მნიშვნელოვანი ინფორმაცია
29
მარტიდღის ზოგადი ასტროლოგიური პროგნოზი
კვირა, მთვარის მეორე დღე დაიწყება 07:11-ზე, მთვარე ვერძშია
კარგი დღეა ნებისმიერი საქმის დასაწყებად; ფინანსური საკითხების მოსაგვარებლად; ვაჭრობისთვის. არ იკამათოთ, გადადეთ სასამართლო საქმეები. კარგ დღეა შემოქმედებითი და სამეცნიერო საქმეებისთვის. სწავლისთვის და გამოცდების ჩასაბარებლად. უფროსთან შეხვედრა სიკეთეს არ მოგიტანთ. კარგი დღეა საქმიანობის, სამსახურის შესაცვლელად. თამამად გაემგზავრეთ სამოგზაუროდ, მივლინებაში. სხვა დღისთვის გადადეთ ნიშნობა და ქორწინება. შეამცირეთ ალკოჰოლისა და სასმლის დოზა. მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე; აგრეთვე დიდხანს კითხვასა და ტელევიზორის ყურებას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"სინამდვილეში, ინფიცირებულთა და გარდაცვლილთა რიცხვი 5-ჯერ მეტია..." - რას ყვებიან რუსეთში მცხოვრები ქართველები ქვეყანაში არსებულ ვითარებაზე
10:38 / 27-04-2020
რუსეთმა კორონავირუსის შემთხვევებით უკვე გადაასწრო ჩინეთს და ის ამ დროისთვის მსოფლიოში მეცხრე ადგილზე იმყოფება. ბოლო 24 საათის განმავლობაში ქვეყანაში კორონავირუსის 6 198 ახალი შემთხვევა გამოვლინდა და საერთო ჯამში, კორონავირუსის დადასტურებულმა შემთხვევებმა 87 147 შეადგინა.
ვირუსით გარდაცვლილთა რიცხვი კი 800-ს აღწევს.
თუმცა, უკვე ადგილობრივებსაც ეჭვი ეპარებათ მონაცემების სისწორეში და ფიქრობენ, რომ სინამდვილეში, დაინფიცირებულთა და გარდაცვლილთა რაოდენობა ბევრად მეტია...
AMBEBI.GE-სთან საუბარში რუსეთში მცხოვრები ქართველები იქ არსებულ რეალობაზე ჰყვებიან:
ხათუნა ჟვანია, 35 წლის:
"ძალიან რთული მდგომარეობაა, ადგილობრივი ხელისუფლება ყველანიარად ცდილობს ინფორმაცია დამალოს. ბიუჯეტის დაფინანსებაზე მყოფი სამედიცინო დაწესებულებების თანამშრომლებს საუბარს ვირუსის მასშტაბურობაზე კი არა, დიაგნოსტირებული შემთხვევების რაოდენობაზეც კი უკრძალავენ იმ მიზეზით, რომ პანიკა არ დაიწყოს, რადგან "მოსახლეობა სტრესის ქვეშ იქნება, რაც მათ იმუნიტეტს შეასუსტებს..."
შედეგმაც არ დააყოვნა - უკვე უამრავი ადამიანი ამბობს, თებერვლის შუა რიცხვებსა და მარტის დასაწყისში, როდესაც რუსეთი ჯერ კიდევ არ აღიარებდა ვირუსს, COVID-19-ის სიმპტომები უამრავ ადამიანს ჰქონდა. ზოგს ჰოსპიტალიზაციაც კი დასჭირდა, მაგრამ უმკურნალეს და გადარჩნენ. შესაბამისად, ახლა ბევრი ფიქრობს, რომ ვირუსის გარშემო ატეხილი ამბები გაზვიადებულია და რუსეთი დანარჩენ მსოფლიოს აჰყვა, რომ კარანტინი და ჩაკეტილობა ხალხს ძალიან აზარალებს და ჯობია, შეზღუდვები მოხსნან.
