მნიშვნელოვანი ინფორმაცია
10
მაისიდღის ზოგადი ასტროლოგიური პროგნოზი
შაბათი, მთვარის მეთოთხმეტე დღე დაიწყება 19:15-ზე, მთვარე მორიელში იქნება 23:58-დან
დაგეგმეთ მნიშვნელოვანი საქმეები, შეხვედრები. მოაგვარეთ ფინანსური დოკუმენტები, საკითხები. კარგია ახალი საქმეების დაწყება. უძრავ ქონებასთან დაკავშირებული საკითხების მოგვარება. ცუდი დღეა სასამართლო საქმეებისთვისა და განქორწინებისთვის. მოერიდეთ კონფლიქტს. უფრო მეტი, გაამყარეთ ურთიერთობა ნათესავებთან. კარგი დღეა უფროსთან საქმეების განსახილველად, სამსახურის, საქმიანობის შესაცვლელად. ამ დღეს დაწყებული მოგზაურობა ან მივლინება საინტერესოდ ჩაივლის. არასასურველია ქორწინება და ნიშნობა. არ გადატვირთოთ კუჭი. შეამცირეთ ალკოჰოლის დოზა და სიგარეტის რაოდენობა. დაუშვებელია ქირურგიული ოპერაციის ჩატარება სასქესო ორგანოებზე, მსხვილ ნაწლავზე, შარდის ბუშტზე. მოიმატებს სტრესული და სარისკო ქმედებების რაოდენობა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ლამის საკუთარი შვილების თვალწინ მომახრჩო..." - ქალი, რომელმაც მოძალადე ქმარი დაჭრა, სასამართლომ უდანაშაულოდ ცნო
12:26 / 13-03-2020
ქალი, რომელმაც მოძალადე ქმარი დაჭრა, სასამართლომ უდანაშაულოდ ცნო. ნანა გოგალაძეს მოსამართლემ ქმედება აუცილებელ მოგერიებად ჩაუთვალა, რის გამოც სასჯელისგან გაათავისუფლა.
აუცილებელი მოგერიების ტიპის საქმეები იშვიათია ქართული მართლმსაჯულების ისტორიაში, ეს საქმე კი პრეცედენტულია. "საფარის" ადვოკატი ელისო რუხაძე, რომელიც ქალის უფლებებს იცავდა, AMBEBI.GE-სთან ამბობს, რომ აქამდე არსებული პრაქტიკით, ძალადობის მსხვერპლ ქალებს, რომლებიც თავს აუცილებელი მოგერიების ფარგლებში იცავდნენ, განზრახ ჩადენილი დანაშაულისთვის სჯიდნენ.
"ეს არის განსაკუთრებული საქმე თავისი არსით, რადგან სასამართლომ ქალი, რომელზეც საქმე ჯანმრთელობის განზრახ დაზიანების მუხლით იყო აღძრული, სასამართლომ კი არ დასაჯა, არამედ უდანაშაულოდ ცნო. პრაქტიკის დამკვიდრების თვალსაზრისით არის უმნიშვნელოვანესი. ადრეც მქონდა ასეთი საქმე და სასამართლომ განზრახულ დანაშაულად ჩაუთვალა და პატიმრობა შეუფარდა" - ამბობს უფლებადამცველი.
შემთხვევა ორი წლის წინ მოხდა. ნანა გოგალაძე ყვება, რომ ოჯახში სისტემატიური ძალადობის მსხვერპლი იყო - ქმარი ეჭვიანობის ნიადაგზე ხშირად ფიზიკურად უსწორდებოდა. ახალი წლის ღამეს მამაკაცი თავს დაესხა და მისი დახრჩობა სცადა. ქალმა 112-ში დარეკა, რომ შეეტყობინებინა მასზე ძალადობის შესახებ და დახმარება ითხოვა. საპატრულო პოლიცია შემთხვევის ადგილზე 45 წუთით დაგვიანებით მივიდა, რის გამოც ნანა გოგალაძე იძულებული გახდა ცივი იარაღით თავი დაეცვა და ქმარი დაჭრა.
