საფ­რან­გეთ­ში COVID-19-ის გავ­რცე­ლე­ბის მას­შტა­ბი­სა და ლე­ტა­ლო­ბის მხრივ ერთ-ერთი ყვე­ლა­ზე კრი­ტი­კუ­ლი ვი­თა­რე­ბაა. ქვე­ყა­ნა­ში კო­რო­ნა­ვირუ­სით გარ­დაც­ვლილ­თა რი­ცხვმა უკვე 8000-ს გა­და­ა­ჭარ­ბა.

AMBEBI.GE და­უ­კავ­შირ­და ქარ­თველ ექიმს, ინ­ფექ­ცი­ო­ნისტ ეკა ჩაკ­ვე­ტა­ძეს, რო­მე­ლიც 17 წე­ლია საფ­რან­გეთ­ში ცხოვ­რობს და მუ­შა­ობს. ახლა იგი ერთ-ერთ სა­ხელ­მწი­ფო სა­მე­დი­ცი­ნო და­წე­სე­ბუ­ლე­ბა­ში კო­რო­ნა­ვირუ­სის გან­ყო­ფი­ლე­ბას ხელ­მძღვა­ნე­ლობს, შე­სა­ბა­მი­სად ყო­ველ­დღი­უ­რად ასე­უ­ლო­ბით ინ­ფი­ცი­რე­ბულ­თან უწევს შე­ხე­ბა და რო­გორც ინ­ფექ­ცი­ო­ნისტს, უკვე დიდი გა­მოც­დი­ლე­ბა და­უგ­როვ­და COVID-19-ის წი­ნა­აღ­მდეგ ბრძო­ლა­შიც.

- უპირ­ვე­ლე­სად, და­ვი­წყოთ საფ­რან­გეთ­ში არ­სე­ბუ­ლი ვი­თა­რე­ბის მი­მო­ხილ­ვით. რა მდგო­მა­რე­ო­ბაა ქვე­ყა­ნა­ში ვირუ­სის გავ­რცე­ლე­ბის კუ­თხით და რა სი­ტუ­ა­ცი­აა იმ სა­ა­ვად­მყო­ფო­ში, სა­დაც თქვენ მუ­შა­ობთ?

- საფ­რან­გე­თი ახლა არის პი­კის პე­რი­ოდ­ში, რაც იმას ნიშ­ნავს, რომ ახლა ფიქ­სირ­დე­ბა ინ­ფი­ცი­რე­ბულ­თა მაქ­სი­მა­ლუ­რი რა­ო­დე­ნო­ბა, რო­მე­ლიც ალ­ბათ დას­ტა­ბი­ლურ­დე­ბა და შემ­დეგ იმე­დია, რომ კლე­ბას და­ი­წყებს. ოფი­ცი­ა­ლუ­რი უწყე­ბე­ბის თა­ნახ­მად, პი­კის პე­რი­ო­დი კი­დევ ერთი კვი­რა გაგ­რძელ­დე­ბა.

ასევე დაგაინტერესებთ

15:03 / 19-03-2020

"იბუპროფენი" და "კაპტოპრილი" კორონავირუსით ინფიცირებას უწყობს ხელს? - ბიძინა კულუმბეგოვი ვირუსთან დაკავშირებულ აქტუალურ კითხვებზე

14:28 / 01-04-2020

"კორონა ჩვენთან ბევრი წელი დარჩება და ცოტა ხანში, ნერვი არ აგვიტოკდება ამ სახელის გაგონებაზე" - რას წერს ამერიკაში მცხოვრები ქართველი ექიმი

12:52 / 06-04-2020

"ეცადეთ იძინოთ მუცელზე, ეს წამალზე უკეთესია ფილტვების დასაცავად" - აშშ-ში მცხოვრები ქართველი ექიმის რჩევები, COVID-19-ის მსუბუქ ფორმასთან საბრძოლველად

