ქეთი ლობ­ჟა­ნი­ძე წლე­ბია საფ­რან­გეთ­ში, პა­რი­ზის ერთ-ერთი სა­ა­ვად­მყო­ფოს ნე­ი­რო­პე­დი­ატ­რი­ის გან­ყო­ფი­ლე­ბის ექი­მი-პე­დი­ატ­რია. კო­რო­ნა­ვირუ­სუ­ლი ინ­ფექ­ცია ბოლო დღე­ე­ბია საფ­რან­გეთ­შიც გავ­რცელ­და და 24 სა­ათ­ში ხუ­თა­სამ­დე ახა­ლი შემ­თხვე­ვა და­ფიქ­სირ­და.

სა­ბედ­ნი­ე­როდ, ყვე­ლა პე­დი­ატ­რი ამ­ბობს, რომ ბავ­შვებს კო­რო­ნა­ვირუ­სუ­ლი ინ­ფექ­ცია მარ­ტი­ვად გა­და­აქვთ, მაგ­რამ სა­ინ­ტე­რე­სოა ის რე­კო­მენ­და­ცი­ე­ბი და შე­ფა­სე­ბე­ბი, რო­მელ­საც ჩვე­ნი თა­ნა­მე­მა­მუ­ლე ევ­რო­პის ერთ-ერთი წამ­ყვა­ნი ქვეყ­ნი­დან გვაწ­ვდის - AMBEBI.GE ქეთი ლობ­ჟა­ნი­ძეს საფ­რან­გეთ­ში და­უ­კავ­შირ­და:

- ქეთი, პირ­ველ რიგ­ში გკი­თხავთ, რა მდგო­მა­რე­ო­ბაა საფ­რან­გეთ­ში კო­რო­ნა­ვირუ­სის გავ­რცე­ლე­ბის მხრივ?

- ამ ეტაპ­ზე საფ­რან­გეთ­ში შემ­თხვე­ვა­თა რო­დე­ნო­ბა მა­ტუ­ლობს, თუმ­ცა ჯერ არ მი­სუ­ლა კრი­ტი­კულ ნიშ­ნუ­ლამ­დე. გუ­შინ და­ფიქ­სირ­და 497 ახა­ლი შემ­თხვე­ვა 24 სთ-ში. 11 მარტს ჯა­მუ­რად იყო 2281 პა­ცი­ენ­ტი, 48 გარ­დაც­ვლი­ლით.

ასევე დაგაინტერესებთ

09:29 / 14-03-2020

"80% ამ ვირუსს ალბათ ზედმეტი გართულების გარეშე გადაიტანს..." - რას ამბობს COVID-19-ზე ქართველი ექიმი, რომელიც ამერიკაში ინფექციურ კლინიკას მეთვალყურეობს

19:47 / 14-03-2020

"მარტოა გამოკეტილი ოთახში, პანიკაშია..." - გერმანიაში მცხოვრებ ქართველ მომღერალს კორონავირუსი დაუდგინდა

20:52 / 28-03-2020

"რისკ-ჯგუფში არ იყო, უბრალოდ არ გაუმართლა" - რას წერს პარიზში მოღვაწე ქართველი პედიატრი COVID-19-ით გარდაცვლილ 16 წლის გოგოზე

მე­ნე­ჯმენტს რაც შე­ე­ხე­ბა, ამ­ჟა­მად ვართ მე-2 სტა­დი­ა­ზე, ანუ ჩვე­ნი მი­ზა­ნია ინ­ფექ­ცი­ის გავ­რცე­ლე­ბის შე­ფერ­ხე­ბა, რის­თვი­საც იკ­რძა­ლე­ბა მა­სობ­რი­ვი ღო­ნის­ძი­ე­ბე­ბი 1000-ზე მეტი ადა­მი­ა­ნის მო­ნა­წი­ლე­ო­ბით, ასე­ვე გვირ­ჩე­ვენ მოგ­ზა­უ­რო­ბის­გან თა­ვის შე­კა­ვე­ბას და ჰი­გი­ე­ნის წე­სე­ბის დაც­ვას. ამ ეტაპ­ზე პრე­ზი­დენ­ტი მაკ­რო­ნი თვლის, რომ ვირუ­სის ცირ­კუ­ლი­რე­ბის სა­წყის ფა­ზა­ში ვართ და უფრო რა­დი­კა­ლუ­რი ღო­ნის­ძი­ე­ბე­ბი გა­უ­ჭირ­დე­ბა ქვე­ყა­ნას ხან­გრძლივ პერ­სპექ­ტი­ვა­ში.

