მნიშვნელოვანი ინფორმაცია
12
მაისიდღის ზოგადი ასტროლოგიური პროგნოზი
ორშაბათი, მთვარის მეთექვსმეტე დღე დაიწყება 21:55-ზე, მთვარე მორიელშია
მშვიდობიანი საქმეები წარმატებით დასრულდება. კაპიტალდაბანდებებს მოერიდეთ.
კარგი დღეა იურიდიული საკითხების მოსაგვარებლად, სასამართლო პროცესების დასაწყებად. კარგი დღეა შემოქმედებითი საქმიანობისთვის. გარშემო მყოფებთან ურთიერთობისას გამოიჩინეთ ტაქტი. უფროსს მნიშვნელოვან საკითხებზე საუბრისთვის ნუ შეხვდებით; წვრილ-წვრილი საკითხები მოაგვარეთ. კარგი დღეა დასვენების, მოგზაურობის, ფიზიკური დატვირთვისა და საოჯახო საქმეების შესრულებისთვის. მოერიდეთ ალკოჰოლის მიღებას, მოწევას. არც იშიმშილოთ და არც კუჭი გადატვირთოთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ქვეყნები, სადაც კარანტინს აპროტესტებენ - უმუშევრად დარჩენის და ეკონომიკური კრიზისის შიშით, ქუჩაში ათასობით მოქალაქე გამოვიდა
09:36 / 22-04-2020
ახალი კორონავირუსის პანდემიად გამოცხადების შემდეგ, ქვეყნების უმეტესობა საგანგებო რეჟიმზე გადავიდა და ე.წ. ლოქდაუნი, ანუ სრული და მკაცრი კარანტინი აამოქმედა. კარანტინი კი საჯარო დაწესებულებების დახურვას, საწარმოების გაჩერებასა და, შესაბამისად, სამუშაო ადგილების შემცირებას განაპირობებს.
ეკონომიკური კრიზისის ზღვარზე ყოფნისა და უმუშევრობის შიშით, ხალხი ბევრ ქვეყანაში აპროტესტებს იმ მკაცრ შეზღუდვებს, რომლებიც მთავრობებმა კორონავირუსის პრევენციის მიზნით დააწესეს.
ამერიკის შეერთებული შტატები
ამერიკელები უკვე რამდენიმე კვირაა, რაც თვითიზოლაციასა თუ კარანტინს აპროტესტებენ. მიუხედავად იმისა, რომ ზოგიერთ შტატში შეზღუდვები შეარბილეს და პარკები, პლაჟები და სხვადასხვა ადგილობრივი დაწესებულებები ნელ-ნელა იხსნება, ამერიკელები მაინც ითხოვენ კარანტინის მოხსნას.
პროტესტის მონაწილეთა თქმით, ეკონომიკა მნიშნელოვნად ზარალდება, რაც მოქალაქეების ჯიბეებზე პირდაპირ აისახება. პროტესტი განსაკუთრებით მწვავეა ოჰაიოს, მიჩიგანისა და კოლორადოს შტატებში. ამერიკელები გადაადგილების ყველა საშუალებას იყენებენ - ავტობუსს, ავტომობილს, მოტოციკლს, ცხენსაც კი...
წარმომადგენელთა პალატის ერთ-ერთმა წევრმა ქალმა მიჩიგანის მკვიდრის ვიდეო გაასაჯაროვა. კადრებში ჩანს, თუ როგორ უყვირის საპროტესტო აქციისას ქალი წინა ხაზზე მყოფ ექიმს და ეუბნება "წადი ჩინეთში!".
აქციებს დონალდ ტრამპიც გამოეხმაურა. შაბათს გამართულ პრესკონფერენციაზე პრეზიდენტმა ზოგიერთი გუბერნატორის მისამართით თქვა, რომ მათ მიერ დაწესებული აკრძალვები "მეტისმეტად შორს წავიდა":
სამხრეთ ამერიკა
ბრაზილიის პრეზიდენტი ჟაირ ბოლსონარო კარანტინის დასრულების მოთხოვნით, მოქალაქეების საპტროტესტო აქციას შეუერთდა. მაშინ, როდესაც COVID-19-ით გარდაცვლილთა რაოდენობამ 2 500-ს მიაღწია, ბოლსონარომ პრეზიდენტის სასახლე დატოვა და ქუჩაში გადაინაცვლა, სადაც უამრავი ადამიანი გამოვიდა. მათი მთავარი მოთხოვნა სოციალური დისტანციის გაუქმებაა.
"თაღლითობის ეპოქა დასრულდა. ახლა ხალხის მმართველობის დროა", - განაცხადა ბოლსონარომ და სიტყვით გამოსვლისას რამდენჯერმე დაახველა კიდევაც, რამაც ბრაზილიური მედიის ყურადღება მიიქცია. პრეზიდენტის ამ ქცევამ მოქმედი თუ ყოფილი ხელისუფლების წარმომადგენლების აღშფოთება გამოიწვია.
ევროპა
რაც შეეხება ცენტრალურ ევროპას, საფრანგეთის პრეზიდენტმა, ემანუელ მაკრონმა, კორონავირუსის პრევენციის მიზნით, ზომები 11 მაისამდე გაამკაცრა. გამკაცრებული ზომები კი, თავისთავად, სოციალური დისტანციის დაცვაზე კონტროლსაც გულისხმობს. საფრანგეთში, სოციალური დისტანციის ვერ თუ არ დაცვის ბრალდებით, ბევრი მუსლიმი დააკავეს. საბოლოოდ კი, მათი დაკავება საპროტესტო აქციაში გადაიზარდა - პოლიციელები რასიზმში დაადანაშაულეს.
პარიზის ცენტრში აქციის მონაწილეებსა და სამართალდამცველებს შორის ფიზიკური დაპირსპირებაც მოხდა. პოლიციამ მათ დასაშლელად ცრემლსადენი გაზი გამოიყენა.
საფრანგეთი, კორონავირუსთან დაკავშირებული ზომების შერბილებას სავარაუდოდ, 2 კვირაში დაიწყებს.
"დარჩი სახლში" - ეს ჯანდაცვის მსოფლიო ორგანიზაციის მთავარი მოწოდებაა. თუმცა, სახლში დარჩენით ბევრი ადამიანი უმუშევარი რჩება, ქვეყნების ეკონომიკა კი საგრძნობლად ზარალდება.
ფაქტობრივად, სახელმწიფოთა ლიდერები ჩიხში არიან, მოახდინონ კორონავირუსის პრევენცია და აიძულონ მოქალაქეები, რომ იყვნენ სახლში, თუ გერმანიის, დანიისა და ნორვეგიის მსგავსად, შეარბილონ შეზღუდვები და გახსნან საჯარო დაწესებულებები, რათა საბოლოოდ ეკონომიკური კოლაფსი არ მიიღონ.
მკითხველის კომენტარები /
23 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
აპლიკაცია გველების შესახებ - რა უნდა ვიცოდეთ
კვირის კითხვადი სტატიები
მნიშვნელოვანი ინფორმაცია
მკითხველის რჩევით
პირბადეები ვჭამოთ?!.. უგემურია და არ იღეჭება... ის ასფალტი ცხელი მაინც იყო...
ვიღაცეებს თავში აუვარდათ, დაიჯერეს რომ ეს ქვეყანა მათ გარშემო ტრიალებს. აქეთ უცბად ციდაც ჩამოვარდნილი ძალაუფლებით ტკებიან, იქით არჩევნებზე წუხან. ამასობაში მგლის შიშით ფარას ვწყვიტავთ. სრული სიგიჟეა