11
მაისიდღის ზოგადი ასტროლოგიური პროგნოზი
აშშ-ის ბიოტექნოლოგიური კომპანიის მიერ დამზადებული COVID-19-ის საწინააღმდეგო ერთ-ერთი კანდიდატი ვაქცინის გამოცდა ავსტრალიაში დაიწყეს. ვაქცინაცია 131 მოხალისეს ჩაუტარდა. ინფორმაციას ამის შესახებ გამოცემა Independent ავრცელებს.
ვაქცინა შექმნილია კომპანია Novavax-ის მიერ და როგორც ცნობილია, სხვა კანდიდატი ვაქცინებისგან განსხვავებული, ალტერნატიული მეთოდით შექმნეს. ექსპერტები იმედით არიან განწყობილები და ამბობენ, რომ რადგანაც უკვე რამდენიმე ვაქცინის გამოცდა დაწყებულია ადამიანებზე, იზრდება შესაძლებლობა, რომ ერთ-ერთი წარმატებული აღმოჩნდება.
მედიკოსები ამბობენ, რომ ზემოთ აღნიშნული ვაქცინის პირველი შედეგი - აქვს თუ არა მას გვერდითი მოვლენები, რამდენად უსაფრთხო და ეფექტურია, რამდენიმე კვირაში გახდება ცნობილი.
ვაქცინები ამჟამად ექსპერიმენტულ ეტაპზეა და მათი მიზანია ადამიანის ორგანიზმი გახადოს იმუნური COVID-19-ის მიმართ. აღსანიშნავია, რომ ავსტრალიაში კორონავირუსის საწინააღმდეგო კიდევ ორი ვაქცინის გამოცდა მიმდინარეობს, თუმცა მათ ამ ეტაპზე ცხოველებზე ცდიან.
ინფორმაცია კორონავირუსის საწინააღმდეგო კანდიდატი ვაქცინების შესახებ:
- ბიოტექნოლოგიური კომპანია "მოდერნას" მიერ შექმნილი ვაქცინა, რომლის კლინიკური კვლევის პირველი ფაზაც დასრულდა. კვლევის შედეგად დადგინდა, რომ იმ მოხალისეებს, რომლებსაც ვაქცინაცია ჩაუტარდათ, ორგანიზმში კორონავირუსის საწინააღმდეგო ანტისხეულები გამოუმუშავდათ.
- ოქსფორდში შექმნილი ვაქცინა, რომელიც 800 მოხალისეს გაუკეთეს. ვაქცინაციის შედეგები ჯერ უცნობია. ამასთან, ხელი მოეწერა შეთანხმებას, რომლის მიხედვითაც,თუ აღნიშნული ვაქცინა წარმატებული აღმოჩნდება, 100 მილიონი დოზა უნდა დამზადდეს.
- ფარმაცევტული გიგანტები, Sanofi და GSK მუშაობენ ვაქცინის განვითარებაზე.
- ავსტრალიელმა მეცნიერებმა დაიწყეს ორი პოტენციური ვაქცინით ინექცია. ამ ეტაპზე ისინი ვაქცინების კლინიკურ ვერსიას ცხოველებზე ცდიან.
ამ ეტაპზე გლობალური მასშტაბით COVID-19-ით გარდაცვლილთა რაოდენობამ 350 000-ს გადააჭარბა და ვირუსით მსოფლიოში 5.5 მილიონზე მეტი დაინფიცირდა.
გაეცანით სტატიას: რა ეტაპზეა COVID-19-ის საწინააღმდეგო ვაქცინა და რა შედეგი აჩვენა ადამიანზე ჩატარებულმა ექსპერიმენტმა
ამერიკელებმა შექმნეს და ავსტრალიაში გამოსცადეს და რატომ ამერიკაში არ გამოსცადეს ამერიკელებზე