სტა­ტის­ტი­კის თა­ნახ­მად, ბავ­შვე­ბი ახა­ლი კო­რო­ნა­ვირუ­სით ნაკ­ლე­ბად ავად­დე­ბი­ან, ვიდ­რე ზრდას­რუ­ლე­ბი. 0-დან 19 წლამ­დე ასა­კის მო­ზარ­დებ­ში ავა­დო­ბის შემ­თხვე­ვე­ბი 0.2%-ს არ აჭარ­ბებს, აქე­დან რამ­დე­ნი­მეა ლე­ტა­ლუ­რი შე­დე­გი.

რო­გორც BBC-ის სტა­ტი­ა­ში ვკი­თხუ­ლობთ, ოქსფორ­დის უნი­ვერ­სი­ტე­ტის პე­დი­ატ­რი­უ­ლი ინ­ფექ­ცი­ი­სა და იმუ­ნი­ზა­ცი­ის პრო­ფე­სო­რი, ენ­დრიუ პო­ლარ­დი გან­მარ­ტავს, რომ პან­დე­მი­ის და­სა­წყის­ში იყო მო­საზ­რე­ბა, თით­ქოს ბავ­შვე­ბი კო­რო­ნა­ვირუ­სით არ ინ­ფი­ცირ­დე­ბოდ­ნენ, თუმ­ცა ასე არ არის და მათ უბ­რა­ლოდ, მსუ­ბუ­ქი სიმპტო­მე­ბი აღე­ნიშ­ნე­ბათ. რით შე­იძ­ლე­ბა ამის ახ­სნა?

ჩი­ნეთ­ში, COVID-19-ზე ჩა­ტა­რე­ბუ­ლი კვლე­ვა აჩ­ვე­ნებს, რომ და­ინ­ფი­ცი­რე­ბუ­ლი ბავ­შვე­ბის ნა­ხე­ვარ­ზე მეტს ცხე­ლე­ბა, ხვე­ლა, მშრა­ლი ყელი, სურ­დო, სხე­უ­ლის ტკი­ვი­ლე­ბი და ცე­მი­ნე­ბა ჰქონ­და; და­ახ­ლო­ე­ბით მე­სა­მედს აღე­ნიშ­ნე­ბო­და პნევ­მო­ნია და მუდ­მი­ვი სი­ცხე, ხვე­ლა და ქშინ­ვა, თუმ­ცა მძი­მე შემ­თხვე­ვე­ბის და­მა­ხა­სი­ა­თე­ბე­ლი ქო­ში­ნი და სუნ­თქვის გაძ­ნე­ლე­ბა მათ არ ჰქო­ნი­ათ.

მეც­ნი­ე­რე­ბი სამ ვერ­სი­ას გა­მოჰ­ყო­ფენ, თუ რა­ტომ აქვთ კო­რო­ნა­ვირუ­სის მქო­ნე ბავ­შვებს დი­დებ­თან შე­და­რე­ბით მსუ­ბუ­ქი სიმპტო­მე­ბი:

