"მსგავსი არაფერი გვინახავს, არც პირველი და არც მეორე მსოფლიო ომის დროს" - ტრამპის თქმით, აშშ-ში COVID-19-ით ბევრი ადამიანი დაიღუპება

აშშ-ის პრეზიდენტი დონალდ ტრამპი აცხადებს, რომ კორონავიუსით ქვეყანაში უახლოეს დღეებში ბევრი ადამიანი დაიღუპება.

“ბევრი ადამიანი დაიღუპება. ვუალხოვდებით დროს, რომელიც ძალიან საშინელი იქნება.

ამ რიცხვების მსგავსი ალბათ არასდროს არაფერი გვინახავს, არც პირველი და არც მეორე მსოფლიო ომის დროს,“- განაცხადა დონალდ ტრამპმა თეთრ სახლში გამართულ ბრიფინგზე.

ბოლო მონაცემებით, ამერიკის შეერთებულ შტატებში კორონავირუსით 311 635 ადამიანი დაინფიცირდა. მათ შორის 8 454 გარდაიცვალა, ხოლო ამ ეტაპზე 14 825 პაციენტია გამოჯანმრთელებული.