მნიშვნელოვანი ინფორმაცია
13
მაისიდღის ზოგადი ასტროლოგიური პროგნოზი
სამშაბათი, მთვარის მეჩვიდმეტე დღე დაიწყება 23:15-ზე, მთვარე მშვილდოსანს ესტუმრება 12:33-ზე
კარგი დღეა ფინანსური საკითხების მოსაგვარებლად, ახალი საქმეების დასაწყებად.
ვაჭრობა, უძრავ ქონებასთან დაკავშირებული საკითხების მოგვარება. შეხვედრების, ურთიერთობისა და მხიარულების დღეა. მოერიდეთ საქმეების გარჩევას. უფროსთან კონტაქტი კარგს არაფერს მოგიტანთ. კარგი დღეა მოგზაურობის დასაწყებად, საქმიანობის, სამსახურის შესაცვლელად. კარგი დღეა ქორწინებისთვის, ნიშნობისთვის. გაუფრთხილდით ღვიძლს. მოერიდეთ ღვიძლისა და ნაღვლის ბუშტის ოპერაციას. არ გადაუსხათ სხვას სისხლი და პირიქით.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ახალი საგანმანათლებლო პლატფორმა edX საქართველოშია – 40–ზე მეტი კურსი სექტემბრიდან ამოქმედდება
10:47 / 15-06-2020
მიმდინარე წელს ონლაინ სწავლებამ სრულად ჩაანაცვლა სწავლების ტრადიციული ფორმა და ამას უკვე არჩევანის ფორმა აღარ აქვს. ყველა საგანმანათლებლო დაწესებულება იძულებული გახდა ონლაინ ფორმატით გაეგრძელებინა სწავლების პროცესი. თუმცა მეორე მხრივ, პანდემიამ და კარანტინმა სტუდენტების გარდა, ფართო საზოგადოებასაც გაუჩინა შესაძლებლობა, რომ სხვადასხვა სასწავლო კურსი ონლაინ შეესწავლათ და მიეღოთ ის ცოდნა, რომელსაც აქამდე გარკვეული მიზეზების გამო ვერ ახერხებდნენ.
მოთხოვნიდან გამომდინარე საქართველოში ონლაინ სწავლების პლატფორმა გაძლიერდა. სექტემბრიდან კი სექტორში განსაკუთრებული სიახლე იგეგმება. მსოფლიოში ცნობილი edX-ის ბაზაზე შექმნილი განათლებისა და მეცნიერების პლატფორმა ESx.ge სექტემბრიდან 40–ზე მეტი ახალი, საერთაშორისო კურსით დაიწყებს ფუნქციონირებას. MiniMBA, ინოვაციების, ტექნოლოგიების, ბიზნესის, სოფლის მეურნეობის, ტექნოლოგიური სამართლის, ციფრული მედიის და სხვა მრავალი ინდუსტრიის შესახებ, ვიდეო გაკვეთილების და ლექციების, რიდერების, პრეზენტაციების, სამეცნიერო პუბლიკაციების, პოდკასტების და სხვა სახით ხდება ხელმისაწვდომი.
“პროექტის მიზანია, ინტერნეტ სივცეში ერთიანი ქართული საგანმანათლებლო სივრცის შექმნა, რომელიც გააერთიანებს მაღალი ხარსხის საგანმანათლებლო კონტენტს და იქნება ხელმისაწვდომი ყველა დაინტერესებული მხარისთვის. ზოგადად, ონლაინ საგანმანათლებლო პლატფორმები მსოფლიოში ერთ–ერთი ყველაზე მზარდი ინდუსტრიაა და ძალიან დიდი პერსპექტივა გააჩნია. ეს პროცესი განსაკუთრებით კოვიდ19–ით გამოწვეულმა პანდემიამ დააჩქარა და ის სწრაფად და გამართულად უნდა წარიმართოს საქართველოშიც. სწორედ ამიტომ ძალიან მნიშვნელოვანია, რომ ქვეყანაში გაჩნდა საერთაშორისო ბაზარზე მეტად მიღებული და მოწინავე სისტემა, რომელზეც დაშენდა ქართული პლატფორმა. ის გააერთიანებს არა მარტო საგანმანათლებლო მასალებს უნივერტისტეტებიდან, არამედ მოიცავს სხვადასხვა მოკლევადიან კურსებს, რომლის მომწოდებლებიც იქნებიან ადგილობრივი და საერათაშორისო კომპანიები და ორგანიზაციები,“ – განმარტავს ESx.ge–ის პარტნიორის, BTU AI–ის დამფუძნებელი მიხეილ ბატიაშვილი.
გლობალურ საგანმანათლებლო პლატფორმაზე ESx.ge, მასალას და კურსებს წარადგენენ მსხვილი საერთაშორისო ორგანიზაციები და გამომცემლობები, ქართველი და უცხოელი მეცნიერები. ESx.ge-ს სამეცნიერო საბჭო დაკომპლექტებულია აქტიური, საერთაშორისო დონის მეცნიერებისგან, რომლებიც განსაზღვრავენ პლატფორმის სამეცნიერო და საგანმანათლებლო პოლიტიკას, თემატიკას და სტანდარტს.
პირველი კურსი, რომლითაც ESx.ge სექტემბრიდან ხდება ხელმისაწვდომი, არის MiniMBA - პირველი სრულად ავტომატიზებული კურსი საქართველოში. კურსი განხორციელდება ციფრული ტექნოლოგიებით და ხელოვნური ინტელექტის პლატფორმების გამოყენებით, ადამიანური რესურსის სალექციო პროცესში მონაწილეობის გარეშე. კურსი აერთიანებს მოდულებს მენეჯმენტის, ინოვაციური მეწარმეობის და ციფრული ტექნოლოგიების შესახებ, რომელსაც გაუძღვება AI ავატარი - პირველი, ქართულენოვანი ციფრული ლექტორი. ავატარის მიერ წარიმართება ლექციები, სასემინარო აქტივობები შესაბამისი დავალებებით, ჩატარდება ვებინარები. ავტომატიზირებული კურსის ფარგლებში დაგეგმილია აქტივობები, რომელიც აღრმავებს აღნიშნულ სფეროებში თეორიულ ცოდნას და მონაწილეს უვითარებს პრაქტიკულ უნარებს წარმატებული ბიზნესის შესაქმნელად.
ESx.ge პლატფორმაზე ეტაპობრივად გაიხსნება უნიკალური კურსები ტექნოლოგიების სამართლებრივი რეგულირების მიმართულბით: ელ.ვაჭრობის სამართალი, სოციალური ქსელების სამართალი, ხელოვნური ინტელექტის სამართალი, ინტერნეტ სამართალი და ა.შ. რომელიც ქართულ ენაზე მომხმარებლისთის პირველად ხდება ხელმისაწვდომი და განკუთვნილია არა მხოლოდ იურისტებისთვის, არამედ ტექნოლოგიების სფეროში მომუშავე პირთათვის.
მიხეილ ბატიაშვილი განმარტავს, რომ კურსზე სწავლა შეეძლება ნებისმიერ მსურველს. სწავლების ორი მოდული იქნება. ერთი იქნება მსმენელი მოდული, როდესაც დარეგისტრირებულ მსმენელს შესაძლებლობა ექნება გაეცნოს ატვირთულ მასალებს. მეორე მხრივ კი მსურველები შემაჯამებელი ტესტირების გავლის შემდეგ სერთიფიკატის აღებასაც შეძლებენ.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გაერთიანებული სამეფოს პრემიერ-მინისტრის, კირ სტარმერის ლონდონის სახლში ხანძარი გაჩნდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
შეეფერება გვარს.