სა­დაც მე ვმუ­შა­ობ, ეს არის 350-სა­წო­ლი­ა­ნი მულ­ტიპრო­ფი­ლუ­რი სა­ა­ვად­მყო­ფო, რო­მე­ლიც გა­და­კეთ­და და მთლი­ა­ნად მო­ერ­გო ახალ გა­მოწ­ვე­ვას. 250 სა­წო­ლი სულ კო­რო­ნა­ვირუ­სით ინ­ფი­ცი­რე­ბუ­ლებს და­ეთ­მო. 250 დან 200 თე­რა­პი­უ­ლი გან­ყო­ფი­ლე­ბის ნა­წი­ლია, სა­დაც არი­ან მძი­მე პა­ცი­ენ­ტე­ბი, მაგ­რამ მათ მარ­თვი­თი სუნ­თქვა არ სჭირ­დე­ბათ, ხოლო 50 სა­წო­ლი რე­ა­ნი­მა­ცი­უ­ლი გან­ყო­ფი­ლე­ბაა, სა­დაც ყვე­ლა პა­ცი­ენ­ტი ხე­ლოვ­ნურ სუნ­თქვა­ზეა.

ჩვე­ნი სა­ა­ვად­მყო­ფოს გვერ­დით არის კერ­ძო კლი­ნი­კა და უნდა აღი­ნიშ­ნოს, რომ კერ­ძო სექ­ტო­რის ძა­ლი­ან დიდი სო­ლი­და­რო­ბაა საფ­რან­გეთ­ში. კერ­ძო კლი­ნი­კებ­მა ყვე­ლა გეგ­მი­უ­რი სა­მე­დი­ცი­ნო აქ­ტი­ვო­ბე­ბი გა­და­დეს და ემ­სა­ხუ­რე­ბი­ან მთლი­ა­ნად კო­რო­ნა­ვირუ­სით ინ­ფი­ცი­რე­ბუ­ლებს. ნა­კა­დე­ბი ნა­წილ­დე­ბა სა­ხელ­მწი­ფო­სა და კერ­ძო სექ­ტორს შო­რის. რაც ეპი­დე­მია და­ი­წყო, უკვე 500-მდე პა­ცი­ენ­ტი შე­მო­ვი­და ჩვენს სა­ა­ვად­მყო­ფო­ში. აქე­დან დიდი ნა­წი­ლი გა­ე­წე­რა. თუმ­ცა, ლე­ტა­ლო­ბე­ბიც იყო..

- რა­ტომ მი­ი­ღო საფ­რან­გე­თის ჯან­დაც­ვის სის­ტე­მამ "მე­ო­რე იტა­ლია"? სად და­უშ­ვეს შეც­დო­მა?

- საფ­რან­გეთ­ში ასე­თი დი­რექ­ტი­ვაა: სა­ა­ვად­მყო­ფო­ში მი­დის ის, ვი­საც უკვე გარ­თუ­ლე­ბუ­ლი აქვს მდგო­მა­რე­ო­ბა, აღე­ნიშ­ნე­ბა სუნ­თქვის უკ­მა­რი­სო­ბის ნიშ­ნე­ბი. ხოლო ვი­საც მსუ­ბუ­ქი სიმპტო­მე­ბი აქვს, ის სახ­ლში მკურ­ნა­ლობს. სტა­ტის­ტი­კუ­რად სა­ა­ვად­მყო­ფო­ში შე­მო­სუ­ლი პა­ცი­ენ­ტე­ბის 25%-ის მდგო­მა­რე­ო­ბა რთულ­დე­ბა და გა­და­დის რე­ა­ნი­მა­ცი­ა­ში და სამ­წუ­ხა­როდ, 75 წელს ზე­ვით ასა­კის ადა­მი­ა­ნე­ბის სიკ­ვდი­ლი­ა­ნო­ბა არის ძა­ლი­ან დიდი. პრაქ­ტი­კუ­ლად ვე­რა­ვინ უძ­ლებს ხე­ლოვ­ნურ სუნ­თქვას, ვერ გა­მო­დი­ან მდგო­მა­რე­ო­ბი­დან.

