების გამო, წელს შეგიძლიათ ეს ოცნება აისრულოთ.
ჩვენ ცნობილ სასტუმროებს დავუკავშირდით ფასების გადასამოწმებლად.
დღეის მონაცემებით, ბათუმში, ზღვის პირველ ზოლში მდებარე მაღალი კლასის სასტუმროებში ორადგილიანი ნომრის ფასი ერთი დღე-ღამის განმავლობაში 200 ლარიდან იწყება. საუბარია სასტუმროებზე აუზითა და სრული კომფორტით. რა თქმა უნდა, სასტუმროს ნომრების ფასში შედის საუზმეც.
მაინც ძვირი გეჩვენებათ?! პირველ რიგში შეგახსენებთ, რომ ფასები გასულ წლებთან შედარებით მნიშვნელოვნად დაბალია და მეორეც – ბათუმში, სადაც 200-ზე მეტი სასტუმროა, არჩევანი და ფასებიც, მრავალფეროვანია, ასე რომ თქვენი საფულის შესაფერისი ვარიანტი აუცილებლად მოიძებნება.
მაგალითად, ბულვართან ახლოს მდებარე სასტუმროებში ორადგილიანი ნომრის ფასი საშუალოდ 100 ლარია, გააჩნია სად შეარჩევთ სასტუმროს, ძველ თუ ახალ ბულვარში.
ხოლო თუ კი ზღვის მეორე და მესამე ზოლს აირჩევთ დასასვენებლად, ფასი კიდევ უფრო დაბლა იწევს და ორადგილიანი ნომერი 70-80 ლარადაც შეგიძლიათ იქირაოთ.
რაც შეეხება აპარტამენტებს, სეზონზე გასაქირავებელ ბინებს ბათუმში, არჩევანი წარმოუდგენლად დიდია, ფასებიც – სხვადასხვა. მაგალითად, ზღვის პირას, ახალ ბულვარში, ბინა, სადაც სამ ადამიანს შეუძლია განთავსდეს, აივნით, ზღვის ხედითა და სრული კომფორტით, 63 ლარადაც კი შეგიძლიათ ნახოთ, ხოლო ქალაქის ცენტრიდან 3,5 კილომეტრით დაშორებული ბინა – 39 ლარიც კი ღირს. ამ ფასად გასულ წლებში ბათუმში კომფორტული ბინის დაქირავება ორ ადამიანზე ნამდვილად გაგიჭირდებოდათ.
არის კიდევ უფრო ბიუჯეტური ვარიანტებიც, მაგალითად, განცალკევებული ოთახები კერძო სახლებში, რომელთა ფასი დღე-ღამეში, ორ ადამიანზე, 20 ლარიდან იწყება. ალბათ დამეთანხმებით, რომ ზაფხულში, ზღვის სეზონზე ეს ძალიან დაბალი ფასია.
ქობულეთი
ქობულეთის სანაპირო ბევრისთვის შეუცვლელი ადგილია ზაფხულობით. პლაჟი, ბუნგალოები, აღმაშენებლის ქუჩა, ორ-სამ სართულიანი სახლები და ფიჭვნარი ყოველწლიურად ათასობით ადამიანს იზიდავს ზაფხულში.
წელს ქობულეთში დასვენება გასულ წლებთან შედარებით ბევრად იაფი დაგიჯდებათ.
სასტუმროებით დავიწყოთ.
ორადგილიანი ნომრის ფასი ქობულეთის სასტუმროებში 60-70 ლარიდან იწყება. რა თქმა უნდა, არის უფრო ძვირადღირებული სასტუმროებიც, რაც უფრო მეტად ახლოს გსურთ ზღვასთან ყოფნა და მეტი კომფორტი, მით უფრო ძვირია სასტუმროც.
ტრადიციულად, უფრო იაფია საოჯახო სასტუმროები. მაგალითად, ზღვის პირველ ზოლში მდებარე საოჯახო სასტუმროს ერთოთახიან ნომერს, სადაც სამი ადამიანისთვისაა ადგილი, 40-დან 80 ლარამდე იქირავებთ. კიდევ უფრო იაფია ოთახები, კერძო სახლებში. მაგალითად, ქობულეთში, კერძო სახლში ოთახი ორი საწოლით დღე-ღამეში 25-30 ლარადაც შეგიძლიათ იქირაოთ.
სარფი, გონიო და კვარიათი
გაიაფდა სასტუმროები, კოტეჯები და საოჯახო სასტუმროები სარფში, გონიოსა და კვარიათშიც.
ეს ადგილები განსაკუთრებით იმ დამსვენებლებს უყვართ, ვისაც სურთ ზღვაზე დასვენება უფრო მშვიდ გარემოში, ქალაქისგან მოშორებით.
პატარ-პატარა სასტუმროებიდან, ბუნგალოებიდან და ღია კაფეებიდან აქ ერთდროულად იშლება ხედები ზღვასა და მთაზე, სწორედ ამ პეიზაჟებისა და განსაკუთრებით სუფთა ზღვის წყლის გამო ირჩევენ ტურისტები ამ ადგილებს.
სარფში ზღვისპირა, საოჯახო სასტუმროებში ერთ ნომერს ორი ადამიანისთვის 30-50 ლარად იქირავებთ ივლისის ბოლომდე, აგვისტოში ეს ფასი უმნიშვნელოდ იზრდება.
დაახლოებით იგივე ფასებია გონიოსა და კვარიათში. ერთ ნომრის ფასი ორი საწოლით აქ 60- 80 ლარიდან 100 ლარამდე მერყეობს, არის უფრო ძვირადღირებული ნომრებიც. ყველაფერი იმაზეა დამოკიდებული, რა თანხის დახარჯვას გეგმავთ თქვენ.
აჭარის რომელ ზღვისპირა კურორტზეც არ უნდა ჩახვიდეთ, არ დაგავიწყდეთ აჭარის კულინარიული „სავიზიტო ბარათის“, აჭარული ხაჭაპურის გასინჯვა. აჭარული ხაჭაპური არსად არ არის ისეთი გემრიელი, როგორც აჭარაში, პლაჟზე დასვენების შემდეგ.
NS
მკითხველის კომენტარები /
3 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
16 ხიდი და 3 კვანძი, ვნახოთ სად გაივლის და რა დაჯდება თბილისის შემოვლითი გზის 11 კმ-იანი მონაკვეთი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
საერთოდ აჭარა რა კურორეტია, მაგრამ რას იზამ , მეტი აღარ შეგვრჩა! აგერ ბორიაც შეკვეთილში ტალახში გორაობს.....