1. მათ ძი­რი­თა­დად ზედა სა­სუნ­თქი გზე­ბი (ცხვი­რი, პირი, ყელი) უზი­ან­დე­ბათ, შე­სა­ბა­მი­სად, გა­ცი­ე­ბის მაგ­ვარ მა­ხა­სი­ა­თებ­ლებს უფრო ამ­ჟღავ­ნე­ბენ, ვიდ­რე იმ ვირუ­სის ნიშ­ნებს, რო­მელ­საც შე­უძ­ლია, მის­წვდეს ქვე­და სა­სუნ­თქ გზებს (ფილ­ტვებს), გა­მო­იწ­ვი­ოს პნევ­მო­ნია და სი­ცო­ცხლის­თვის ისე­თი სა­ში­ში მდგო­მა­რე­ო­ბა, რო­გორ­საც ასა­კოვ­ნებ­ში ვხვდე­ბით;
2. ვირუსს ადა­მი­ა­ნის უჯრე­დის ზე­და­პირ­ზე ცი­ლის, რე­ცეპ­ტო­რის არ­სე­ბო­ბა სჭირ­დე­ბა, რათა შიგ­ნით შე­აღ­წი­ოს. რო­გორც ვი­ცით, კო­რო­ნა­ვირუ­სი ამ მიზ­ნით ACE-2 რე­ცეპ­ტორს იყე­ნებს. შე­იძ­ლე­ბა, ბავ­შვებს უფრო ნაკ­ლე­ბი ACE-2 რე­ცეპ­ტო­რე­ბი აქვთ ქვე­და სა­სუნ­თქ გზებ­ში, ვიდ­რე - ზე­და­ში, რაც გა­ნა­პი­რო­ბებს იმას, რომ ძი­რი­თა­დად ვირუ­სი მხო­ლოდ მათ ზედა სა­სუნ­თქ გზებს უტევს. მო­ზარ­დი­სა და ზრდას­რუ­ლის იმუ­ნუ­რი სის­ტე­მა ერ­თმა­ნე­თის­გან ბევ­რი რა­მით გან­სხვავ­დე­ბა. მა­გა­ლი­თად, ბავ­შვე­ბი, გან­სა­კუთ­რე­ბით სა­ბავ­შვო ბა­ღის და სკო­ლის მოს­წავ­ლე­ე­ბი, საკ­მა­ოდ ღი­ა­ნი არი­ან ახა­ლი რეს­პი­რა­ტო­რუ­ლი ინ­ფექ­ცი­ე­ბის მი­მართ, და შე­საძ­ლოა ამი­ტომ, მათ ვირუ­სის წი­ნა­აღ­მდეგ ან­ტის­ხე­უ­ლე­ბის უფრო დიდი ბაზა ჰქონ­დეთ, ვიდ­რე - დი­დებს. ამას გარ­და, ბავ­შვებ­ში ნაკ­ლე­ბა­დაა ქრო­ნი­კუ­ლი გულ­სის­ხლძარ­ღვთა და რეს­პი­რა­ტო­რუ­ლი და­ა­ვა­დე­ბე­ბი, შე­სა­ბა­მი­სად, უფრო გამ­ძლე­ნი არი­ან ინ­ფექ­ცი­ის მი­მართ.
3. კრი­ტი­კულ მდგო­მა­რე­ო­ბა­ში მყოფ ზრდას­რუ­ლებ­ში ვირუ­სის გა­სა­ძე­ვე­ბე­ლი იმუ­ნი­ტე­ტი, შე­იძ­ლე­ბა, გა­და­ჭარ­ბე­ბუ­ლიც კი იყოს, რა­საც "ცი­ტო­კი­ნუ­რი შტორ­მი" ეწო­დე­ბა. ამან შე­იძ­ლე­ბა, კარ­გის გა­კე­თე­ბის ნაც­ვლად, ადა­მი­ა­ნი და­ა­ზი­ა­ნოს და მულ­ტი-ორ­გა­ნუ­ლი უკ­მა­რი­სო­ბა გა­მო­იწ­ვი­ოს. ბავ­შვე­ბის იმუ­ნუ­რი სის­ტე­მა ჯერ ჩა­მო­უ­ყა­ლი­ბე­ბე­ლია და ინ­ფექ­ცი­ას­თან საბ­რძოლ­ვე­ლად "ცი­ტო­კი­ნუ­რი შტორ­მის" მო­წყო­ბის ძალა არ შეს­წევს.

ასევე დაგაინტერესებთ

13:16 / 26-03-2020

"ნუ და­ე­მუქ­რე­ბით ბავ­შვებს: თუ ხელს არ და­ი­ბან, კო­რო­ნა და­გე­მარ­თე­ბა..." - თამარ გაგოშიძის რჩევები მშობლებს, როგორ ესაუბრონ შვილებს COVID-19-ზე

მი­უ­ხე­და­ვად იმი­სა, რომ ინ­ფი­ცი­რე­ბუ­ლი ბავ­შვე­ბი უფ­რო­სებ­თან შე­და­რე­ბით უფრო მსუ­ბუქ სიმპტო­მებს ამ­ჟღავ­ნე­ბენ, უკვე და­ფიქ­სირ­და მო­ზარ­დე­ბის გარ­დაც­ვა­ლე­ბის შემ­თხვე­ვე­ბიც: ბოლო დღე­ებ­ში გარ­და­იც­ვალ­ნენ - 12 წლის გო­გო­ნა ბელ­გი­ი­დან, 13 წლის ბიჭი დიდი ბრი­ტა­ნე­თი­დან, 16 წლის გო­გო­ნა საფ­რან­გე­თი­დან, 14 წლის მო­ზარ­დი ემსხვერ­პლა ვირუსს ჩი­ნეთ­ში.

