რუ­სე­თი სა­ქარ­თვე­ლო­ში ლუ­გა­რის ცენ­ტრის დათ­ვა­ლი­ე­რე­ბას და რუსი სპე­ცი­ა­ლის­ტე­ბის­თვის ლა­ბო­რა­ტო­რი­ის საქ­მი­ა­ნო­ბის კარ­გად გა­საც­ნო­ბად, შე­ნო­ბის ყვე­ლა კორ­პუს­ში დაშ­ვე­ბის უფ­ლე­ბას მო­ი­თხოვს. ოკუ­პან­ტი მე­ზო­ბე­ლი ამით არ კმა­ყო­ფილ­დე­ბა და ლა­ბო­რა­ტო­რი­ის ნე­ბის­მი­ერ დო­კუ­მენტზე წვდო­მა­საც ითხოვს.

რუ­სე­თის სა­გა­რეო უწყე­ბის გან­ცხა­დე­ბას გუ­შინ სა­ქარ­თვე­ლოს სა­გა­რეო საქ­მე­თა მი­ნის­ტრმაც უპა­სუ­ხა. ზალ­კა­ლი­ან­მა მზად­ყოფ­ნა გა­მოთ­ქვა, რუსი სპე­ცი­ა­ლის­ტე­ბის მი­ღე­ბა სა­ერ­თა­შო­რი­სო ექ­სპერ­ტე­ბის მო­ნა­წი­ლე­ო­ბით მოხ­დეს.

რა­ტომ უნდა რუ­სეთს ლუ­გა­რის ლა­ბო­რა­ტო­რი­ა­ში შეს­ვლა? - ამ სა­კი­თხზე AMBEBI.GE-მ ექ­სპერ­ტე­ბის მო­საზ­რე­ბე­ბი მო­ის­მი­ნა:

"სა­ქარ­თვე­ლოს სტრა­ტე­გი­უ­ლი ანა­ლი­ზის ცენ­ტრის" (GSAC) თა­ნა­დამ­ფუძ­ნე­ბე­ლი, უშიშ­რო­ე­ბის საბ­ჭოს მდივ­ნის ყო­ფი­ლი მო­ად­გი­ლე თე­ო­ნა აქუ­ბარ­დია ამ­ბობს, რომ რუ­სე­თი გა­ღი­ზი­ა­ნე­ბუ­ლია იმით, სა­ქარ­თვე­ლო კონ­კრე­ტუ­ლი მი­მარ­თუ­ლე­ბით მას­ზე და­მო­კი­დე­ბუ­ლი რომ აღა­რაა:

ასევე დაგაინტერესებთ

12:00 / 29-04-2019

ვინ იყო რიჩარდ ლუგარი, ვის სახელსაც საქართველოში ცნობილი ლაბორატორია ატარებს

18:43 / 28-05-2020

"დიდი ხანია მოსკოვი აღარ არის ჩვენი მბრძანებელი... არ დავუშვებთ, რომ მხოლოდ რუსული დელეგაცია ჩამოვიდეს" - გამყრელიძე

19:08 / 28-05-2020

"ბატონო გენადი, ვიცი, რომ ქართველები გიყვარს, ქართული ღვინო მოგწონს და მოეშვით ამ "ველიკოდერჟავულ" ჩვევებს" - გამყრელიძე ონიშენკოს

- ლუ­გა­რის ლა­ბო­რა­ტო­რი­ა­ში ადა­მი­ა­ნე­ბის ჯან­მრთე­ლო­ბის მდგო­მა­რე­ო­ბის შეს­წავ­ლა ხდე­ბა, რაც აქამ­დე რუ­სეთ­ში ხდე­ბო­და. გან­სა­კუთ­რე­ბით, COVID-19-ის პან­დე­მი­ას­თან ბრძო­ლის­თვის, ეს ცენ­ტრი მნიშ­ვნე­ლო­ვა­ნი და­ნიშ­ნუ­ლე­ბი­საა. შე­სა­ბა­მი­სად, რუ­სეთ­მა მო­უ­მა­ტა დე­ზინ­ფორ­მა­ცი­ას და პრო­პა­გან­დას მის წი­ნა­აღ­მდეგ.

