"დაბადების დღე ოჯახურად აღვნიშნე, დღის მიწურულს საევაკუაციო სირენის ხმა მოგვესმა..." - ოთო კახიძე იუბილეზე მომხდარ ხანძარზე
"დაბადების დღე ოჯახურად აღვნიშნე, დღის მიწურულს საევაკუაციო სირენის ხმა მოგვესმა..." - ოთო კახიძე იუბილეზე მომხდარ ინციდენტზე
წინანდალში, სასტუმრო "რედისონში" გუშინ ხანძარი გაჩნდა. ხანძრის პირველი წყარო ორთქლის აბანო, ე.წ. საუნა იყო. ადგილზე 6 სახანძრო-სამაშველო მანქანა მუშაობდა და ხანძრის ლოკალიზება მალევე მოხდა. თუმცა მანამდე საჭირო გახდა სასტუმროში მყოფი სტუმრების ევაკუაცია.
როგორც აღმოჩნდა "რედისონში" აღნიშნული ინციდენტის დროს დაბადების დღეს აღნიშნავდა "ევროპული საქართველოს" წევრი ოთო კახიძე. მომხდარს ის "ფეისბუქზე" იხსენებს:
"ჩემი დაბადების დღე აღვნიშნეთ ოჯახურად წინანდალის რედისონში. სასტუმროს დიზაინით დაწყებული, მომსახურების ხარისხით, სისუფთავით, კომფორტით და სამზარეულოთი დამთავრებული, ყველაფერი იყო საუკეთესო.
ზუსტად დაბადების დღის მიწურულს, გარე რესტორანში მსხდომებს, საევაკუაციო სირენის ხმა მოგვესმა, რომელიც თავიდან სავარჯიშო, ცრუ განგაში გვეგონა, მაგრამ მალე მივხვდით, რომ საქმე სერიოზულად იყო და სტუმრები თანამშრომლებთან ერთად პარკინგისკენ დავიძარით.
მოკლედ, როგორც აღმოჩნდა, მეხუთე სართულზე მდებარე საუნების მიმდებარედ (რომლებიც არ მუშაობდა), გაჩნდა ხანძარი, ბრიგადები ოპერატიულად მოვიდნენ და ცეცხლი ჩააქრეს.
ახლა მთავარი სათქმელი, რატომაც ამ სტატუსს ვწერ. სასტუმროს მენეჯმენტმა და ყველა თანამშრომელმა შექმნილ კრიზისულ სიტუაციას თავი გაართვეს უმაღლეს დონეზე.
- სწრაფად დააორგანიზეს სრული ევაკუაცია;- ერთად მოუყარეს თავი სტუმრებს და გადაამოწმეს, რომ ყველა ადგილზე იყო;- ყველას დაგვირიგეს წყალი, ვისაც სციოდათ - პლედები;- მალევე გადაგვიყვანეს ახლომდებარე სასტუმრო - პარკ ოტელში, ჯერ ბავშვები და დედები, მერე დანარჩენები;- ახალ სასტუმროში ყველაფერი დაორგანიზებული დაგვახვედრეს, კბილის პასტების და ჯაგრისების ჩათვლით;- დილით საუზმის შემდეგ სართულების მიხედვით დააორგანიზეს ჩექაუთი, ავიღეთ ნივთები და წამოვედით.
უსიამოვნო ამბის მიუხედავად (რისგან დაზღვეულიც არავინაა), საბოლოოდ კმაყოფილები წამოვედით, რადგან ყველაფერი გააკეთეს, რაც შეეძლოთ. თან სულ ღიმილით და თავაზიანად.
მინდა დიდი მადლობა გადავუხადო სასტუმროს ყველა თანამშრომელს და ვუსურვო, რაც შეიძლება მალე დაბრუნებოდნენ თავიანთ საქმეს" - წერს კახიძე.
ხინკლის მოხვევის მასტერკლასი ეკონომიკის მინისტრისგან - როგორ ჩაიარა ნათია თურნავას სტუმრობამ თუშეთში
"დაიწყო მსოფლიოს შემზადება, რომ კორონას ვაქცინა არ იქნება, ან თუ იქნება, 13% ეფექტურობით" - რას წერს გერმანიაში მცხოვრები ქართველი ექიმი