მთა­ვა­რია ადა­მი­ა­ნი რე­ა­ნი­მა­ცი­ა­ში გა­და­საყ­ვა­ნი არ გახ­დეს, თო­რემ იქე­დან აბ­სო­ლუ­ტუ­რი უმ­რავ­ლე­სო­ბა ვერ გა­მო­დის...

ის რაც ახლა სა­ქარ­თვე­ლო­ში ხდე­ბა, ჩვენ­თან იყო და­ახ­ლო­ე­ბით ერთი თვის წინ, ანუ ვირუ­სის გავ­რცე­ლე­ბის შე­ჩე­რე­ბის ფაზა. ძა­ლი­ან მნიშ­ვნე­ლო­ვა­ნია, რომ ამ ფა­ზა­ში სწო­რი და ეფექ­ტუ­რი ნა­ბი­ჯე­ბი გა­და­იდ­გას, რომ ვირუ­სის გავ­რცე­ლე­ბა მაქ­სი­მა­ლუ­რად შემ­ცირ­დეს. რო­გორ უნდა მოხ­დეს ეს? ყვე­ლა ინ­ფი­ცი­რე­ბუ­ლი ადა­მი­ა­ნი - მკაცრ კა­რან­ტინ­ში! საფ­რან­გე­თი სწო­რედ ამა­ში შეც­და.

მი­უ­ხე­და­ვად იმი­სა, რომ ჯან­დაც­ვის სის­ტე­მის ოფი­ცი­ა­ლუ­რი დი­რექ­ტი­ვა იყო, არ­ცერ­თი ინ­ფი­ცი­რე­ბუ­ლი არ გა­ეშ­ვათ სახ­ლში, პა­რი­ზის ორმა უდი­დეს­მა სა­ა­ვად­მყო­ფომ, რომ­ლე­ბიც პირ­ვე­ლი მიმ­ღე­ბე­ბი იყ­ვნენ, ინ­ფი­ცი­რე­ბუ­ლე­ბი სახ­ლში გა­უშ­ვეს.

საფ­რან­გეთ­ში, იმის მა­გივ­რად რომ გა­ეხ­სნათ ახა­ლი სა­ა­ვად­მყო­ფო­ე­ბი, როცა სა­ა­ვად­მყო­ფო­ე­ბი გა­და­იტ­ვირ­თა, ინ­ფი­ცი­რე­ბუ­ლებს უთხრეს სახ­ლში გა­აგ­რძე­ლეთ მკურ­ნა­ლო­ბაო, რა­მაც გა­მო­იწ­ვია კა­ტას­ტრო­ფა

ახლა რაც სა­ქარ­თვე­ლო­ში ხდე­ბა, ძა­ლი­ან მნიშ­ვნე­ლო­ვა­ნია, რომ შე­ნარ­ჩუნ­დეს - რად­გან ყვე­ლა გა­მოვ­ლე­ნი­ლი ინ­ფი­ცი­რე­ბუ­ლი ჰოს­პი­ტა­ლი­ზი­რე­ბუ­ლია და და­ცუ­ლია თვი­თი­ზო­ლა­ცია, ალ­ბათ, სი­ტუ­ა­ცია ძა­ლი­ან არ დამ­ძიმ­დე­ბა. სახ­ლში ძა­ლი­ა­ნაც რომ გინ­დო­დეს თა­ვის დაც­ვა, ვერ და­ი­ცავ, რად­გან არი­ან ოჯა­ხის სხვა წევ­რე­ბი, პა­ტა­რა ბი­ნე­ბია და ა.შ.