რუსი ექ­სპერ­ტე­ბი ამ ცენ­ტრში არა­ერ­თხელ ყო­ფი­ლან და აბ­სო­ლუ­ტუ­რად ყვე­ლა­ფე­რი აქვთ ნა­ნა­ხი. ახლა, ამ დე­ზინ­ფორ­მა­ცი­ის ტალ­ღას­თან ერ­თად, ისი­ნი კი­დევ ერთხელ ცდი­ლო­ბენ, და­უმ­ტკი­ცონ რო­გორც შიდა, ასე­ვე სა­ერ­თა­შო­რი­სო აუ­დი­ტო­რი­ას, რომ თით­ქოს, ამ ცენ­ტრში სა­ი­დუმ­ლო ოთა­ხე­ბი არ­სე­ბობს, სა­დაც უცხო­ე­ლი ექ­სპერ­ტე­ბი არ და­იშ­ვე­ბი­ან და თით­ქოს, ლა­ბო­რა­ტო­რი­ა­ში რა­ი­მე ტი­პის ცდე­ბის წარ­მო­ე­ბა ხდე­ბა.

ერ­თის მხრივ, რუ­სე­თის მი­ზა­ნი ანტი-ამე­რი­კუ­ლი გან­წყო­ბე­ბის გაღ­ვი­ვე­ბაა რო­გორც სა­ქარ­თვე­ლო­ში, ასე­ვე სხვა ქვეყ­ნებ­ში; მე­ო­რე მი­ზა­ნია - სა­ქარ­თვე­ლოს არ ჰქონ­დეს ნდო­ბა მა­ღალ­ტექ­ნო­ლო­გი­უ­რი სა­მე­დი­ცი­ნო და­წე­სე­ბუ­ლე­ბის მი­მართ, რო­გო­რიც ლუ­გა­რის ცენ­ტრია და ტექ­ნო­ლო­გი­ურ პროგ­რეს­თან და­კავ­ში­რე­ბით კონ­სპი­რა­ცი­ე­ბი და ეჭ­ვე­ბი გაჩ­ნდეს

ასე­ვე ჩვენ ვნა­ხეთ, რომ ანა­ლო­გი­უ­რი პრო­პა­გან­და მიმ­დი­ნა­რე­ობს ოკუ­პი­რე­ბუ­ლი ცხინ­ვა­ლის რე­გი­ონ­ში სე­პა­რა­ტის­ტუ­ლი ხე­ლი­სუფ­ლე­ბის მხრი­დან; ვხე­დავთ იმა­საც, რომ ამ ლა­ბო­რა­ტო­რი­ა­ზე იყო ჩი­ნე­თის და რუ­სე­თის ერ­თობ­ლი­ვი გან­ცხა­დე­ბე­ბი. ეს გარ­კვე­ულ­წი­ლად მთე­ლი ამ და­პი­რის­პი­რე­ბის ნა­წი­ლია, რო­მელ­საც რუ­სე­თი ცი­ვი­ლი­ზე­ბუ­ლი და­სავ­ლე­თის წი­ნა­აღ­მდეგ ახორ­ცი­ე­ლებს, ამ შემ­თხვე­ვა­ში, სა­ქარ­თვე­ლოც სწო­რედ ამ პრიზ­მით შეგ­ვიძ­ლია, გან­ვი­ხი­ლოთ.

რუ­სე­თი და­სავ­ლე­თის ინ­ტე­რე­სებს ყველ­გან უპი­რის­პირ­დე­ბა, გან­სა­კუთ­რე­ბით სა­ქარ­თვე­ლოა მის­თვის მნიშ­ვნე­ლო­ვა­ნი, რად­გან არ სურს, სა­კუ­თა­რი გავ­ლე­ნის სფე­რო­დან გა­უშ­ვას" - ხაზს უს­ვამს აქუ­ბარ­დია.

