მნიშვნელოვანი ინფორმაცია
11
მაისიდღის ზოგადი ასტროლოგიური პროგნოზი
კვირა, მთვარის მეთხუთმეტე დღე დაიწყება 20:34-ზე, მთვარე მორიელშია
კრიტიკული დღეა. არ იჩხუბოთ. ეცადეთ, ეს დღე მშვიდად განვლოთ. არ დაიწყოთ ახალი საქმეები; მოერიდეთ მნიშვნელოვანი გადაწყვეტილებების მიღებას; ფინანსური საკითხების მოგვარება სხვა დღისთვის გადადეთ; ვაჭრობისთვის არახელსაყრელი დღეა, უძრავ ქონებასთან დაკავშირებული საკითხები სხვა დღეს მოაგვარეთ. აკონტროლეთ ემოციები. არასასურველია კამათი, ჩხუბი, საქმეების გარჩევა. არ გირჩევთ სამსახურის, საქმიანობის შეცვლას. სხვა დღისთვის გადადეთ მგზავრობა და მივლინება. კარგია შემოქმედებითი საქმიანობა, საოჯახო საქმეების შესრულება. ცუდი დღეა ქორწინებისა და ნიშნობისათვის. მატულობს ვენერიული დაავადებების რისკი. მოსალოდნელია ტრავმები, ქირურგიული ჩარევის ალბათობა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
უხანში კორონავირუსით გარდაცვლილთა რიცხვი გაიზარდა - ჩინეთი დამალულ ინფორმაციას თანდათან აქვეყნებს
12:39 / 17-04-2020
ჩინეთის ხელისუფლებამ ქალაქ უხანში კორონავირუსით დაღუპულთა რაოდენობა შეცვალა. BBC-ის ცნობით, აქამდე ცნობილი იყო უხანის პროვინციაში 2 579 გარდაცვლილის შესახებ. ახალი ინფორმაციით კი, მათ კიდევ 1 290 შემთხვევა დაემატა, რის შედეგადაც პროვინციაში კორონავირუსის მსხვერპლთა რიცხვი 3 869-მდე გაიზარდა.
ჩინეთის ხელისუფლების განმარტებით, გარდაცვლილთა რიცხვის ზრდა საავადმყოფოების გარეთ გარდაცვალების შემთხვევებისა და კერძო კლინიკებში დაღუპულთა ინფორმაციის დამატებამ, ასევე ზოგიერთი მონაცემის შეფერხებით მიწოდებამ განაპირობა. აღსანიშნავია, რომ ბოლო კვირების განმავლობაში ჩინეთის მიერ გავრცელებულ მონაცემებს ეჭვით არაერთი ექსპერტი უყურებდა.
worldometers.info-ზე განთავსებული ინფორმაციის თანახმად, გასული 24 საათის განმავლობაში ქვეყანაში COVID-19-ით ინფიცირებულთა რიცხვი 351 ადამიანით გაიზარდა, გარდაცვლილთა რიცხს კი 1 290 ადამიანი დაემატა. ეს სავარაუდოდ, ძველი შემთხვევებია, რომელიც სტატისტიკაში ახლა ასახეს.
ახალი ინფიცირებულების რაოდენობის თვალსაზრისით, მარტისა და აპრილის დასაწყისის მონაცემები ჩინეთში იმედისმომცემი იყო. უმეტეს შემთხვევაში, დღის განმავლობაში ინფიცირების მხოლო 50 შემთხვევა ფიქსირდებოდა და ოფიციალური პირები ხაზგასმით აღნიშნავდნენ, რომ ყველა მათგანი იმპორტირებული იყო და შიდა გადადების ფაქტები აღარ ფიქსირდებოდა.
ხელისუფლებამ სწორედ ამის გამო ეტაპობრივად გარკვეული შეზღუდვების მოხსნა დაიწყო, მათ შორის, კორონავირუსის გავრცელების ეპიცენტრშიც, ქალაქ უხანშიც (თუმცა ყველა შეზღუდვა არ მოხსნილა).
უხანისგან განსხვავებით გაცილებით უფრო მეტი შეზღუდვა მოიხსნა სხვა ქალაქებში, რის შემდეგაც ადგილობრივები სხვადასხვა ტურისტულ ლოკაციებს მიაწყდნენ. აღნიშნულის ამსახველი ფოტოები CNN-მა გაავრცელა. ფოტოებზე, რომლებიც ხუანშანის პარკშია გადაღებული,ჩანს, რომ ათასობით ადამიანი ერთმანეთის გვერდიგვერდ, მჭიდროდაა შეჯგუფული, ზოგიერთ მათგანს პირბადე უკეთია, ზოგს კი - არა.
აღსანიშნავია ისიც, რომ მსოფლიოს სხვადასხვა ქვეყნების, მათ შორის, დიდი ბრიტანეთის, აშშ-ის ლიდერები აკრიტიკებენ ჩინეთის ხელისუფლებას და რეალური მონაცემების დამალვაში სდებენ ბრალს.
განსაკუთრებული მწვავე კრიტიკით აშშ-ის პრეზიდენტი დონალდ ტრამპი გამოირჩევა და გარდა ჩინეთის მთავრობისა, ის ჯანდაცვის მსოფლიო ორგანიზაციასაც ადანაშაულებს და ამბობს, რომ ჯანმომ დროულად ვერ შეაფასა სიტუაცია და ჩინეთის ხელისუფლებას რეალური მონაცემების დაფარვაში დაეხმარა.
ამ დროისთვის ჩინეთში კორონავირუსით სულ 82 692 ადამიანი დაინფიცირდა, მათ შორის 4 632 გარდაიცვალა, ხოლო 77 944 გამოჯანმრთელდა. თუმცა, სავარაუდოდ, მონაცემები მომდევნო დღეების განმავლობაში კიდევ შეიცვლება და ძველი შემთხვევების დამატების ფონზე, გაიზრდება.
ჩინეთი ინფიცირებულთა რაოდენობის თვალსაზრისით მსოფლიოს მეშვიდე ქვეყანაა. გლობალური მასშტაბით კი COVID-19-ის 2 184 784 შემთხვევაა აღწერილი, საერთო ჯამში, ვირუსით გარდაცვლილია 146 899 ადამიანი, ხოლო 553 260 პაციენტი - გამოჯანმრთელებული.
მკითხველის კომენტარები /
19 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
"მოჩქარეს მოუგვიანდესო"!
სიფრთხილე, სიფრთხილე და სიფრთხილე!
"სჯობს გვიან, ვიდრე არასდროს"!
უნდა ვისწავლოთ ამ ვირუსთან ერთად ცხოვრება და მუშაობა, ყველას უნდა ეკეთოს ნიღბები და ხელთათმანები სამსახურში და მკაცრად დავიცვათ პირადი ჰიგიენა. თორემ ესე გამოკეტილები დიდხანს ვერ გაქაჩავს ქართული ეკონომიკა.