მნიშვნელოვანი ინფორმაცია
28
მარტიდღის ზოგადი ასტროლოგიური პროგნოზი
შაბათი, მთვარის ოცდამეათე დღე დაიწყება 07:05-ზე მთვარის პირველი დღე დადგება 14:57-ზე, მთვარე ვერძშია
შუადღემდე დაასრულეთ ძველი საქმეები. გათავისუფლდით უსარგებლო ნივთებისაგან. კარგია შემოქმედებითი საქმიანობა, სწავლა. აკონტროლეთ ემოციები. კარგი დღეა დასვენებისთვის. ბუნებაში, ქალაქგარეთ სასეირნოდ.
საღამოს დაგეგმეთ ახალი საქმეები, მაგრამ მათი დაწყებისგან თავი შეიკავეთ. მოერიდეთ ყველა მნიშვნელოვან საქმეს, გადაწყვეტილებას. კონფლიქტისგან თავი შეიკავეთ. მოერიდეთ ფიზიკურ გადაღლას, მოსალოდნელია ტრავმები. არ გადატვირთოთ კუჭი. მოერიდეთ ცხელ და ცხარე საკვებს. არ მიიღოთ ალკოჰოლი. თავის ტკივილი რომ აირიდოთ, არ გადაიღალოთ გონებრივი სამუშაოთი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ქვეყნები, სადაც COVID-19-ის საწინააღმდეგო ვაქცინის გამოცდა ადამიანებზე უკვე დაიწყეს
14:37 / 22-04-2020
მსოფლიო კორონავირუსის პანდემიას ებრძვის და ადამიანები იმედით ელოდებიან ვირუსის საწინააღმდეგო ვაქცინის შექმნას. სპეციალისტები ამბობენ, რომ ვირუსს მხოლოდ წარმატებული ვაქცინის შექმნით მოვერევით. აღნიშნულის შესახებ საუბრობს ჯანდაცვის მსოფლიო ორგანიზაციის დირექტორი, ტედროს ადჰანომ გებრიეისუსიც.
"საბოლოო ჯამში, უსაფრთხო და ეფექტური ვაქცინის შემუშავება იქნება საჭირო გადაცემის სრულად აღმოფხვრისთვის”, - აცხადებს ის.
ვაქცინის შექმნაზე ფარმაკოლოგიური კომპანიები დაჩქარებული ტემპით მუშაობენ. ვაქცინების პირველი კლინიკური ვარიანტები შექმნილია, თუმცა ზოგიერთი ჯერ ცხოველებზე გამოცდის ეტაპზეა, ამავდროულად, უკვე არის ისეთი ვაქცინებიც, რომელთა გამოცდაც ადამიანზეა დაწყებული.
ჯანდაცვის მსოფლიო ორგანიზაციის ინფორმაციით, ამ ეტაპზე სულ მცირე 20 ვაქცინაა შექმნილი და ისინი განვითარების სხვადასხვა ეტაპზე არიან.
ვნახოთ ქვეყნები, სადაც COVID-19-ის საწინააღმდეგო ვაქცინის პირველი ვერსიის ადამიანებზე გამოცდა დაიწყო:
გერმანია
გერმანია იწყებს COVID-19-ის საწინააღმდეგო ვაქცინის სატესტო ვერსიის ადამიანზე გამოცდას. ამის შესახებ გამოცემა Independent წერს. ვაქცინას თავდაპირველად 200 მოხალისეს ჩაუტარებენ, რომელთა ასაკიც 18-დან 55 წლამდე მერყეობს. მეცნიერები დააკვირდებიან მის ეფექტურობას - ელოდებიან, რომ ვაქცინამ უნდა გამოუმუშავოს ადამიანს კორონავირუსის საწინააღმდეგო იმუნიტეტი და ასევე, უნდა შეძლოს ორგანიზმში ვირუსის მოკვლა. ვაქცინაზე კომპანია Biotech ფარმაცევტულ კომპანია Pfizer-თან ერთად მუშაობდა.