GSAC-ის თა­ნა­დამ­ფუძ­ნე­ბე­ლი სა­ქარ­თვე­ლოს პა­სუხს და­დე­ბი­თად აფა­სებს, თუმ­ცა ზო­გა­დად, ქვეყ­ნის სტრა­ტე­გი­ულ კო­მუ­ნი­კა­ცი­ა­ში პრობ­ლე­მებს ხე­დავს:

"გან­ცხა­დე­ბა, რო­მე­ლიც სა­გა­რეო უწყე­ბამ გა­ა­კე­თა, რა თქმა უნდა, ლო­გი­კუ­რი იყო. ერთი მხრივ, ამ ცენ­ტრის საქ­მი­ა­ნო­ბა სა­ი­დუმ­ლო ინ­ფორ­მა­ცია არაა, და ის სა­ქარ­თვე­ლოს ჯან­დაც­ვის სა­მი­ნის­ტროს ქვე­შაა. ამი­ტომ, მნიშ­ვნე­ლო­ვა­ნია, რომ ლუ­გა­რის ცენ­ტრის კარი ღია იყოს არა მხო­ლოდ რუსი ექ­სპერ­ტე­ბის­თვის, არა­მედ სა­ერ­თა­შო­რი­სო ექ­სპერ­ტებ­თან ერ­თად.

ჩვენ სუ­ვე­რე­ნუ­ლი ქვე­ყა­ნა ვართ და არა­ვის აქვს უფ­ლე­ბა, ისე­თი მო­თხოვ­ნე­ბი წა­უ­ყე­ნოს სუ­ვე­რე­ნულ ქვე­ყა­ნას, რო­გორ­საც რუ­სე­თი აყე­ნებს ამ ცენ­ტრთან და­კავ­ში­რე­ბით

მაგ­რამ სამ­წუ­ხა­როდ, სა­ქარ­თვე­ლოს ხე­ლი­სუფ­ლე­ბას ნამ­დვი­ლად და­ვუ­წუ­ნებ­დი სტრა­ტე­გი­ულ კო­მუ­ნი­კა­ცი­ას. ერ­თის მხრივ, მა­ღა­ლი ოფი­ცი­ა­ლუ­რი პი­რე­ბის­გან ამ ცენ­ტრზე თავ­დას­ხმებს პერ­მა­ნენ­ტულ რე­ჟიმ­ში ვხე­დავთ, პა­სუ­ხი კი ამ შემ­თხვე­ვა­ში ლუ­გა­რის ცენ­ტრის ხელ­მძღვა­ნე­ლის­გა­ნაა. ვნა­ხეთ, რომ შარ­შან საკ­მა­ოდ აქ­ტი­უ­რი ფაზა იყო, ლუ­გა­რის ცენ­ტრთან და­კავ­ში­რე­ბით დე­ზინ­ფორ­მა­ცი­უ­ლი გან­ცხა­დე­ბე­ბი გე­ნე­რა­ლუ­რი შტა­ბის უფ­რო­სის­გან, თავ­დაც­ვის მი­ნის­ტრის­გან და რუ­სე­თის ფე­დე­რა­ცი­ის მხრი­დან კეთ­დე­ბო­და.

სამ­წუ­ხა­როა, რომ არ არის ჯე­რო­ვა­ნი სტრა­ტე­გი­უ­ლი კო­მუ­ნი­კა­ცია ამ თე­მა­ზე და ძი­რი­თა­დად, მსგავ­სი კო­მუ­ნი­კა­ცია და დე­ზინ­ფორ­მა­ცი­ას­თან ბრძო­ლა არა­სამ­თავ­რო­ბო სექ­ტო­რის მხრებ­ზეა. ხე­ლი­სუფ­ლე­ბამ რუ­სეთ­თან და­პი­რის­პი­რე­ბა ამ მი­მარ­თუ­ლე­ბით უნდა გა­ა­აქ­ტი­უ­როს, გან­სა­კუთ­რე­ბით მა­შინ, რო­დე­საც ეს ადა­მი­ა­ნე­ბის სი­ცო­ცხლის წი­ნა­აღ­მდე­გაა მი­ზან­მი­მარ­თუ­ლი და რო­დე­საც ლუ­გა­რის ლა­ბო­რა­ტო­რია COVID-19-თან ბრძო­ლის ფრონ­ტის ხაზი იყო" - აღ­ნიშ­ნავს აქუ­ბარ­დია AMBEBI.GE-სთან სა­უ­ბარ­ში.

