გამარჯვება, რომელმაც ფეხბურთის ფანებს კორონავირუსი დაავიწყა - რა ხდებოდა ლივერპულში, როცა ცნობილი კლუბი 30 წლის შემდეგ პირველად გახდა ჩემპიონი
საფეხბურთო კლუბი "ლივერპული“ ინგლისის პრემიერ-ლიგის ჩემპიონი გახდა. ეს ტიტული ფანებს 30 წელია სანატრელი ჰქონდათ და ბოლოსდაბოლოს, როგორც თავად ამბობენ, დამსახურებული ჩემპიონობა მოიპოვეს.
როგორც BBC წერს, ათასობით ფანი ლივერპულის საშინაო არენასთან, "ენფილდთან“ შეიკრიბა, სადაც "ჩელსისა" და "მანჩესტერ სიტის" შეხვედრის შედეგს ელოდნენ. ჩელსის გამარჯვების შემთხვევაში ლივერპული პრემიერ-ლიგის დასრულებამდე შვიდი ტურით ადრე გაინაღდება ჩემპიონის ტიტულს და ყველაფერი ზუსტად ისე მოხდა, როგორც "წითლების“ გულშემატკივრებს სურდათ. "ჩელსიმ" "მანჩესტერ სიტი" დაამარცხა ანგარიშით 2:1, რითაც "სიტის" ქულები დააკარგვინა და გაჩემპიონების პოტენციური შანსი მოუსპო, ხოლო ლივერპული ჩემპიონი გახდა.
<blockquote class="twitter-tweet"><p lang="en" dir="ltr">Celebrations in Liverpool city centre as <a href="https://twitter.com/LFC?ref_src=twsrc%5Etfw">@LFC</a> win their first championship in 30 years. <a href="https://t.co/8e2Ohk0dUR">pic.twitter.com/8e2Ohk0dUR</a></p>— BBC North West (@BBCNWT) <a href="https://twitter.com/BBCNWT/status/1276281971900059649?ref_src=twsrc%5Etfw">June 25, 2020</a></blockquote> <script async src="https://platform.twitter.com/widgets.js" charset="utf-8"></script>აღნიშნულს ლივერპულის ქუჩებში გულშემატკივრების ზეიმი მოჰყვა. ისინი არ დაემორჩილნენ პოლიციის მოწოდებებს, რომ დაშლილიყვნენ კორონავირუსის საფრთხის გამო. ადგილი ჰქონდა მცირე დაპირისპირებებსაც ფანებსა და სამართალდამცველთა შორის, თუმცა საბოლოოდ, ყველაფერი მშვიდობიანად დამთავრდა.
გაჩემპიონება ერთად იზეიმეს ლივერპულის ფეხბურთელებმა - მეკარე ალისონმა, ვირჯილ ვან დაიკმა და ალექს ოქსლეი ჩემბერლენმა. ფანები მთელი ღამის განმავლობაში ზეიმობდნენ ჩემპიონობას, ლივერპულის ქუჩებში ისინი ოჯახებთან, შვილებთან ერთად მღეროდნენ თავიანთ საკულტო სიმღერას, ლივერპულის ჰიმნს - You'll Never Walk Alone.
ცეკვავდნენ და სიმღერებს უმღეროდნენ ფეხბურთელებს მათ შორის, მოჰამედ სალაჰსა და ჟორდან ჰენდერსონს.
როგორც BBC წერს, მათ დაივიწყეს ყოველგვარი შეზღუდვა და დისტანცია, რომელსაც აქამდე კორონავირუსის საფრთხის გამო იცავდნენ, ეხუტებოდნენ ერთმანეთს და გამარჯვებას ულოცავდნენ.
წუხელ ღამით ლივერპულში პირბადითაც ვერავის ნახავდით.
"ჩვენ ამ დღეს 30 წელია ველოდით, სახლში გავჩერდებოდით?!“
"ბოლოსდაბოლოს ჩვენ ეს შევძელით“, - ამბობენ "ლივერპულის“ გულშემატკივრები.
კორონავირუსი და მსოფლიო - სად იზრდება და სად მცირდება ინფიცირებულთა რაოდენობა
"კორონავირუსზე ტესტს ყოველ სამ-ოთხ დღეში ერთხელ, რეგულარულად ვიტარებ" - პუტინი