დიდი ბრიტანეთი
დიდი ბრიტანეთი 23 აპრილიდან გეგმავს კორონავირუსის საწინააღმდეგო ვაქცინის ადამიანებზე გამოცდის დაწყებას. ვაქცინა ოქსფორდის უნივერსიტეტში შეიმუშავეს. ოქსფორდის მკვლევართა ჯგუფის წევრის ცნობით კი, თუკი გამოცდა წარმატებით ჩაივლის, მილიონობით ვაქცინის დოზა გამოყენებისთვის მიმდინარე წლის შემოდგომისთვის იქნება ხელმისაწვდომი.
აშშ
ამერიკის შეერთებულ შტატებში კორონავირუსის საწინააღმდეგო ვაქცინის კლინიკური ვერსიის გამოცდა ადამიანებზე 17 მარტს დაიწყეს. როგორც Independent წერს, თუ სატესტო ვერსია წარმატებული აღმოჩნდება, ვაქცინის საბოლოო ვერსიის შექმნას ერთი წელი დასჭირდება. ის, თუ რამდენად წარმატებულია ვაქცინა, აპრილის ბოლოსთვის, ან მაისის დასაწყისისთვის უნდა გახდეს ცნობილი.
ჩინეთი
ვაქცინის პირველი, კლინიკური ვერსიის გამოცდა მარტში დაიწყო ჩინეთშიც. ვაქცინა პეკინის ბიოტექნოლოგიურ ინსტიტუტში შეიქმნა. ჩინელ მეცნიერთა ჯგუფი ამბობს, რომ ვაქცინა იმედისმომცემია. ის გათვლილია ადამიანისთვის კორონავირუსის გასამკლავებლად საჭირო იმუნიტეტის გამომუშავებაზე.
ამასთან, არის ვაქცინები, რომლებსაც ამ ეტაპზე ცხოველებზე ცდიან. მაგალითად, ავსტრალიაში მეცნიერებმა კორონავირუსის საწინააღმდეგო ორი ვაქცინის გამოცდა დაიწყეს. ვაქცინები ოქსფორდის უნივერსიტეტისა და ამერიკული კომპანიის, Inovio Pharmaceutical-ის მეცნიერებმა შექმნეს. ჯანდაცვის მსოფლიო ორგანიზაციამ კი დართო მათ ნება ტესტირება ცხოველებზე დაიწყონ.
ექსპერტები ამბობენ, რომ თუ ვაქცინის სატესტო ვარიანტები წარმატებული აღმოჩნდება, ეს არ ნიშნავს, რომ ფარმაკოლოგიურ ბაზარზე მალევე იქნება ხელმისაწვდომი. ყველაზე მინიმალურ დროდ შემოდგომის მიწურულს ასახელებენ, მაგრამ ექსპერტთა დიდი ნაწილი ამბობს, რომ ვაქცინის გამოყენებას ადამიანები 2021 წლიდან შეძლებენ.
ამ დროისთვის COVID-19 მსოფლიოს 210 ქვეყანასა და ტერიტორიულ ერთეულზეა გამოვლენილი. ბოლო მონაცემებით, 2 571 515 ადამიანი დაინფიცირდა, მათ შორის, 180 000-მდე გარდაიცვალა, ხოლო 700 000-ზე მეტი გამოჯანმრთელდა.
მკითხველის კომენტარები /
14 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
16 ხიდი და 3 კვანძი, ვნახოთ სად გაივლის და რა დაჯდება თბილისის შემოვლითი გზის 11 კმ-იანი მონაკვეთი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
2021 წლამდე თიღა დარჩა ვინმე გაუკეთეთ მერე ეგ ვაქცინა
მაგ ვაქცინას ბილ გეითსი ლობირებს, რომელსაც მოსახლეობის შემცირება უნდა და ისეთი წამალი უნდა შეიყვანონ ვაქცინაში დაავადებენ ხალხს, უფრთხილდით ვაქცინას.