პო­ლი­ტო­ლო­გი მა­მუ­კა არე­ში­ძე იმა­ზე ამახ­ვი­ლებს ყუ­რა­დღე­ბას, რომ რუ­სე­თის მხრი­დან მსგავ­სი გან­ცხა­დე­ბე­ბი თვე­ში ერთხელ მა­ინც, სხვა­დას­ხვა დო­ნე­ზე კეთ­დე­ბა - იქ­ნე­ბა ეს სა­გა­რეო უწყე­ბა, პრე­ზი­დენ­ტის აპა­რა­ტი თუ რო­მე­ლი­მე ექ­სპერ­ტი:

- შე­მიძ­ლია გი­თხრათ, რომ რუ­სეთ­მა ძა­ლი­ან კარ­გად იცის, რაც ლა­ბო­რა­ტო­რი­ა­ში კეთ­დე­ბა. და­უშ­ვე­ბენ თუ არა მის სპე­ცი­ა­ლის­ტებს, ამას მის­თვის გა­დამ­წყვე­ტი მნიშ­ვნე­ლო­ბა არ აქვს. პი­რი­ქით, თუ არ და­უშ­ვე­ბენ, სა­ლა­პა­რა­კო მეტი ექ­ნე­ბა

რუ­სეთს ეს პრო­პა­გან­დის­ტუ­ლი დე­მარ­შის­თვის სჭირ­დე­ბა, რათა მუდ­მი­ვად ილა­პა­რა­კოს, რომ მის სა­ზღვრებ­თან ახ­ლოს არ­სე­ბობს ცენ­ტრი, სა­დაც ბაქ­ტე­რი­ო­ლო­გი­უ­რი ია­რა­ღი მზად­დე­ბა, მით უმე­ტეს, პან­დე­მი­ის და იმ ჭო­რე­ბის ფონ­ზე, რომ თით­ქოს ეს ვირუ­სი ხე­ლოვ­ნუ­რია

ასე­ვე, ვხე­დავთ, რომ რა­ღაც, ზედ­მეტ აქ­ტი­ვო­ბას იჩენს სე­პა­რა­ტის­ტუ­ლი ხე­ლი­სუფ­ლე­ბა ცხინ­ვალ­ში. ეს გა­მო­ი­ხა­ტე­ბა მათ მიერ გა­კე­თე­ბულ გან­ცხა­დე­ბებ­ში, რო­მე­ლიც ზოგ შემ­თხვე­ვა­ში ლუ­გა­რის ლა­ბო­რა­ტო­რი­ას ეხე­ბა, ზოგ შემ­თხვე­ვა­ში აკ­რი­ტი­კებს სა­ერ­თა­შო­რი­სო დამ­კვირ­ვებ­ლე­ბის მოქ­მე­დე­ბას. რუ­სე­თი აგ­რძე­ლებს ბორ­დე­რი­ზა­ცი­ის პრო­ცესს, პლუს, ცხინ­ვალ­ში მი­ი­ღეს კა­ნო­ნი მო­სახ­ლე­ო­ბა­ში არ­სე­ბუ­ლი ია­რა­ღის და­კა­ნო­ნე­ბას­თან და­კავ­ში­რე­ბით.

ჩვენ­თვის ცნო­ბი­ლია, რომ ამ პან­დე­მი­ამ­დე რუ­სე­თის დუ­მის მი­მართ არ­სე­ბობ­და მო­თხოვ­ნა, გა­ნე­ხი­ლათ ქარ­თვე­ლე­ბის მიერ ოსე­ბის გე­ნო­ცი­დის სა­კი­თხი 1920-21 წლებ­ში. ამ სა­კი­თხე­ბის ერ­თობ­ლი­ო­ბა გვაძ­ლევს ეჭ­ვის სა­ფუძ­ველს, რომ ცხინ­ვა­ლის ე.წ ხე­ლი­სუფ­ლე­ბა (და არ არის გა­მო­რი­ცხუ­ლი, რუ­სუ­ლი წარ­მო­მად­გენ­ლო­ბა, რო­მე­ლიც იქ იმ­ყო­ფე­ბა) მო­რიგ კონფრონ­ტა­ცი­ას გეგ­მავ­დეს. ამი­ტომ, სა­დაც მარ­თლე­ბი და წელ­ში გა­მარ­თუ­ლე­ბი ვართ, ჯო­ბია, იქ შე­სა­ბა­მი­სი ნა­ბი­ჯე­ბი გა­და­იდ­გას - ეს პირ­ველ რიგ­ში, ლუ­გა­რის ლა­ბო­რა­ტო­რი­ის ე.წ. მო­ნი­ტო­რინგს ეხე­ბა" - აღ­ნიშ­ნავს არე­ში­ძე.

