11
მაისიდღის ზოგადი ასტროლოგიური პროგნოზი
შინაგან საქმეთა სამინისტრო ქუთაისში, ნიკეას ქუჩაზე მომხდარი ინციდენტის ამსახველ ფოტო და ვიდეომასალას აქვეყნებს.
როგორც უწყებაში განმარტავენ, მომხდარ ფაქტთან დაკავშირებით გამოძიება სისხლის სამართლის კოდექსის 353-მუხლით დაიწყო, რაც პოლიციის თანამშრომლის მიმართ წინააღმდეგობას და საზოგადოებრივი წესრიგის დაცვისათვის ხელის შეშლას გულისხმობს.
"მიმდინარეობს ოპერატიულ-საგამოძიებო და სამძებრო მოქმედებები ინციდენტში მონაწილე, ძარცვისათვის პირობითი მსჯავრის ქვეშ მყოფი ი.ჯ-ს ადგილსამყოფელის დადგენის და დაკავების მიზნით.
შინაგან საქმეთა სამინისტროს ქუთაისის საქალაქო სამმართველოს თანამშრომლები, საგანგებო რეჟიმის აღსრულების მიზნით, კომენდანტის საათის დროს შემოვლას ახორციელებდნენ, რა დროსაც მათ ნიკეას ქუჩაზე მდებარე საცხოვრებელ კორპუსთან შენიშნეს მოქალაქე, რომელიც არღვევდა კომენდანტის საათს. პოლიციის თანამშრომლებმა მოქალაქეს სიტყვიერი გაფრთხილება მისცეს და წესრიგის დაცვისკენ მოუწოდეს.
ი.ჯ.-მ არ გაითვალისწინა პოლიციის მითითება და სამართალდამცველებს სიტყვიერი და ფიზიკური შეურაცხყოფა მიაყენა. ინციდენტში ჩაერთნენ ი.ჯ.-ს მეზობლები, რომლებმაც პოლიციელებს არ მისცეს საშუალება, დაეკავებინათ სამართალდამრღვევი, სამართალდამცველებს მიაყენეს სიტყვიერი და ფიზიკური შეურაცხყოფა, რა დროსაც სხეულზე სხვადასხვა სახის დაზიანებები მიიღეს პოლიციის თანამშრომლებმა“, - ნათქვამია უწყების მიერ გავრცელებულ ინფორმაციაში.
ამერიკაში ეგ რო ექნათ ყველა ან მიწაში იტრიალებდა ან იზოლატორში იქნებოდა დაჭერილი ) ან რაცია სად აქვთ ან იარაღი, ზედმეტი ჰუმანურობაც არ ვარგა.
ჰა აბა რაღაც ვერ ვხედავ იმ ხალხს პოლიციელის არასწორ ჩახველებაზეც რომ პროტესტის გრძნობა აქვს ეხლა დააფიქსირეთ თქვენი საზოგადოებრივი აზრი, მაგრამ მაგ საზოგადოებას უნდა წესრიგი კანონის სიმკაცრე მაგრამ სხვასთან მიმართებაში და თვითონ თუ ეხება ეს კანონი უკვე აღარ მოსწონს