- არის გარ­დაც­ვა­ლე­ბის შემ­თხვე­ვე­ბიც... რა იწ­ვევს ლე­ტა­ლურ შე­დეგს, ჰქონ­დათ მათ თან­მდე­ვი და­ა­ვა­დე­ბე­ბი, თუ დაგ­ვი­ა­ნე­ბით მი­მარ­თეს სა­ა­ვამდყო­ფო­ებს?

- სიკ­ვდი­ლი­ა­ნო­ბას რაც შე­ე­ხე­ბა, აქ გა­მოკ­ვე­თი­ლია ასა­კობ­რი­ვი კა­ტე­გო­რია, გარ­დაც­ვლილ­თა უმე­ტე­სო­ბა 70 წლის ზე­მო­თაა და ქრო­ნი­კუ­ლი პა­თო­ლო­გი­ე­ბი - ჰი­პერ­ტენ­ზია და გულ-სის­ხლძარ­ღვთა სხვა და­ა­ვა­დე­ბე­ბი, დი­ა­ბე­ტი, იმუ­ნო­დეპ­რე­სია, როცა გარ­თუ­ლე­ბის რის­კი მა­ღა­ლია. ძი­რი­თა­დი გარ­თუ­ლე­ბაა პნევ­მო­ნია სუნ­თქვის მწვა­ვე უკ­მა­რი­სო­ბით, რაც ხე­ლოვ­ნურ სუნ­თქვას სა­ჭი­რო­ებს.

დაგ­ვი­ა­ნე­ბით მი­მარ­თვა გა­დარ­ჩე­ნის შანსს ამ­ცი­რებს ზო­გა­დად, მაგ­რამ არ მგო­ნია, დღეს ამის პრობ­ლე­მა იყოს, ხალ­ხი სენ­სი­ბი­ლი­ზე­ბუ­ლია და არც კო­ლაფსში ვართ, ვინ­მე უყუ­რა­დღე­ბოდ დარ­ჩეს.

მარ­თა­ლია, საფ­რან­გე­თის მე­დი­ცი­ნა ერთ-ერთი სა­უ­კე­თე­სოა ევ­რო­პა­ში, მაგ­რამ სა­ა­ვად­მყო­ფო­ებს პრობ­ლე­მე­ბი აქვთ. უკვე რამ­დე­ნი­მე თვეა გა­და­უ­დე­ბე­ლი სამ­სა­ხუ­რი გა­მოს­ვლებს აწყობს და აპ­რო­ტეს­ტებს სა­მუ­შაო პი­რო­ბე­ბის სიმ­ძი­მეს, პერ­სო­ნა­ლის უკ­მა­რი­სო­ბას. ასეთ დროს ეპი­დე­მი­ის პი­კის­თვის თა­ვის გარ­თმე­ვა რთუ­ლი იქ­ნე­ბა.

გა­ით­ვა­ლის­წი­ნეთ ინ­ფექ­ცი­ის გავ­რცე­ლე­ბის სწრა­ფი ტემ­პიც და დღეს­დღე­ო­ბით 70 %-ში ცირ­კუ­ლი­რე­ბა­დი უფრო მძი­მე, L ფორ­მა მო­სა­ლოდ­ნე­ლი გარ­თუ­ლე­ბე­ბით, რაც ჰოს­პი­ტა­ლი­ზა­ცი­ას და გაწ­ვრთნილ პერ­სო­ნალს სა­ჭი­რო­ებს, რო­მელ­თა რა­ო­დე­ნო­ბაც ასე­ვე შე­ზღუ­დუ­ლია, თან მათ გა­მო­აკ­ლდე­ბი­ან მუ­შა­ო­ბის პრო­ცეს­ში ინ­ფი­ცი­რე­ბულ­ნიც, რაც სა­ბო­ლო­ოდ კო­ლაფსს გა­მო­იწ­ვევს იტა­ლი­ის მსგავ­სად. იტა­ლი­ა­ში დღეს არ­ჩე­ვენ, ვინ გა­და­არ­ჩი­ნონ, ანუ უპი­რა­ტე­სო­ბა მი­ე­ნი­ჭე­ბა, ვი­საც უფრო მეტი შან­სი აქვს...

აქამ­დე რომ არ მი­ვი­დეთ, ვირუ­სის გავ­რცე­ლე­ბას ამ ეტაპ­ზე­ვე უნდა შე­ვუ­შა­ლოთ ხელი უფრო რა­დი­კა­ლუ­რი მე­თო­დე­ბით. და­ნი­ა­ში მსგავ­სი არა­ფე­რი ხდე­ბა და უკვე და­კე­ტეს სკო­ლე­ბი, ღა­მის კლუ­ბე­ბი, რეს­ტორ­ნე­ბი, კა­ზი­ნო­ე­ბი, გა­ა­უქ­მეს ღო­ნის­ძი­ე­ბე­ბი...