პო­ლი­ტო­ლო­გის თქმით, სა­ქარ­თვე­ლოს მხრი­დან აბ­სო­ლუ­ტუ­რად სწო­რი რე­ა­გი­რე­ბა მოხ­და და ეს არ არის პირ­ვე­ლი შემ­თხვე­ვა, რო­დე­საც სა­ქარ­თვე­ლოს მხა­რე რუ­სებს სთა­ვა­ზობს მო­ნი­ტო­რინგს, ლა­ბო­რა­ტო­რი­ა­ში ჩა­მოს­ვლას:

"რამ­დე­ნა­დაც ვიცი, უკვე იყ­ვნენ რუ­სე­ბი და ხელ­ცა­რი­ელ­ნი წა­ვიდ­ნენ, ახ­ლაც იგი­ვე მოხ­დე­ბა. თუ სპე­ცი­ა­ლის­ტე­ბი ჩა­მოვ­ლენ, გა­უ­ჭირ­დე­ბათ, ტყუ­ი­ლე­ბი ილა­პა­რა­კონ, რად­გან სპე­ცი­ა­ლის­ტე­ბი, ჟურ­ნა­ლის­ტე­ბის­გან და პო­ლი­ტო­ლო­გე­ბის­გან გან­სხვა­ვე­ბით, თა­ვი­ანთ სი­ტყვებ­ზე პა­სუხს სა­კუ­თარ კო­ლე­გებ­თან აგე­ბენ, და­სავ­ლეთ­ში იქ­ნე­ბა თუ სხვა­გან. ამი­ტომ, ისი­ნი მო­ე­რი­დე­ბი­ან ტყუ­ი­ლის თქმას.

მაგ­რამ მა­ინც, ენას ძვა­ლი არ აქვს და ყვე­ლა­ფე­რი შე­იძ­ლე­ბა ით­ქვას - ჯო­ბია, ასე­თი ფორ­მა აირ­ჩიო თა­ნამ­შრომ­ლო­ბის, ვიდ­რე გა­ჩუმ­დე და ყუ­რა­დღე­ბა არ მი­აქ­ციო“, - ხაზს უს­ვამს პო­ლი­ტო­ლო­გი.

ეროვ­ნუ­ლი უშიშ­რო­ე­ბის საბ­ჭოს მდივ­ნის ყო­ფი­ლი მო­ად­გი­ლე, სა­ქარ­თვე­ლოს ატ­ლან­ტი­კუ­რი საბ­ჭოს ვიცე-პრე­ზი­დენ­ტი ბათუ ქუ­თე­ლია ამ­ბობს, რომ ძნე­ლი სათ­ქმე­ლია, რა კონ­კრე­ტუ­ლი გათ­ვლე­ბი აქვს რუ­სეთს.

- მთა­ვა­რი და ყო­ველ­თვის გა­სათ­ვა­ლის­წი­ნე­ბე­ლი ისაა, რომ რუ­სე­თი ყვე­ლა­ფერს ოპორ­ტუ­ნის­ტუ­ლად, თა­ვი­სი სტრა­ტე­გი­უ­ლი ინ­ტე­რე­სე­ბის­თვის იყე­ნებს, დიდი ხა­ნია, ლუ­გა­რის ლა­ბო­რა­ტო­რია რუ­სუ­ლი პრო­პა­გან­დის­ტუ­ლი კამ­პა­ნი­ის სა­მიზ­ნეა. ისი­ნი თვლი­ან, რომ ასე­თი თე­მე­ბით ქარ­თულ-ამე­რი­კულ ურ­თი­ერ­თო­ბებ­ში ბზარს გა­ა­ჩე­ნენ და ასე­ვე, იმ მი­თე­ბის კვე­ბას და­ი­წყე­ბენ, რო­მელ­საც დიდი ხა­ნია, ავ­რცე­ლე­ბენ.

