"არაა აუცილებელი ძვირადღირებულ კურორტზე წახვიდეთ, ბავშვისთვის სასარგებლოა ნებისმიერი სოფელი, სადაც სუფთა ჰაერია" - ინგა მამუჩიშვილი
პედიატრი ინგა მამუჩიშვილი ზაფხულში დასვენებასთან დაკავშირებით, მშობლებს რეკომენდაციებს აძლევს. განსაკუთრებით, იმ რთული ზამთარ-გაზაფხულის გათვალისწინებით, რაც მსოფლიომ და საქართველომ კორონავირუსის გამო გადაიტანა - მშობლები ხშირად ბავშვების გარეთ გაყვანასაც ერიდებოდნენ და პატარებს კორპუსის აივანზე უწევდათ თამაში, თუ სუფთა ჰაერის ჩაყლაპვა.
როგორც მამუჩიშვილი AMBEBI.GE-სთან ამბობს, მისი მთავარი რეკომენდაცია მშობლებისადმი იმაში მდგომარეობს, რომ წელს მაქსიმალურად აარიდონ ბავშვები საზღვაო კურორტებზე წაყვანას:
- ყოველდღიურად მირეკავენ მშობლები და მეუბნებიან, რომ მათ შვილებს ჩაკეტილ სივრცეში ყოფნის გამო ფსიქიკური პრობლემები შეექმნათ, ამიტომ რაც შეიძლება მალე უნდა შევუცვალოთ მათ გარემო და რეკრეაციულ სივრცეებში გავიყვანოთ.
გავრცელებულია მოსაზრება, თითქოს ბავშვის წაყვანა დამტვერვის პერიოდში სხვადასხვა კურორტზე აუცილებელია. მინდა ხაზგასმით ვთქვა - ამის არანაირი მტკიცებულება არ არსებობს, რომ დამტვერვის პროცესი ბავშვისთვის სასარგებლოა. პირიქით, შეიძლება მან ალერგიული დაავადებებიც გამოიწვიოს. ამიტომ, მე მაინცდამინც არ ვურჩევდი მშობლებს ბავშვი ასეთ კურორტებზე წაიყვანონ.
ზოგადად, არ არის აუცილებელი წახვიდეთ ძვირადღირებულ და ფეშენებელურ კურორტებზე. ნებისმიერი რაიონი, ან სოფელი, სადაც უფრო მეტი რეკრეაციული გარემოა, ღია სივრცეა, მწვანე ბალახია და მეტ-ნაკლებად სუფთა ჰაერი, ბავშვისთვის სასარგებლოა.
მე მაინც ვურჩევ მშობლებს, რომ თავი შეიკავონ წელს ბავშვების ზღვაზე წაყვანისგან. ახლა ტემპერატურის მატებასთან ერთად კორონავირუსი დასუსტება და უკან დაიხევს, ასევე დადგენილია, რომ წყლით ეს ვირუსი არ გადადის, თუმცა მიუხედავად ამისა, მაინც მოერიდონ ზღავზე წასვლას, რადგან იქ ხალხმრავლობაა და წესების დაცვა გაჭირდება.
უფრო სოფლებს და რაიონებს მიაშურონ, რათა ბავშვმა გაილაღოს, ითამაშოს და ენერგია დახარჯოს წაიკითხეთ ინტერვიუ ვრცლად
"უმჯობესდება, თუმცა ჯერ ვერ დადის, ვერ ლაპარაკობს", - მეუღლე ცოტნე გამსახურდიას ჯანმრთელობის მდგომარეობაზე
კორონავირუსის 6 ახალი შემთხვევა საქართველოში - უახლესი მონაცემები stopcov.ge-დან
