მნიშვნელოვანი ინფორმაცია
12
მაისიდღის ზოგადი ასტროლოგიური პროგნოზი
სამშაბათი, მთვარის მეჩვიდმეტე დღე დაიწყება 23:15-ზე, მთვარე მშვილდოსანს ესტუმრება 12:33-ზე
კარგი დღეა ფინანსური საკითხების მოსაგვარებლად, ახალი საქმეების დასაწყებად.
ვაჭრობა, უძრავ ქონებასთან დაკავშირებული საკითხების მოგვარება. შეხვედრების, ურთიერთობისა და მხიარულების დღეა. მოერიდეთ საქმეების გარჩევას. უფროსთან კონტაქტი კარგს არაფერს მოგიტანთ. კარგი დღეა მოგზაურობის დასაწყებად, საქმიანობის, სამსახურის შესაცვლელად. კარგი დღეა ქორწინებისთვის, ნიშნობისთვის. გაუფრთხილდით ღვიძლს. მოერიდეთ ღვიძლისა და ნაღვლის ბუშტის ოპერაციას. არ გადაუსხათ სხვას სისხლი და პირიქით.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"გვეუბნებიან, როგორ იმარაგებენ ქართულ მხარეს სურსათს... ჩვენ რა მოვიმარაგოთ, როცა არაფერია?!" - ახალგორი კორონავირუსის საფრთხის წინაშე
09:32 / 17-03-2020
ახალი კორონავირუსის გავრცელების რისკის გამო, ცხინვალის რეგიონი ქართული მხარისთვის სრულიად ჩაკეტილია.
რამდენიმე დღის წინ, ოკუპირებული ცხინვალის დე ფაქტო საგარეო საქმეთა მინისტრმა რუსულ მედიასთან საუბარში აღნიშნა:
"ცხინვალი არ დაუშვებს კორონავირუსის გამო სამხრეთ ოსეთის გავლით ქართველების რუსეთში გადინებას. საზღვარი საიმედოდ არის ჩაკეტილი, იმ შემთხვევისთვის თუ საქართველოში პანიკა დაიწყება და მოქალაქეების ტალღა ამ ქვეყნიდან უფრო მეტად დაცული ქვეყნებისკენ დაიძრება. ვერ დავუშვებთ, რომ ისინი ჩვენი ქვეყნის ტერიტორიის გავლით ჩრდილოეთისკენ გაემართონ..." - განაცხადა დიმიტრი მედოევმა, რასაც ოსებშიც კი, ირონიული შეფასებები მოჰყვა.
ახალგორელი სამოქალაქო აქივისტი თამარ მეარაყაშვილი ამბობს, რომ რამდენიმე დღის წინ, სამხრეთ ოსეთის დე ფაქტო ხელისუფლებამ, თბილისიდან დაბრუნებული ახალგორელი ქალი, თითქოს უსაფრთხოების მიზნით, დაბის სამშობიარო სახლში გახსნილ საკარანტინო ზონაში გადაიყვანა. არადა, მასთან ერთად თბილისიდან კიდევ რამდენიმე ადამიანი დაბრუნდა, რომელთაც დიდი ალბათობით კონტაქტი სხვებთაც ექნებოდათ და ბიბილოვის "ხელმძღვანელობის" ლოგიკით, კარანტინი მათაც ეკუთვნით.
ოსური მედიის ცნობით, ე.წ. სამხრეთ ოსეთში ვირუსის პრევენციის მიზნით, 17 მოქალაქეს აკვირდებიან. მათგან 11 ადამიანი ახალგორის რაიონში ცხოვრობს, ხოლო დანარჩენი 6 - ცხინვალში... ბოლო დღეებში, ბიბილოვის "მთავრობამ" სოფელ პერევში არსებული ე.წ. გამშვები პუნქტი ჩაკეტა, ეს იყო გზა, რომელსაც გამოუვალი სიტუაციების შემთხვევაში, ახალგორელები მედიკამენტებისა და სურსათის შესატანად იყენებდნენ.
ადგილობრივი მოსახლეობით თქმით, ე.წ. საზღვრების ჩაკეტვას უკვე მოჰყვა პრობლემები და თუ ასე გაგრძელდა, რეგიონში ჰუმანიტარულ კრიზისი გარდაუვალია. ისედაც დაცლილი ახალგორი, ახლა კიდევ უფრო მეტად დაემსგავსა "მოჩვენებების ქალაქს"...
"ქალი, რომელიც ახალგორის სამშობიაროს კარანტინშია, თბილისში ოჯახის წევრის გასვენებაში იყო. ჩაკეტილი გზის მიუხედავად, გამონაკლისი დაუშვეს და ის ქართულ მხარეს იმ პირობით გაუშვეს, რომ დაბრუნების შემდეგ, ორი კვირა კარანტინში დარჩებოდა და უკვე რამდენიმე დღეა, კარანტინში იმყოფება. ოღონდ მისთვის არც სიცხე გაუზომავთ, არც ანალიზი გაუკეთებიათ, ან სად უნდა გაეკეთებინათ, ჩვენთან შესაბამისი სპეციალისტები და ლაბორატორია არ არსებობს..." - ამბობს ახალგორელი აქტივისტი თამარ მეარაყიშვილი.
