"79 წლის ქალი 12-15 კილოს იწონიდა, უმძიმეს მდგომარეობაში შემოიყვანეს" - ლალი  ტურძელაძე კორონავირუსით გარდაცვლილზე

"79 წლის ქალს, რომელიც კორონავირუსით გარდაიცვალა, კუნთების განლევა ჰქონდა და ის 12-15 კგ-ს იწონიდა" - ამის შესახებ თბილისის სახელმწიფო სამედიცინო უნივერსიტეტის პირველი საუნივერსიტეტო კლინიკის კლინიკურმა დირექტორმა ლალი ტურძელაძემ განაცხადა.

"31 მარტს პაციენტი შემოვიდა მარნერულის "ჯეო ჰოსპიტალიდან", იყო უმძიმეს, კრიტიკულ მდგომარეობაში. გადავიყვანეთ აპარატულ სუნთქვაზე. მთელი ეს პერიოდი იყო უმძიმეს მდგომარეობაში - კახექსიური, 79 წლის ქალბატონი 12 -15 კილოს იწონიდა. კახექსია ანუ კუნთების განლევა 6-7 თვის წინ დაეწყო” - განაცხადა ლალი ტურძელაძემ ტელეკომპანია "პირველის" ეთერში.

ცნობისთვის, საქართველოში კორონავირუსით გარდაცვალების პირველი შემთხვევა დაფიქსირდა. ამის შესახებ თსსუ-ს პირველი საუნივერსიტეტო კლინიკის დირექტორმა, ლევან რატიანმა განაცხადა.

გარდაცვლილი 79 წლის ქალია, რომელიც ე.წ. მარნეულის კლასტერიდან იყო.

როგორც ლევან რატიანმა აღნიშნა, პაციენტი კლინიკაში დღეს, 9 საათზე გარდაიცვალა. მისივე განმარტებით, პაციეტის სამკურნალოდ ჩატარებული ღონისძიებები არაეფექტური აღმოჩნდა.