"ვიდექით ტაძრის ეზოში მონიშნულ ადგილებზე... ხატებზე და ჯვარზე მთხვევა არ მომხდარა" - რას წერს თბილისის ერთ-ერთი ეკლესიის მრევლი
საქართველოში კორონავირუსის გავრცელების თავიდან ასაცილებლად ხელისუფლებამ საგანგებო მდგომარეობა გამოაცხადა, რომლის მიხედვითაც 10 ადამიანზე მეტის შეკრება შეზღუდულია. მიუხედავად ამისა, დღეს ტაძრებში წირვა აღევლინა, თუმცა ზოგიერთ ეკლესიაში მრევლი ლოცვას ეზოში ისმენდა და სპეციალურ ნიშნულების საშუალებით დისტანციას იცავდა.
აღნიშნულის შესახებ წერს სოციალურ ქსელის ერთ-ერთი მომხმარებელი, რომელიც თავადაც დაესრო წირვას:
"დღეს ჯვართამაღლების ტაძარში წირვა აღევლინა: ყველანი ტაძრის ეზოში ვიდექით სპეციალურად მონიშნულ ადგილებზე (მსოფლიო ჯანდაცვის ორგანიზაციის რეკომენდაციით გავთლისწინებული დისტანციის დაცვით), რომლებთან მისვლას, დგომასა და გადაადგილებასაც არეგულირებდნენ ტაძრის მსახურები - სტიქაროსნები. ტაძარში შესვლა აკრძალული იყო, წირვის პერიოდში. ტაძარში შესვლა ხდებოდა მხოლოდ ზიარების დროს, ეტაპობრივად ხალხის რეკომენდირებული რაოდენობის გათვალისწინებით . დაგვირიგეს მხოლოდ სეფისკვერები, ხატებზე და ჯვარზე მთხვევა არ მომხდარა. ყველაფერი იყო ძალიან მაღალ დონეზე ორგანიზებული.
პ.ს ბოლო დროს, ძალიან ბევრი ჩემთვის გულსატკენი პოსტები მხვდება ჩემი მეგობრების და შეგნებულად თავი შევიკავე მეპასუხა მათთვის და მინდა ყველას ერთად მოგმართოთ, ვინც აპროტესტებთ ტაძრებში წირვა-ლოცვის აღსრულებას და ჩვენს ზიარებას. იყავით კორექტულები და ნუ გვაქილიკებთ და განგვიკითხავთ! მე პირადად პატივს ვცემ ყველა ადამიანის აზრს და არჩევანს და თქვენც კეთილი ინებეთ და პატივი ეცით იმ მორწმუნე ადამიანების არჩევანს ვისთვისაც ზიარებაზე უარის თქმა წარმოუდგენელია! ჩვენც გვყავს ოჯახის წევრები და მათი ჯანმრთელობა ჩვენთვისაც უძვირფასესია!!! დისკუსიაში არ შევდივარ ზიარებასთან და წირვის აღსრულების ჩატარება არჩატარების საკითხზე, რადგან რამოდენიმეჯერ, პირადი გამოცდილებით დავრწმუნდი, რომ აზრი არ აქვს", - ვკითხულობთ "ფეისბუქ პოსტში"
საქართველოში კორონავირუსით ინფიცირების შემთხვევები 103-მდე გაიზარდა
მეტროს და ავტობუსების მოძრაობა მთელი ქვეყნის მასშტაბით 31 მარტს, დილის 08:00 საათიდან გაჩერდება