- სახ­ლის პი­რო­ბებ­ში მკურ­ნა­ლო­ბის რე­კო­მენ­და­ცია სა­ქარ­თვე­ლოს ჯან­დაც­ვის მი­ნის­ტრმა ოფი­ცი­ა­ლუ­რად გას­ცა, თქვენ ამ­ბობთ, რომ ეს და­უშ­ვე­ბე­ლია?

- ეს მიდ­გო­მა არ არის გა­მარ­თლე­ბუ­ლი არა­ნა­ი­რად, მაგ­რამ თუ სხვა გზა არ იქ­ნე­ბა, რას იზამ. სა­ნამ შე­გიძ­ლია უნდა მი­ი­ღო და როცა უკვე ვე­ღარ შეძ­ლებ, ვე­ღარ მი­ი­ღებ. საფ­რან­გეთს ეგო­ნა, რომ რაც იტა­ლი­ა­ში მოხ­და, მას არ შე­ე­ხე­ბო­და, მაგ­რამ ფაქ­ტია, რომ იგი­ვე ხდე­ბა აქაც. ცუდი სცე­ნა­რის მო­ლო­დი­ნი ყვე­ლას უნდა ჰქონ­დეს. ჯერ­ჯე­რო­ბით ინ­ფექ­ცი­ის კონ­ტრო­ლის ძა­ლი­ან მნიშ­ვნე­ლო­ვა­ნი მაჩ­ვე­ნე­ბე­ლია სა­ქარ­თვე­ლო­ში და იმე­დია ასე გაგ­რძელ­დე­ბა.

- რა მე­თო­დით მკურ­ნა­ლო­ბენ საფ­რან­გეთ­ში ახალ კო­რო­ნა­ვირუსს?

- საფ­რან­გეთს თა­ვი­სი რე­კო­მენ­და­ცი­ე­ბი აქვს. არის გა­იდ­ლა­ი­ნე­ბი, რომ­ლე­ბიც აქ ექი­მებს სა­შუ­ა­ლე­ბას აძ­ლევს, თა­ვად გან­სა­ზღვრონ რო­მე­ლი მე­დი­კა­მენ­ტი ჩარ­თონ მკურ­ნა­ლო­ბა­ში. ახლა რი­თაც ვმკურ­ნა­ლობთ, ეს არის ძი­რი­თა­დად, შიდსის წი­ნა­აღ­მდეგ გა­მო­ყე­ნე­ბუ­ლი წამ­ლე­ბი. რო­გო­რი­ცაა: პრო­ტე­ა­ზას ინ­ჰი­ბი­ტო­რი, მათ შო­რის "კა­ლეტ­რა", "ქლო­რო­ქი­ნი", რო­მე­ლიც ავ­ტო­ი­მუ­ნურ და­ა­ვა­დე­ბებ­ში გა­მო­ი­ყე­ნე­ბა. არ­სე­ბობს მო­საზ­რე­ბა, რომ იგი უჯრედ­ში მჟა­ვი­ა­ნო­ბას ცვლის და ამით ვირუსს კლავს, თუმ­ცა ეს ჯერ და­სა­დას­ტუ­რე­ბე­ლი ვა­რა­უ­დია. შემ­დეგ არის "რემ­დე­სი­ვი­რი" და სხვა იმუ­ნო­მო­დუ­ლა­ტო­რე­ბი.