ნანა, 57 წლის, სანკტ-პეტერბურგში მცხოვრები ქართველი:
"ბოლო დღეებია, რუსებმა სოციალურ ქსელებში დაიწყეს საუბარი იმაზე, რომ კორონავირუსით სამედიცინო დაწესებულებებში უამრავი თანამშრომელი დაინფიცირდა. ქალაქის ცენტრში არის პოლიკლინიკა, რომლის ორი თანამშრომელი გარდაიცვალა... სამედიცინო დაწესებულების ადმინისტრაციამ გააკეთა კომენტარი, თითქოს ორივეს ქრონიკული დაავადებები ჰქონდა, რასაც გამოხმაურება მოჰყვა - ახლობლებმა განაცხადეს, რომ ეს ტყუილია...
თუმცა, სამსახურის დაკარგვის შიშით, ყველა ვერ ბედავს ხმამაღლა საუბარს, თორემ სოციალურ ქსელებში წერენ, რომ ძალიან მძიმე სიტუაციაა მოსკოვის, სანკტ-პერერბურგის, სტავროპოლის, სოჭის საავადმყოფოებში. მათ კვალდაკვალ გააქტიურებული არიან სამთავრობო ტროლები და როგორც კი ინტერნეტმომხმარებლები ამ პრობლემაზე იწყებენ საუბარს, ისინი შეტევაზე გადადიან - თითქოს გარდაცვლილი ადამიანები სინამდვილეში არც არსებობენ.
ასევე სთხოვენ, დაასახელონ, სად, რომელ კლინიკაში ხდება განუკითხაობა პაციენტების აღრიცხვასთან დაკავშირებით. ცხადია, პრობლემებს ყველა გაურბის, რადგან ასეთი საუბრების შემდეგ, რამდენიმე ადგილას, ФСБ-მ დაიწყო მასალების მოძიება. ტროლები იმასაც წერენ, რომ მოვიშვიშე ხალხი დასავლეთის პროპაგანდას არის აყოლილი, რათა ადგილობრივი ხელისუფლების საქმიანობა დააკნინოს.
ირაკლი ჟღენტი, რუსეთში მცხოვრები ქართველი:
"უკიდურესად საგანგაშო მდგომარეობაა. ექიმები გაფრთხილებული ჰყავთ, რომ ინფორმაცია არ გაავრცელონ, სინამდვილეში 4-5-ჯერ მეტია დაინფიცირებული და გარდაცვლილიც... მძიმე სიტუაციაა არმიაშიც, სადაც სამთავრობო მედია მხოლოდ 900-მდე რიცხვს ასახელებს. ჰოსპიტალიზირებულთა 80%-ს ორმხრივი პნევმონიის დიაგნოზი აქვს.
საავადმყოფოების ადმინისტრაცია წუხს, რომ იმდენად დიდია მიმართვიანობა, ყოველგვარი გეგმის გარეშე, ექსტრემალურ პირობებში მუშაობენ. უამრავ მათგანს არ აქვს ტესტები და უსაფრთხოების დაცვის მექანიზმები, რამაც ძალიან ბევრი სამედიცინო პერსონალის დაინფიცირება გამოიწვია. დაინფიცირებულებთან მომუშავე სამედიცინო პერსონალი კარანტინში, ან თვითიზოლაციაში ვერ მიდის და ჩვეულებრივად განაგრძობს მუშაობას, რაც ვირუსის გავრცელებას უწყობს ხელს. ასე რომ, დაინფიცირებულთა რაოდენობის შემცირებას ჯერჯერობით არ ველოდებით".
მკითხველის კომენტარები /
21 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
"არასოდეს იომოთ საქართველოსთან, ამით თქვენ შეებრძოლებით დედას ღვთისას... რაც დაღუპავს რუსეთს" - წმ. სერაფიმ საროველი. ვალოდია, ჯერ კიდევ არის დრო მოინანიო ყველაფერი.
ეს სერბი სამხედროები რა შუაშია??