მე­დი­ცი­ნის დოქ­ტო­რი, ექი­მი-პე­დი­ატ­რი თა­მარ ობ­გა­ი­ძე AMBEBI.GE-ს ბავ­შვთა ავა­დო­ბის შე­სა­ხებ მეც­ნი­ერ­თა ვერ­სი­ე­ბის შე­სა­ხებ ესა­უბ­რე­ბა:

- ბავ­შვებ­ში COVID-19-ის შემ­თხვე­ვე­ბის სტა­ტის­ტი­კა მოზ­რდი­ლებ­თან შე­და­რე­ბით გა­ცი­ლე­ბით ნაკ­ლე­ბია. ჩი­ნეთ­ში და­ინ­ფი­ცი­რე­ბუ­ლებს შო­რის და­ახ­ლო­ე­ბით 1% იყო ბავ­შვი, სიკ­ვდი­ლი­ა­ნო­ბა არ ფიქ­სირ­დე­ბო­და. სხვა ქვეყ­ნებ­ში, მა­გა­ლი­თად, იტა­ლი­ა­სა და შე­ერ­თე­ბულ შტა­ტებ­ში მო­ნა­ცე­მე­ბი ბევ­რად მე­ტია, 6% იყო კო­რე­ა­ში.

ვა­რა­უ­დო­ბენ, რომ ჩი­ნუ­რი სტა­ტის­ტი­კა არაა სწო­რი, ან მე­ო­რე ვა­რი­ან­ტია, ბავ­შვებ­ში გავ­რცე­ლე­ბა ხდე­ბა, თუმ­ცა მათი ანა­ტო­მი­უ­რი, ფი­ზი­ო­ლო­გი­უ­რი თუ იმუ­ნუ­რი სის­ტე­მის თა­ვი­სე­ბუ­რე­ბე­ბის გამო, შე­იძ­ლე­ბა, ეს უსიმპტო­მოდ ან ნაკ­ლე­ბი სიმპტო­მა­ტი­კით მიმ­დი­ნა­რე­ობ­დეს. შე­იძ­ლე­ბა, მათ და­ა­ვა­დე­ბა არ უვ­ლინ­დე­ბათ, მაგ­რამ რე­ა­ლუ­რად, გა­დამ­დე­ბე­ბი არი­ან. სიკ­ვდი­ლის შემ­თხვე­ვე­ბი პრაქ­ტი­კუ­ლად არ იყო, თუმ­ცა ევ­რო­პის გა­მოც­დი­ლე­ბა სხვაგ­ვა­რი აღ­მოჩ­ნდა, იქ ასე­თი შემ­თხვე­ვე­ბი უკვე მოხ­და, გან­ვი­თარ­და მძი­მე პნევ­მო­ნი­ე­ბიც.

თუმ­ცა, და­ა­ვა­დე­ბა SARS-ის შემ­თხვე­ვა­შიც ბავ­შვთა ავა­დო­ბა მი­ნი­მა­ლუ­რი იყო, პრაქ­ტი­კუ­ლად, 24 წლამ­დე ასა­კის მოზ­რდი­ლებ­ში სიკ­ვდი­ლი­ა­ნო­ბა არ ფიქ­სირ­დე­ბო­და. ამის მი­ზე­ზი შე­იძ­ლე­ბა იყოს:

პირ­ვე­ლი - ბავ­შვთა ასაკ­ში სხვა კო­რო­ნა­ვირუ­სე­ბით ავა­დო­ბა ხდე­ბა და შე­საძ­ლე­ბე­ლია, მათ ჯვა­რე­დი­ნი იმუ­ნი­ტე­ტი ჰქონ­დეთ, რო­მე­ლიც ამ ინ­ფექ­ცი­ე­ბის­გან იცავს;

მე­ო­რე - ამ და­ა­ვა­დე­ბის მთა­ვა­რი გა­მოვ­ლი­ნე­ბა და გარ­თუ­ლე­ბა პნევ­მო­ნი­აა. ფილ­ტვე­ბის ან­თე­ბა ძი­რი­თა­დად პო­ლუ­ტან­ტე­ბის ზე­გავ­ლე­ნის შემ­დგომ ვი­თარ­დე­ბა, რად­გან სა­სუნ­თქი გზე­ბი შეც­ვლი­ლია, ასე­ვე, მა­გა­ლი­თად, მწე­ველ ადა­მი­ა­ნებ­ში უფრო მე­ტად ვი­თარ­დე­ბა. ბავ­შვთა ასაკ­ში სა­სუნ­თქი სის­ტე­მა ჯან­მრთე­ლია, სა­სუნ­თქი გზე­ბის ქრო­ნი­კუ­ლი და­ა­ვა­დე­ბე­ბიც იშ­ვი­ა­თია და შე­საძ­ლე­ბე­ლია, ერთ-ერთი მი­ზე­ზი, რომ მათ შო­რის პნევ­მო­ნი­ის ბევ­რი შემ­თხვე­ვა არაა აღ­წე­რი­ლი, ამით იყოს გა­მოწ­ვე­უ­ლი.