გოგალაძის მიმართ საქმე სსკ-ის 117-ე მუხლით აღიძრა, რაც ჯანმრთელობის განზრახ დაზიანებას გულისხმობს და 6 წლით თავისუფლების აღკვეთას ითვალისწინებს.
"ავადმყოფურად ეჭვიანი იყო. ეჭვიანობის ნიადაგზე, დამიბლოკა ყველა კონტაქტი ტელეფონში, სოციალური ქსელებიდან ამომიშალა ბავშვობის მეგობრები, ჩემს პირველ მეუღლეზე, ბავშვების მამაზეც საშინლად ეჭვიანობდა. ამის გამო, სკანდალები გვქონდა. ფსიქოლოგიურად დამამუშავა მასთან ურთიერთობის მანძილზე, მართლა დავიწყე იმის დაჯერება, რომ მის გარეშე ცხოვრებაში სულ დავიკარგებოდი...
ახალი წლის დილას, ბავშვები მამას ტელეფონით ესაუბრებოდნენ. საუბრის წუთების დათვლა დაიწყო, ამდენი ხანი რატომ ელაპარაკებოდით ამ კაცსო. მე ვუპასუხე, ამ ადამიანთან ურთიერთობა რომ მდომოდა, შენთან, ორი ბავშვით თბილისში არ წამოვიდოდი-მეთქი.
მოკლედ, იმ ღამეს საშინელი აგრესია ჰქონდა, ვეღარ გააკონტროლა, ფიზიკურად დამიპირისპირდა იმ დონემდე, რომ ლამის საკუთარი ბავშვების წინაშე მომახრჩო...
დედაჩემი მძარცველების ხელით მოკვდა დახრჩობით... წარმოიდგინეთ, რა საშინელი შეგრძნებაა, როდესაც ადამიანი, რომელსაც ცხოვრება დაუკავშირე, სიცოცხლეს მოხრჩობით გასრულებინებს. იმ წამს, დედას ამბავმაც გამიელვა თვალწინ, ისიც კი ვიფიქრე, რა ენით აუწერელი საშინელება ელოდათ ამ ამბის შემსწრე ჩემს შვილებს - ეს ყველაფერი ხომ თავად მაქვს გამოვლილი…როდესაც ამ ყველაფერმა წამიერად თვალწინ გამირბინა, მივხვდი, თავდასაცავად უკანასკნელი ძალები უნდა მომეკრიბა - სხვა გზა უბრალოდ არ მქონდა.
ასეც მოხდა, მოგერიების მიზნით, ეს ადამიანი სამზარეულოს დანით დავჭერი. მდგომარეობა იმანაც დაამძიმა, რომ მანამდე გამოძახებული პატრული 45 წუთის დაგვიანებით მოვიდა. პოლიცია დროულად რომ მოსულიყო, ეს ინციდენტიც არ მოხდებოდა და თავს მოსაკლავადაც ვეღარ დამესხმებოდა.
საბოლოოდ, ისე მოხდა, რომ დამიბარეს და მე წამიყენეს ბრალი. სრულ გაუგებრობაში აღმოვჩნდი, უამრავ ქაღალდზე მომაწერინეს ხელი, მაგრამ ხელზე არანაირი დოკუმენტი არ გადმოუციათ. საქმეს მთლიანადაც კი არ ვიცნობდი. თურმე, ის მუხლი მქონდა წაყენებული, რომლის მიხედვითაც, ამ კაცის მოკვლა განზრახ მინდოდა, მაშინ, როცა აუცილებელი თავდაცვის მუხლი საერთოდ გამოირიცხა. ეს იყო საშინელი უსამართლობა!