- დარ­წმუ­ნე­ბუ­ლი ვარ თვალს ადევ­ნებთ სა­ქარ­თვე­ლო­ში არ­სე­ბულ მდგო­მა­რე­ო­ბას, რო­გორ შე­ა­ფა­სებ­დით, რამ­დე­ნად სწო­რად იმარ­თე­ბა პრო­ცე­სე­ბი?

- სა­ქარ­თვე­ლო­ში პრო­ცე­სებს კი­დევ უფრო ყუ­რა­დღე­ბით ვა­დევ­ნებ თვალს, ჯერ ერთი, ვინც ყვე­ლა­ზე მე­ტად მიყ­ვარს, იქ ცხოვ­რობს - ასა­კო­ვა­ნი მშობ­ლე­ბი და ძმა თა­ვი­სი ოჯა­ხით და მე­ო­რეც, ჩვე­ნი შე­საძ­ლებ­ლო­ბე­ბი საფ­რან­გე­თი­სას არ შე­ედ­რე­ბა, რისი ში­შიც მქონ­და. ზუს­ტად აქ გა­მო­იკ­ვე­თა ადეკ­ვა­ტუ­რი მარ­თვის მნიშ­ვნე­ლო­ბა, რომ ფი­ნან­სე­ბი ყვე­ლა­ფერს არ წყვეტს.

ბევ­რჯერ დავ­წე­რე სო­ცი­ა­ლურ ქსელ­ში და აქე­და­ნაც მინ­და და­ვუ­დას­ტუ­რო ჩემი პა­ტი­ვის­ცე­მა ბა­ტო­ნებს - ამი­რან გამ­ყრე­ლი­ძეს, პა­ა­ტა იმ­ნა­ძეს და თენ­გიზ ცერ­ცვა­ძეს. ბა­ტონ პა­ა­ტას სტუ­დენ­ტო­ბი­დან ვიც­ნობ, ბა­ტონ ამი­რან­თან პა­რიზ­ში ჩვენ­მა სა­ელ­ჩომ მოგ­ვი­წყო შეხ­ვედ­რა რამ­დე­ნი­მე ექიმს. მათ­ზე ყო­ველ­თვის დიდი აზ­რის ვი­ყა­ვი, მაგ­რამ რაც ახლა გა­ა­კე­თეს, წარ­მო­უდ­გე­ნე­ლია ადა­მი­ა­ნუ­რი და პრო­ფე­სი­უ­ლი თვალ­საზ­რი­სით!

და­ა­ვა­დე­ბა­თა კონ­ტრო­ლის ცენ­ტრის ქმე­დე­ბე­ბი ბევ­რი გან­ვი­თა­რე­ბუ­ლი და ძლი­ე­რი ქვეყ­ნის მე­ნე­ჯმენტზე უფრო ეფექ­ტუ­რი აღ­მოჩ­ნდა! მათი რე­გუ­ლა­ცი­ე­ბი ყო­ველ­თვის ერთი ნა­ბი­ჯით უს­წრებ­და ჯან­მოს რე­კო­მენ­და­ცი­ებს და ბო­ლოს, მნიშ­ვნე­ლო­ვა­ნია ადა­მი­ა­ნუ­რი ფაქ­ტო­რიც, მათი და­უ­ღა­ლა­ვი ძა­ლის­ხმე­ვა სწო­რი ნა­ბი­ჯე­ბით, ოლიმ­პი­უ­რი სიმ­შვი­დე და და­მა­ჯე­რე­ბე­ლი ტონი აღ­მოჩ­ნდა ისე­თი ფსი­ქო­თე­რა­პია ამ კო­რო­ნა­ის­ტე­რი­ა­ში, რომ­ლის დამ­სა­ხუ­რე­ბი­თაც დღეს ერი პა­ნი­კა­ში არაა.

- კო­რო­ნა­ვირუ­სუ­ლი ინ­ფექ­ცია სა­ინ­ტე­რე­სო აღ­მოჩ­ნდა იმი­თაც, რომ სტა­ტის­ტი­კი­დან გა­მომ­დი­ნა­რე, ბავ­შვებს ნაკ­ლე­ბად ერ­ჩის, რო­გო­რია თქვე­ნი შე­ფა­სე­ბა ამ თე­მა­ზე?

