მნიშვნელოვანი ინფორმაცია
1
აპრილიდღის ზოგადი ასტროლოგიური პროგნოზი
სამშაბათი, მთვარის მეოთხე დღე დაიწყება 07:33-ზე, მთვარე კუროშია
კარგი დღეა ახალი საქმეების დასაწყებად. აგრეთვე დაკარგული ნივთების, ადამიანების მოსაძებნად. გააფართოეთ ბიზნესი, დაარეგულირეთ ურთიერთობა ბიზნესპარტნიორებთან. მოაგვარეთ ფინანსური საკითხები. არასასურველია უძრავი ქონებით ვაჭრობა. მოერიდეთ კამათს, საქმეების გარჩევას. კარგი დღეა სწავლისთვის, სამეცნიერო სამუშაოსთვის, გამოცდის ჩაბარება სხვა დღისთვის გადადეთ. ცუდი დღეა მოგზაურობის დასაწყებად, შორ მანძილზე მგზავრობისთვის. შეძლებისდაგვარად მოუარეთ ყვავილებს, დარგეთ ხეები, გაისეირნეთ ბუნებაში. მოერიდეთ ალკოჰოლს, სიგარეტს, კუჭის გადატვირთვას; ოპერაციების ჩატარებას კისერსა და ყელზე. რაციონიდან გამორიცხეთ პროდუქტები, რომლებიც სახამებელსა და ნახშირწყლებს შეიცავს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ერთი ქვეყნისთვის რომ დავუშვათ გამონაკლისი, სხვებიც მოითხოვენო" - ესპანეთმა კორონავირუსით გარდაცვლილი ცირა ალიხანაშვილის გადმოსვენებაზე უარი თქვა
13:19 / 24-03-2020
ესპანეთში კორონავირუსით გარდაცვლილი ცირა ალიხანაშვილის საქართველოში გადმოსვენება ვერ მოხერხდა. გარდაცვლილს მადრიდში, სპეციალურ აკლდამაში დაკრძალავენ. ახალგაზრდა ქალის მული, ხათო ნაჭყებია AMBEBI.GE-თან საუბარში ამბობს, რომ ესპანეთში მოქმედი რეგულაციით, დაკრძალვას გარდაცვლილის ოჯახის წევრები ვერ დაესწრებიან.
"ვცდილობ, მომხდარზე არ ვიფიქრო, მაგრამ მაინც სულ ამაზე მეფიქრება. არ დაგვთანხმდნენ, რადგან ერთი ქვეყნისთვის რომ დავუშვათ გამონაკლისი, სხვებიც მოითხოვენო. თვითონ ესპანეთის ხელისუფლება არის უარზე. მეუფემ დაურეკა ჩემს ძმას და დაარწმუნა, რომ სანამ პანდემია გადაივლის, იქ დაკრძალონ და შემდეგ საპატრიარქო დაეხმარება. სამტრედიაში ოჯახში იყო მისული მეუფე და იქედან დარეკა. გუშინ მოაწერა ხელი ჩემმა ძმამ, რომ მადრიდში აკლდამაში დაკრძალონ. შემდეგ ნომერს მისცემენ და რომ გავა გარკვეული დრო, ჩამოასვენებენ. მიწაში არ კრძალავენ, აკლდამაში დაასვენებენ. ესპანეთის ხელისუფლების თქმით, 5-6 წელში გვექნება გადმოსვენების შესაძლებლობა, მაგრამ მეუფე შეგვპირდა, პანდემია რომ გადაივლის, დაგვეხმარება... რა საშინელებაა. ვერავინ დავესწრებით, არ შეიძლება არავის დასწრება საერთოდო. თვითონ წაიღებენ და დაასვენებენ აკლდამაში", - ამბობს გარდაცვლილის მული.
- "5 შვილი დარჩა, უკიდურეს გაჭირვებაში ცხოვრობდნენ" - ვინ იყო ესპანეთში კორონავირუსით გარდაცვლილი 34 წლის ქალი
- "გევედრებით ყველას... ჩვენი მიცვალებული სამშობლოში ჩამოვასვენოთ" - რას ყვება ესპანეთში კორონავირუსით გარდაცვლილი ახალგაზრდა ქალის მული
34 წლის ცირა ალიხანაშვილი კორონავირუსით ესპანეთში რამდენიმე დღის წინ გარდაიცვალა. დაავადებათა კონტროლისა და საზოგადოებრივი ჯანდაცვის ეროვნული ცენტრის დირექტორის მოადგილის, პაატა იმნაძის ინფორმაციით, ახალგაზრდა ქალს ონკოლოგიური დაავადებაც ჰქონდა. ალიხანაშვილს საქართველოში მელანომა დაუდგინეს, რის გამოც საქველმოქმედო ფონდ "დედების ფონდმა" ის სამკურნალოდ ესპანეთში გაუშვა.
"გარდაცვლილს 5 შვილი დარჩა, სოციალურად დაუცველები არიან, სამტრედიაში უკიდურეს გაჭირვებაში ცხოვრობდნენ... ბავშვებს ახლა მამა და მამიდა მიხედავენ" - უყვება AMBEBI.GE-ს ფონდის თანამშრომელი ლიკუნა წიქარიშვილი, რომელსაც უშუალო შეხება ჰქონდა გარდაცვლილი ქალის ოჯახთან.
მკითხველის კომენტარები /
18 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
დედების ფონდმა თუ ხალხმა გაუშვა? მამიდა ესპანეთში ცხოვრობს და როგორ მოხედავს?
კიდევ ერთხელ: ვერ გაიხარებს ქართველი უცხოეთში. რას მიდიხართ, რომ მიდიხართ? მაინცდამაინც იქ უნდა მოკვდე ისე რომ დამმარხავი არ უნდა გყავდეს და აქ ფერფლი უნდა წამოიღონ? ხომ ხედავთ კაი ცხოვრება იქ შეიძლება ნებისმიერ მომენტში დამთავრდეს