ასე ყოფილა ჩვენს სისტემაში - თუ დაინახეს, რომ ადამიანს კერძო ადვოკატის აყვანის შესაძლებლობა არ აქვს, ან ნაკლებად იცის ქართული, თვალს არ დახუჭავენ, ისე აჩეჩებენ სრულიად არაადეკვატურ ბრალს. მხოლოდ იმაზე დარდობენ, თავიანთი საქმე წასწიონ წინ და "პაგონები" მოიმატონ…
პროკურორი ჩემ მიმართ აგრესიულად იყო განწყობილი და უხეშად მიღრენდა, ხომ გითხარი, მე რასაც გეტყვი, უნდა დამიჯერო, 5000-იან გირაოზე უნდა დათანხმებულიყავიო. მარწმუნებდა, დათანხმდი ამ გირაოზე და არანაირი პრობლემები არ შეგექმნებაო. მე ვუპასუხე, ნეტავ იცოდეთ, სად ვცხოვრობ, 5000 კი არა, 200 ლარის გადახდის საშუალებაც კი არ მაქვს-მეთქი. ეს რომ ავუხსენი პროკურორს, მუქარაზე და დედის გინებაზე გადავიდა, მე შენ გიჩვენებ სეირსო. წარმოგიდგენიათ? ადამიანი მტრად გადამეკიდა იმის გამო, რომ 5000-იანი გირაოს გადახდაზე უარი ვთქვი…“ - უყვება AMBEBI.GE-ს ნანა გოგალაძე.
როგორც ძალადობის მსხვერპლი ქალი ამბობს, ამ შემთხვევის შემდეგ მის ყოფილ მეუღლეს პატრულმა შემაკავებელი ორდერი გამოუწერა, რის შემდეგაც მის სიახლოვეს არ გამოჩენილა.
საქმის განხილვა სასამართლოში დააახლოებით ორი წელი მიმდინარეობდა. საქმეში "საფარი" მოგვიანებით ჩაერთო.
"აღმოვაჩინეთ ბევრი პროცესუალური დარღვევა, ამასთან, არ მიმდინარეობდა ქალის მიმართ სისტემატური ძალადობის ფაქტების გამოძიება. უგულებელყოფილი იყო ის დაზიანებები, რომელიც მოძალადემ ქალს მიაყენა. ჩვენი განცხადებების საფუძველზე, დაიწყო გამოძიება მოძალადე ქმრის წინააღმდეგ და მას წარედგინა ბრალი.
ჩვენ გამოვკვეთეთ აუცილებელი მოგერიების ფარგლების მართლზომიერების პირობები, რაც გაითვალისწინა მოსამართლემ. გამოიკითხა არაერთი მოწმე, ჩატარდა რიგი საგამოძიებო მოქმედებები. შედეგად, თბილისის საქალაქო სასამართლოს მოსამართლე ბადრი კოჭლამაზაშვილმა, დააკვალიფიცირა რა აღნიშნული ქმედება, როგორც აუცილებელი მოგერიება, ნანა გოგალაძის მიმართ გამამართლებელი განაჩენი გამოიტანა“ - ამბობს საქმის ადვოკატი ელისო რუხაძე.
მკითხველის კომენტარები /
14 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
სწორი გადაწყვეტილება მიუღია მოსამართლეს. სხვათა შორის გუდაურში ის კაციც თავს იცავდა მაგრამ კი დააპატიმრეს მაინც.
ნუ ახლა სხვისი ცხოვრება- სხვისი ცხოვრებაა, მაგრამ...
რატომ ჰგონიათ ქალებს, რომ მეორე ქმარი, პირველი ქმრის შვილებს შეიყვარებს?!
მეორე, ჩვენ არ ვართ ევროპელები (და კიდევ კარგი, რომ არ ვართ), სადაც ყოფილი და მომდევნო ქმრები ან ცოლები ურთიერთობენ და ხალისობენ.
მესამე, არც ერთ ნორმალურ მამაკაცს არ მოეწონება საკუთარი ცოლის სხვა კაცთან (თუნდაც არასასიყვარულო) ურთიეთობა. თითქმის არ არსებობს ეჭვიანობა საბაბის გარეშე.
და მეოთხე, ამ ქალს პატრონი ეყოლება, კაცს არა-აი ესაა ლოგიკა!