ათი დღეა რაც კვლე­ვა და­ი­წყო ამ მე­დი­კა­მენ­ტებ­ზე, რათა დად­გინ­დეს მათი რე­ა­ლუ­რი ეფექ­ტი COVID-19-ის წი­ნა­აღ­მდეგ. ამის დად­გე­ნა საკ­მა­ოდ რთუ­ლი პრო­ცე­სია, რად­გან სა­ჭი­როა ბევრ კრი­ტი­კულ პა­ცი­ენტზე გა­მოც­და. ვი­ცით, რომ ინ­ფი­ცი­რე­ბუ­ლე­ბის 85% ისე­დაც გა­მო­ჯან­მრთე­ლე­ბა, 15%-ში იქ­ნე­ბა რთუ­ლი ფორ­მა და აქე­დან 10%-იც გა­მო­ჯან­მრთელ­დე­ბა. ანუ სიკ­ვდი­ლი­ა­ნო­ბა იქ­ნე­ბა 5-დან 8%-მდე, ან უფრო ნაკ­ლე­ბი. რომ დად­გინ­დეს წა­მა­ლი ეფექ­ტუ­რია, მე­დი­კა­მენ­ტი უნდა გა­მო­ი­ყე­ნო სწო­რედ იმ 15%-ში , რო­მელ­შიც გარ­თუ­ლე­ბუ­ლი მდგო­მა­რე­ო­ბაა და შემ­დეგ გან­სა­ზღვრო წამ­ლის ეფექ­ტუ­რო­ბა.

- სის­ხლის პლაზ­მით მკურ­ნა­ლო­ბის ეფექ­ტუ­რო­ბა­ზე რას გვე­ტყვით? რა მო­ლო­დი­ნე­ბი აქვთ მე­დი­კო­სებს?

- პლაზ­მით მკურ­ნა­ლო­ბის პრე­ცე­დენ­ტი არ­სე­ბობს და ეს არის ტე­ტა­ნუ­სის წი­ნა­აღ­მდეგ გა­მო­ყე­ნე­ბუ­ლი შრა­ტი. ანუ იგი­ვე პრინ­ცი­პია ამ მე­თოდ­ში. მას­შიც არის ან­ტის­ხე­უ­ლე­ბი, რო­მელ­საც უს­ხა­მენ ადა­მი­ა­ნებს და ასე ხდე­ბა გან­კურ­ნე­ბა, მაგ­რამ ტე­ტა­ნუ­სი ბაქ­ტე­რი­უ­ლი და­ა­ვა­დე­ბაა, COVID-19 კი - ვირუ­სუ­ლი. ამი­ტომ და­სად­გე­ნია აქ რო­გორ იმუ­შა­ვებს.

გა­მო­ყე­ნე­ბის პრინ­ცი­პი კი იგი­ვეა: კო­რო­ნა­ვირუ­სის­გან გა­მო­ჯან­მრთე­ლე­ბუ­ლი ადა­მი­ა­ნე­ბის მიერ გა­მო­მუ­შა­ვე­ბუ­ლი ან­ტის­ხე­უ­ლე­ბის­გან დამ­ზა­დე­ბულ შრატს გა­და­უს­ხა­მენ და­ა­ვა­დე­ბუ­ლებს. ამ სა­კი­თხზე კვლე­ვა საფ­რან­გეთ­ში რამ­დე­ნი­მე დღეა და­ი­წყო. აქ ყვე­ლა­ფე­რი აჩ­ქა­რე­ბუ­ლად ხდე­ბა და იმე­დია, ამის პა­სუ­ხიც მალე იქ­ნე­ბა. მთა­ვა­რია აღ­მოჩ­ნდეს ეფექ­ტუ­რი და ამ პრო­ცე­დუ­რის და­წყე­ბა ძნე­ლი არ არის.

- რამ­დე­ნად არ­გუ­მენ­ტი­რე­ბუ­ლია ის მო­საზ­რე­ბა, რომ ინ­ფი­ცი­რე­ბულ ახალ­გაზ­რდებ­ში მდგო­მა­რე­ო­ბა არ რთულ­დე­ბა და სიკ­ვდი­ლი­ა­ნო­ბაც პრაქ­ტი­კუ­ლად არ ფიქ­სირ­დე­ბა?