კი­დევ ერთი ვერ­სია ან­გი­ო­ტენ­ზინ­გარ­დამ­ქმნელ ფერ­მენტს - ACE-2-ს უკავ­შირ­დე­ბა. ვირუსს ასე ვთქვათ, წა­ნა­ზარ­დე­ბი - S-ცი­ლე­ბი აქვს, რო­მე­ლიც წარ­მო­იდ­გი­ნეთ, რომ გა­სა­ღე­ბია. ACE-2 რე­ცეპ­ტო­რი ფაქ­ტობ­რი­ვად, კა­რის ღი­ო­ბია, რო­მე­ლიც ამ გა­სა­ღებ­მა უნდა გა­ა­ღოს. რო­დე­საც ACE-2 ბევ­რია (და მოზ­რდი­ლებს მეტი აქვთ, ვიდ­რე ბავ­შვებს), და­კავ­ში­რე­ბა უფრო მეტ ასეთ რე­ცეპ­ტორ­თან ხდე­ბა, ვიდ­რე - ბავ­შვებ­ში. ასე რომ, ერთ-ერთი ვერ­სი­აა, რომ ბავ­შვთა ასაკ­ში ამ რე­ცეპ­ტო­რის სიმ­ცი­რეა და შე­სა­ბა­მი­სად, მათი ავა­დო­ბა უფრო მცი­რეა.

რაც შე­ე­ხე­ბა ცი­ტო­კი­ნურ შტორმს, ძა­ლი­ან მძლავ­რმა იმუ­ნი­ტეტ­მა შე­საძ­ლოა, სა­კუ­თა­რი ორ­გა­ნიზ­მი და­ა­ზი­ა­ნოს. ამის გამო შე­იძ­ლე­ბა, ძა­ლი­ან მძი­მე შე­დე­გე­ბი და პო­ლი­ორ­გა­ნუ­ლი უკ­მა­რი­სო­ბა დად­გეს, რა­საც სიკ­ვდი­ლი მოჰ­ყვე­ბა. ის მძლავ­რი იმუ­ნი­ტე­ტის მქო­ნე ადა­მი­ა­ნებ­თან, ოღონდ - მოზ­რდი­ლებ­თან ვი­თარ­დე­ბა. ბავ­შვებ­ში ცი­ტო­კი­ნუ­რი შტორ­მი ფაქ­ტობ­რი­ვად არ ხდე­ბა, ესე­ცაა ვერ­სია, რის გა­მოც მათ მძი­მე მიმ­დი­ნა­რე­ო­ბა არ აღე­ნიშ­ნე­ბათ“, - აღ­ნიშ­ნავს ობ­გა­ი­ძე.

პე­დი­ატ­რი გა­ნი­ხი­ლავს ბავ­შვებ­ში ვირუ­სის მიმ­დი­ნა­რე­ო­ბის სიმ­სუ­ბუ­ქის სხვა შე­საძ­ლო მი­ზე­ზებ­საც, რაც დე­დის რძით კვე­ბას და ბცჟ ვაქ­ცი­ნა­ცი­ას უკავ­შირ­დე­ბა.

ქა­ლის რძე არა მარ­ტო საკ­ვე­ბია, არა­მედ, მას­შია ან­ტის­ხე­უ­ლე­ბი და შე­საძ­ლე­ბე­ლია, იმუ­ნი­ტე­ტი, რო­მე­ლიც ან­ტის­ხე­უ­ლე­ბის სა­ხით დე­დის რძი­დან ბავ­შვზე გა­და­დის, გა­ნა­პი­რო­ბებ­დეს მათ­თან და­ა­ვა­დე­ბის მსუ­ბუ­ქად და ხან­და­ხან, უსიმპტო­მოდ მიმ­დი­ნა­რე­ო­ბას

ბცჟ-ს ვაქ­ცი­ნა­ცი­ას რაც შე­ე­ხე­ბა, არის მო­საზ­რე­ბა, ხომ არ აქვს მას დამ­ცვე­ლო­ბი­თი უნა­რი, რად­გან მის შემ­დეგ ზო­გა­დად, იმუ­ნი­ტე­ტის გაძ­ლი­ე­რე­ბა ხდე­ბა. თაგ­ვებ­ზე ექ­სპე­რი­მენ­ტუ­ლი კვლე­ვე­ბის შე­დე­გად აღ­მოჩ­ნდა, რომ ვაქ­ცი­ნი­რე­ბულ თაგ­ვებს ინ­ტერ­ფე­რო­ნი­სა და სხვა დამ­ცვე­ლო­ბი­თი ფაქ­ტო­რე­ბის მა­ღა­ლი დონე ჰქონ­დათ, ანუ შე­იძ­ლე­ბა, დაც­ვა არა მარ­ტო ტუ­ბერ­კუ­ლო­ზის­გან ხდე­ბო­დეს, არა­მედ, სხვა ვირუ­სე­ბი­სა და ბაქ­ტე­რი­ე­ბის­გა­ნაც.