"რის საფუძველზე აცხადებს ჩვენი ხელისუფლება, რომ ცხინვალს საქართველოს დახმარება არ სჭირდება?! რუსეთში შეფარული პანიკაა, ჩვენთან კი სურსათი უკვე შემცირდა. რა რესურსი გვაქვს, რომ ვითარება კრიზისული არ გახდეს, თავის მოტყუება? რუსეთში უკვე ვირუსის 50-ზე მეტი შემთხვევაა, სინამდვილეში, ალბათ მეტია, მაგრამ პანიკის შიშით არ ახმაურებენ... ხომ არ ჯობდა რუსეთთან ჩაგვეკეტა საზღვარი, რადგან ჩვენი მოქალაქეები რუსეთში მუდმივად დადიან სავაჭროდ და სხვადასხვა საქმისთვის?!" - წერს ინტერნეტმომხმარებელი ჯიოევი.
"ცხინვალიდან, ალბათ პანიკისა და იმ პროპაგანდის გამო, რომ ქართულ მხარეს კორონავირუსი მძვინარებს და ძალიან საშიშია, უკვე იმ მეწარმეებმა შეიკავეს თავი სურსათის შემოტანისგან, ვინც გასული თვეების განმავლობაში, იმ რამდენიმეთვიანი იზოლაციის დროს მოდიოდა. მაშინ, შედარებით მაღალ ფასში, მაგრამ ნისიად ვიღებდით პროდუქტს და შემდეგ გავისტუმრეთ, ახლა ისინიც შეჩერდნენ... სურსათის გარდა, უკვე გაჩნდა მედიკამენტების დეფიციტიც... იმედია, ის პერიოდი არ მოგვენატრება, როდესაც ძვირად ნაყიდ სურსათსა და წამლებს ერთმანეთს ვუყოფდით..." - ამბობს AMBEBI.GE-სთან საუბარში ახალგორის მკვიდრი.
“რომ წარმოვიდგენთ, რა შეიძლება მოხდეს თუ ამ ვირუსის ერთი შემთხვევა მაინც დაფიქსირდება, სასოწარკვეთაში ვვარდებით... ახლობლები გვეუბნებიან, თუ როგორ იმარაგებდნენ ქართულ მხარეს მცხოვრებლები სურსათს, ჩვენ რა მოვიმარაგოთ, როცა არაფერია?! გზის გახსნის შემდეგ, ბევრი არ დაბრუნდა, ვინც დაბრუნდა, ისიც ნანობს - იქ ექიმი და წამალი მაინც არის, ჩვენ აქ რა ვქნათ?!" - ამბობს კიდევ ერთი ადგილობრივი.
შერიგებისა და თანასწორობის საკითხებში სახელმწიფო მინისტრის ქეთევან ციხელაშვილის თქმით, სახელმწიფო არ აპირებს, თავისი მოსახლეობის მიტოვებას აფხაზეთსა და ცხინვალის რეგიონებში მსოფლიო პანდემიასთან გამკლავებისას.
"ძალიან ინტენსიურ რეჟიმში ვმუშაობთ ეს დღეებია, ყველა საკომუნიკაციო არხის გამოყენებით, ასევე ჩვენ პარტნიორებთან თანამშრომლობით, რათა გავატაროთ უფრო კონკრეტულად აფხაზეთის მიმართულებით გარკვეული საპრევენციო ღონისძიებები, ასევე ორივე რეგიონში მოსახლეობა იყოს მეტად ინფორმირებული, თუ რა ზომებს უნდა მიმართონ, რომ თავი დაიცვან.
ასევე ხაზგასმით აღვნიშნავთ, რომ საჭიროების შემთხვევაში მზად ვართ დავეხმაროთ მოსახლეობას დიაგნოსტიკის და მათთვის კრიტიკულად მნიშვნელოვანი სამკურნალო სერვისებით
ჩაკეტილობა და ზოგადად წვდომის არქონა, განსაკუთრებით ცხინვალის რეგიონში, რომელიც პანდემიამდეც დიდი ხნით ადრე, თვეების განმავლობაში მიზანმიმართულად იზოლირებული გახლდათ, დღეს, როდესაც ასეთი პრობლემები დგას მსოფლიოს მოსახლეობის წინაშე, მაგალითად იგივე ცხინვალის აფთიაქებში ქართული წარწერებიანი მედიკამენტების ამოღება ხდება, ალბათ მხოლოდ დღეს შევიკავებ თავს კიდევ დამატებით შეფასებისგან, არაერთხელ გამიკეთებია ეს შეფასება და მოსახლეობისთვისაც ნათელია...
ახლა არის მობილიზაციის დრო და მოვუწოდებ მათაც, ყველას, განსაკუთრებით ჩვენს საზოგადოებას ოკუპირებულ ტერიტორიებზე, ჩვენი მოსახლეობის მიტოვებას აფხაზეთსა და ცხინვალის რეგიონებში არ ვაპირებთ" - განაცხადა ციხელაშვილმა AMBEBI.GE-სთან საუბრისას..
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
აპლიკაცია გველების შესახებ - რა უნდა ვიცოდეთ
კვირის კითხვადი სტატიები
მნიშვნელოვანი ინფორმაცია
მკითხველის რჩევით
