მესტიაში, სასაზღვრო პოლიციის თანაშრომლის მკვლელობაში ბრალდებული მესაზღვრე პოლიციას ჩაბარდა
სასაზღვრო პოლიციის თანაშრომელი, რომელსაც მესტიის მუნიციპლალიტეტის სოფელ მულახში, ასევე სასაზღვრო პოლიციის დეპარტამენტის თანამშრომლის განზრახ მკვლელობისთვის ეძებდნენ, სამართალდამცავებს თავად ჩაბარდა.
აღნიშნულის შესახებ „ინტერპრესნიუსს“ გენერალურ პროკურატურაში განუცხადეს. უწყებამ აღნიშნული პირის მიმართ სისხლის სამართლებრივი დევნა გუშინ დაიწყო და მისი ადგილსამყოფელის დადგენის მიზნით, ოპერატიულ-სამძებრო ღონისძიებებს აწარმოებდა.
ცნობისთვის, მესტიის მუნიციპალიტეტის სოფელ მულახში მკვლელობა 20 აპრილს მოხდა. ურთიერთშელაპარაკების ნიადგაზე, მომხდარზე გამოძიება სისხლის სამართლის კოდექსის 108-ე და 236-ე მუხლებით მიმდინარეობს, რაც განზრახ მკვლელობას და ცეცხლსასროლი იარაღის მართლსაწინააღმდეგო შეძენა-შენახვა-ტარებას გულისხმობს.
მკვლელობა სოფელ მულახში 20 აპრილს მოხდა. სასაზღვრო პოლიციის თანამშრომელმა ურთიერთშელაპარაკებისას ცეცხლსასროლი იარაღიდან ორჯერ გასროლით, მუცლის არეში სხეულის დაზიანება მიაყენა ამავე სასაზღვრო სექტორის თანამშრომელს, რომელიც მიღებული ჭრილობების შედეგად საავადმყოფოში მიყვანისთანავე გარდაიცვალა, ხოლო თავად შემთხვევის ადგილიდან მიიმალა.
გამოძიება საქართველოს სისხლის სამართლის კოდექსის 108-ე მუხლითა და 236-ე მუხლის მეოთხე ნაწილით მიმდინარეობს.
"დაუჭრელი და ცოცხალი ვარ" - არქიმანდრიტი საბა ყინწვისის მონასტერში მომხდარზე პირველ კომენტარს აკეთებს
ვაჟა-ფშაველას გამზირზე ქალის მკვლელობისთვის დაკავებულ პოლიციელს პატიმრობა შეეფარდა