- მი­თია, რომ გარ­თუ­ლე­ბე­ბი შე­იძ­ლე­ბა მხო­ლოდ ხან­დაზ­მუ­ლებ­სა და ქრო­ნი­კუ­ლი და­ა­ვა­დე­ბე­ბის მქო­ნე პა­ცი­ენ­ტებ­ში მოხ­დეს. მძი­მე შემ­თხვე­ვე­ბი გვაქვს ახალ­გაზ­რდა ადა­მი­ა­ნებ­შიც, რომ­ლებ­საც არ აქვთ თან­მხლე­ბი და­ა­ვა­დე­ბე­ბი. ანუ იმის თქმა, რომ ახალ­გაზ­რდე­ბი და­ცუ­ლე­ბი არი­ან, არას­წო­რია. არა­ვინ იცის ასე რა­ტომ ხდე­ბა. ჩვენ­თან მძი­მე პა­ცი­ენ­ტე­ბის 60% არის 60 წელს ქვე­მოთ.

- კი­დევ ერთი აქ­ტუ­ა­ლუ­რი სა­კი­თხი, რო­მელ­თან და­კავ­ში­რე­ბი­თაც ქარ­თვე­ლი სპე­ცი­ა­ლის­ტე­ბის­გან ცალ­სა­ხა მო­საზ­რე­ბა არ მოგ­ვის­მე­ნია. თქვენ რა აზ­რის ხართ "იბუპრო­ფე­ნი­სა" და "კაპ­ტოპ­რი­ლის" გა­მო­ყე­ნე­ბა­ზე?

- ჩვენ შეგ­ვიძ­ლია გა­დაჭ­რით ვთქვათ, რომ "იბუპრო­ფე­ნის" ჯგუ­ფის წამ­ლე­ბი არა­ნა­ი­რად არ უნდა მი­ვი­ღოთ, თუ ძა­ლი­ან მკაც­რი და­ნიშ­ნუ­ლე­ბა არ არის! სა­ერ­თოდ, ძა­ლი­ან ცო­ტაა შემ­თხვე­ვა, რო­დე­საც ეს წა­მა­ლი ინიშ­ნე­ბა. გა­ცი­ე­ბის და ტემ­პე­რა­ტუ­რის დროს შეგ­ვიძ­ლია დავ­ლი­ოთ პა­რა­ცე­ტა­მო­ლი. რა­ტომ ვართ ასე სკეპ­ტი­კუ­რად გან­წყო­ბი­ლი ამ მე­დი­კა­მენ­ტის მი­მართ? - "იბუპრო­ფე­ნი" ხელს უშ­ლის იმუ­ნუ­რი პა­სუ­ხის შედ­გო­მას. რო­დე­საც ადა­მი­ა­ნი ინ­ფი­ცი­რე­ბუ­ლია, გა­მო­ჯან­მრთე­ლე­ბა ხდე­ბა იმუ­ნუ­რი პა­სუ­ხის შე­დე­გად.

ყვე­ლა ახალ­გაზ­რდა პა­ცი­ენ­ტის ანამ­ნეზ­ში, რო­მე­ლიც ჩვენ­თან შე­მო­დი­ო­და კო­რო­ნა­ვირუ­სის დი­აგ­ნო­ზით, ჩან­და, რომ ჰქონ­დათ მი­ღე­ბუ­ლი "იბუპრო­ფე­ნი". სწო­რედ საფ­რან­გეთ­მა გა­ა­კე­თა ეს სა­გან­გა­შო გან­ცხა­დე­ბა პირ­ვე­ლად, რომ არა­ვი­თარ შემ­თხვე­ვა­ში არ მი­ი­ღოთ "იბუპრო­ფე­ნი" და ახლა ამას ყვე­ლა ეთან­ხმე­ბა

ზო­გა­დად ამ მე­დი­კა­მენტს არ აქვს სა­სი­ცო­ცხლო და­ნიშ­ნუ­ლე­ბა და რა­ტომ უნდა მი­ი­ღოთ იგი? ეს იცის ყვე­ლა ინ­ფექ­ცი­ო­ნის­ტმა, რომ ინ­ფექ­ცი­ის პე­რი­ოდ­ში ამ ჯგუ­ფის წამ­ლე­ბის მი­ღე­ბა არის ყოვ­ლად და­უშ­ვე­ბე­ლი.