ადა­მი­ა­ნებ­ზე ჩა­ტა­რე­ბუ­ლი კვლე­ვე­ბით, ბცჟ-ს ვაქ­ცი­ნა­ცი­ის შემ­დეგ, ვირუ­სუ­ლი და ბაქ­ტე­რი­უ­ლი (მათ შო­რის, რეს­პი­რა­ტო­რუ­ლი) ინ­ფექ­ცი­ე­ბით და სეფ­სი­სით ავა­დო­ბა მცირ­დე­ბო­და

იმუ­ნო­თე­რა­პი­ის სა­ხით ბცჟ-ს ვაქ­ცი­ნა­ცია ზო­გი­ერ­თი სიმ­სივ­ნუ­რი და­ა­ვა­დე­ბის დრო­საც გა­მო­ი­ყე­ნე­ბა

ახ­ლა­ხანს ამე­რი­კე­ლი მეც­ნი­ე­რე­ბის, მი­ლე­რი­სა და თა­ნა­ავ­ტო­რე­ბის კვლე­ვა გა­მოქ­ვეყ­ნდა - მათ ქვეყ­ნე­ბი, სა­დაც ახა­ლი კო­რო­ნა­ვირუ­სი გავ­რცელ­და, სამ ჯგუ­ფად დაჰ­ყვეს: და­ბა­ლი, სა­შუ­ა­ლო და მა­ღა­ლი ეკო­ნო­მი­კუ­რი შე­მო­სავ­ლის სა­ხელ­მწი­ფო­ე­ბი. და­ბა­ლი შე­მო­სავ­ლის ქვეყ­ნებ­ში ბცჟ ყველ­გან ტარ­დე­ბო­და და მათ­თან COVID-19-ით ავა­დო­ბა იშ­ვი­ა­თი იყო.

თუმ­ცა, ავ­ტო­რებ­მა და­უშ­ვეს, რომ შე­იძ­ლე­ბა, ამ ქვეყ­ნე­ბი­დან სტა­ტის­ტი­კა არა­ზუს­ტია, ამი­ტომ, სა­შუ­ა­ლო და მა­ღა­ლი შე­მო­სავ­ლის ქვეყ­ნე­ბის მო­ნა­ცე­მე­ბი შე­ა­და­რეს. ეს ვაქ­ცი­ნა­ცია, რო­მე­ლიც ყვე­ლა ჯან­მრთელ ახალ­შო­ბილს 0-დან 5 დღემ­დე ასაკ­ში უტარ­დე­ბა, რუ­ტი­ნუ­ლად არ ტარ­დე­ბა აშშ-ში, იტა­ლი­ა­ში, გერ­მა­ნი­ა­ში, საფ­რან­გეთ­სა და ეს­პა­ნეთ­ში და ტარ­დე­ბა ისეთ ქვეყ­ნებ­ში, რო­გო­რი­ცაა: პოსტსაბ­ჭო­თა ქვეყ­ნე­ბი, უნ­გრე­თი, ირ­ლან­დია, მო­ნა­კო, მონ­ტე­ნეგ­რო, პო­ლო­ნე­თი, პორ­ტუ­გა­ლია, სერ­ბე­თი, სლო­ვე­ნია და მა­კე­დო­ნია.

სტა­ტის­ტი­კამ აჩ­ვე­ნა, რომ სა­დაც ბცჟ ტარ­დე­ბა, იქ ავა­დო­ბა და სიკ­ვდი­ლი­ა­ნო­ბა საგ­რძნობ­ლად და­ბა­ლია იმ ქვეყ­ნებ­თან შე­და­რე­ბით, სა­დაც არ ტარ­დე­ბა“, - აღ­ნიშ­ნავს ობ­გა­ი­ძე AMBEBI.GE-სთან.

მისი თქმით­ვე, ეს მხო­ლოდ ვერ­სი­ე­ბია, რად­გან ვირუ­სის არ­სე­ბო­ბა სულ 3 თვეს ით­ვლის და მისი ქცე­ვა ბო­ლომ­დე არ არის შეს­წავ­ლი­ლი.