კორონავირუსით გარდაცვლილი პაციენტი 68 წლის მამაკაცია
თსსუ-ს პირველი საუნივერსიტეტო კლინიკის კლინიკური დირექტორის ლალი ტურძელაძის განცხადებით, მათ კლინიკაში გარდაცვლილი პაციენტი ე.წ. ბოლნისის კლასტერიდან იყო.
მისივე თქმით, კორონავირუსის დიაგნოზის მქონე გარდაცვლილი პაციენტი 68 წლის მამაკაცია.
"კარგა ხანია აპარატულ სუნთქვაზე იყო. ამ პაციენტს გადატანილი ჰქონდა მიოკარდიუმის ინფარქტი, ჰქონდა გულის უკმარისობა, კლინიკაში შემოვიდა სუნთქვის მწვავე უკმარისობით, რის გამოც გადავიყვანეთ აპარატულ სუნთქვაზე. ამას დაემატა ორმხრივი მწვავე პნევმონია, განვითარდა სეფსისი და სიკვდილის უშუალო მიზეზი გახდა ფილტვის არტერიის თრომბოემბოლია.
დიდი შრომა გაწიეს ჩვენმა რეანიმატოლოგებმა, მაგრამ სამწუხაროდ, შედეგი ვერ დადგა" - აღნიშნა ტურძელაძემ და დასძინა, რომ აღნიშნული პაციენტი საუნივერსიტეტო კლინიკაში 15 დღის განმავლობაში მკურნალობდა.
შეგახსენებთ, აღნიშნული მამაკაცი საქართველოში კორონავირუსით გარდაცვლილი მეხუთე პაციენტია.
"2015 წლის შემდეგ, ორი ივლიტა გაჩნდა ჩვენს ოჯახში..." - რას ყვება ტრაგედიიდან ხუთი წლის შემდეგ, 13 ივნისს დაღუპული ივლიტა ჯიბუტის მამა
გიორგი გახარია მზიურის გახსნაზე ცოლ-შვილთან ერთად მივიდა