რაც შე­ე­ხე­ბა კარ­ტოპ­რილს. აქ ორი ურ­თი­ერ­თსა­პი­რის­პი­რო მო­საზ­რე­ბა არ­სე­ბობს დღემ­დე. ამი­ტომ ამას­თან და­კავ­ში­რე­ბით ასე­თი დი­რექ­ტი­ვაა: ვინც იღებს ამ წა­მალს, არ შე­წყვი­ტოს თვით­ნე­ბუ­რად, მაგ­რამ ვინც და­ინ­ფი­ცირ­დე­ბა, ექი­მე­ბი შე­უ­წყვე­ტენ ამ მე­დი­კა­მენტს.

- და ბო­ლოს, რო­გო­რია თქვე­ნი პროგ­ნო­ზე­ბი საფ­რან­გეთ­სა და სა­ქარ­თვე­ლოს­თან და­კავ­ში­რე­ბით, რო­გორ შე­იძ­ლე­ბა გან­ვი­თარ­დეს მოვ­ლე­ნე­ბი?

- საფ­რან­გეთ­ში მო­მა­ვა­ლი კვი­რი­დან შემ­თხვე­ვე­ბის კლე­ბა და­ი­წყე­ბა და უკვე შე­მუ­შავ­დე­ბა დე­ი­ზო­ლა­ცი­ის პო­ლი­ტი­კაც. ყვე­ლა ერ­თად ვერ გა­მო­ვა სახ­ლე­ბი­დან, თვი­თი­ზო­ლა­ცი­ი­დან გა­მოს­ვლა მოხ­დე­ბა რე­გი­ო­ნე­ბის მი­ხედ­ვით, ეტა­პობ­რი­ვად. ოფი­ცი­ა­ლუ­რად 14 აპ­რილს სრულ­დე­ბა იზო­ლა­ცი­ის პე­რი­ო­დი და ამ დრო­ის­თვის უკვე გვე­ცო­დი­ნე­ბა, რას გა­და­წყვეტს ხე­ლი­სუფ­ლე­ბა.

სა­ქარ­თვე­ლოს რაც შე­ე­ხე­ბა, ვირუ­სის მა­სობ­რი­ვად გავ­რცე­ლე­ბა შე­საძ­ლოა არც მოხ­დეს. ჯერ კი­დევ იმე­დია, იმ პო­ლი­ტი­კით რაც სა­ქარ­თვე­ლო­შია, მაქ­სი­მა­ლუ­რად შე­ჩერ­დე­ბა ვირუ­სის გავ­რცე­ლე­ბა და მე­სა­მე ფა­ზა­ში არ გა­და­ვა ქვე­ყა­ნა. ფა­ზა­ში, რო­დე­საც ვირუ­სის შე­კა­ვე­ბის­თვის ვე­რა­ფერს აკე­თებ და ცდი­ლობ მხო­ლოდ იმას, რომ და­ინ­ფი­ცი­რე­ბუ­ლე­ბი გა­და­არ­ჩი­ნო.

საფ­რან­გეთ­ში პი­კია 80 000 ინ­ფი­ცი­რე­ბუ­ლი და ეს ქვეყ­ნის სა­მე­დი­ცი­ნო სის­ტე­მის სრულ პა­რა­ლი­ზე­ბას ახ­დენს. ვფიქ­რობ, სა­ქარ­თვე­ლო­ში პი­კის ნიშ­ნუ­ლი რაც შე­იძ­ლე­ბა და­ბა­ლი უნდა იყოს, მაგ­რამ ამას ხელი უნდა შე­უ­წყოს თა­ვად მო­სახ­ლე­ო­ბამ, თვი­თი­ზო­ლა­ცი­ი­სა და ყვე­ლა სხვა წე­სის დაც­ვით!