"ნიკორა სუპერმარკეტის " აღმასრულებელი დირექტორი მიმართავს კომპანიებს, რომლებმაც კორონავირუსის გამო მუშაობა შეაჩერეს

სს "ნიკორა სუპერმარკეტის " აღმასრულებელი დირექტორი დავით ურუშაძე მიმართვას ავრცელებს და კომპანიებს, რომლებმაც კორონავირუსის გამო სამუშაო პროცესი შეაჩერეს, დახმარებას სთავაზობს"

"როგორც ვიცით ქვეყანაში, COVID 19-ის გავრცელების საფრთხის თავიდან ასაცილებლად, სხვადასხვა ბიზნესმა დროებით შეაჩერა სამუშაო პროცესი, შესაბამისად ბევრი ჩვენი მოქალაქე დროებით ანაზღაურების გარეშე დარჩა.

"ნიკორა სუპერმარკეტი", როგორც ამ სიტუაციაში ერთ-ერთი სტრატეგიული ობიექტი, ვაცნობიერებთ ჩვენს პასუხისმგებლობას და მზად ვართ ვითანამშრომლოთ ამ ჯგუფის კომპანიებთან და მათი თანამშრომლები შეძლებისდაგვარად, სიტუაციის დასტაბილურებამდე უზრუნველვყოთ დროებითი სამუშაო ადგილებით.

დღეს მხოლოდ თანადგომით შევძლებთ გავუმკლავდეთ ამ რთულ გამოწვევას!" - ნათქვამია ურუშაძის მიმართვაში.

R