ამას გარ­და, ეს ანტი-ამე­რი­კუ­ლი კონ­სპი­რა­ცი­ის სა­ერ­თო ხა­ზია - ვხე­დავთ კი­დე­ვაც, რომ ჩი­ნე­თის, რუ­სე­თის, ირა­ნის პრო­პა­გან­და ერ­თმა­ნეთს ემ­თხვე­ვა. ამას ემა­ტე­ბა, ასე ვთქვათ, ერთ-ერთი შრე, რო­მე­ლიც სა­ქარ­თვე­ლოს დე­სუ­ვე­რე­ნი­ზა­ცი­ის იმი­ჯია, ანუ, რუ­სე­თის ნე­ბის­მი­ერ მო­თხოვ­ნა­ზე ჩვენ რა­ღაც ვალ­დე­ბუ­ლე­ბა გვაქვს, რომ ან­გა­რი­ში ვა­ბა­როთ, თუ რას ვა­კე­თებთ სტრა­ტე­გი­ულ პარტნი­ო­რებ­თან.

ეს პრო­ექ­ტი თა­ვის­თა­ვად გამჭვირ­ვა­ლეა, ძა­ლი­ან ბევ­რჯერ ყო­ფი­ლან რო­გორც რუ­სე­თი­დან, ისე - სხვა სა­ერ­თა­შო­რი­სო ვი­ზი­ტო­რე­ბი, ამი­ტომ თვი­თონ აქ პრობ­ლე­მა არაა, მაგ­რამ ამას რუ­სე­თი რა­ღაც იმ­პე­რა­ტი­უ­ლი მო­თხოვ­ნის ფორ­მით აკე­თებს, თით­ქოს, ჩვენ ან­გა­რი­ში უნდა ჩა­ვა­ბა­როთ

რუ­სეთ­თან არა­ნა­ირ ორ­მხრივ ურ­თი­ერ­თო­ბა­ში შეს­ვლა მი­ზან­შე­წო­ნი­ლი არაა, მით უმე­ტეს, რო­დე­საც მათ­თან აღარ გვაქვს დიპ­ლო­მა­ტი­უ­რი ურ­თი­ერ­თო­ბე­ბი. რაც შე­ე­ხე­ბა სა­ერ­თა­შო­რი­სო ფორ­მა­ტის ვი­ზი­ტო­რებს, რო­გორც სხვა ქვეყ­ნე­ბის, ისე - რუ­სე­თის წარ­მო­მად­გენ­ლებს, უნდა ჰქონ­დეთ სა­შუ­ა­ლე­ბა, ჩა­მო­ვიდ­ნენ და ნა­ხონ ის, რაც არის.

რო­დე­საც ლუ­გა­რის ლა­ბო­რა­ტო­რი­ა­ში, სა­ერ­თა­შო­რი­სო ფორ­მატ­ში, სხვა ექ­სპერ­ტებ­თან ერ­თად გაც­ნო­ბით ტურს მო­უ­წყო­ბენ, თუ ჟარ­გო­ნუ­ლად, "ექ­სკურ­სი­ას" ჩა­უ­ტა­რე­ბენ, გა­მო­ვა 5 ქვეყ­ნის წარ­მო­მად­გე­ნე­ლი და იტყვის, რომ ეს ძა­ლი­ან კარ­გი ლა­ბო­რა­ტო­რი­აა და მნიშ­ვნე­ლო­ვან საქ­მეს აკე­თებს, იმა­ვე ჯგუფ­ში თუ იქ­ნე­ბა რუსი და იტყვის, რომ ეს ასე არ არის, ბუ­ნებ­რი­ვია, მისი ნათ­ქვა­მის სან­დო­ო­ბა ეჭვქვეშ დად­გე­ბა. ამ შემ­თხვე­ვა­ში უფრო მარ­ტი­ვი და­სამ­ტკი­ცე­ბე­ლია, რომ აქ რა­ღაც მა­ნი­პუ­ლა­ცი­ებ­თან გვაქვს საქ­მე" - აღ­ნიშ­ნავს ქუ­თე­ლია.