- კო­რო­ნა­ვირუ­სი იშ­ვი­ა­თია ბავ­შვებ­ში და ის მსუ­ბუ­ქი ფორ­მით მი­დის: და­ბა­ლი სი­ცხე, მშრა­ლი ხვე­ლა. ამ დროს სკო­ლა­ში სი­ა­რუ­ლი იკ­რძა­ლე­ბა. ბავ­შვის­თვის გა­სა­გებ ენა­ზე ვუხ­სნით საქ­მის ვი­თა­რე­ბას, ვთა­ვა­ზობთ კი­თხვე­ბის დას­მას და აზ­რის გა­მოთ­ქმას, უნდა ვას­წავ­ლოთ ჰი­გი­ე­ნის წე­სე­ბის დაც­ვა, სა­ჭი­როა ოთა­ხის სვე­ლი წე­სით წმენ­და და რე­გუ­ლა­რუ­ლი გა­ნი­ა­ვე­ბა...

კო­რო­ნა­ვირუ­სუ­ლი ინ­ფექ­ცია სა­ში­შია ასა­კო­ვან ადა­მი­ა­ნებ­ში გარ­თუ­ლე­ბე­ბის გამო, ახალ­გაზ­რდებს ის ბევ­რად უფრო მსუ­ბუ­ქად გა­და­აქვთ. ზო­გა­დად ამ ვირუ­სის მთა­ვა­რი სა­შიშ­რო­ე­ბა მისი სწრა­ფი გავ­რცე­ლე­ბა და კონ­ტა­გი­ო­ზუ­რო­ბაა (ინ­ფექ­ცი­უ­რი და­ა­ვა­დე­ბე­ბის თვი­სე­ბა გა­და­ე­ცეს და­ა­ვა­დე­ბუ­ლე­ბი­დან - ჯან­მრთე­ლებს).

მა­გა­ლი­თად, ჩი­ნეთ­ში აღ­მო­ა­ჩი­ნეს, რომ ავ­ტო­ბუს­ში ერ­თმა ვირუ­სი­ან­მა შვი­დი ადა­მი­ა­ნი და­ა­ინ­ფი­ცი­რა ირ­გვლივ 3-4 მეტ­რის მან­ძილ­ზე. ამი­ტომ დიდი სიფრ­თხი­ლეა სა­ჭი­რო სა­ზო­გა­დო­ებ­რივ ტრან­სპორ­ტში! სა­დე­ზინ­ფექ­ციო ხსნა­რი მუ­დამ თან უნდა ვი­ქო­ნი­ოთ და გა­და­ვეჩ­ვი­ოთ სა­ხე­ზე ხე­ლის მო­კი­დე­ბას...

- ზო­გა­დი რე­კო­მენ­და­ცი­ე­ბი ყვე­ლა ქვეყ­ნის­თვის სა­ერ­თოა, მაგ­რამ რა­ი­მე გან­სა­კუთ­რე­ბუ­ლი შე­ზღუდ­ვა თუ გაქვთ საფ­რან­გეთ­ში?

- ჰი­გი­ე­ნის დაც­ვის ზო­გა­დი რე­კო­მენ­და­ცი­ე­ბია აქაც, კონ­კრე­ტუ­ლად ვი­ტყო­დი თვი­თი­ზო­ლა­ცი­ის წე­სებ­ზე, რაც მგო­ნი ზუს­ტად ვერ გა­ი­გეს სა­ქარ­თვე­ლო­ში, ანუ 14 დღის მან­ძილ­ზე იკ­რძა­ლე­ბა: სამ­სა­ხურ­ში, სა­ყიდ­ლებ­ზე, გა­სარ­თობ-გა­მა­ჯან­სა­ღე­ბელ აქ­ტი­ვო­ბებ­ზე სი­ა­რუ­ლი, არ ვე­კა­რე­ბით სა­ზო­გა­დო­ებ­რი­ვი თავ­შეყ­რის ად­გი­ლებს, სა­ა­ვად­მყო­ფო­ებს!

ტემ­პე­რა­ტუ­რას ვი­კონ­ტრო­ლებთ დღე­ში ორ­ჯერ, სუნ­თქვის უკ­მა­რი­სო­ბი­სას ვი­ძა­ხებთ სას­წრა­ფოს, ვა­ტა­რებთ ქი­რურ­გი­ულ ნი­ღაბს, რე­გუ­ლა­რუ­ლად ვა­ნი­ა­ვებთ ოთახს, გვძი­ნავს ცალ­კე, ვი­ცავთ ჰი­გი­ე­ნის წე­სებს! ეს რე­კო­მენ­და­ცია ეხე­ბა კონ­ტაქ­ტში მყოფ ასიმპტო­მურ და მსუ­ბუქ ფორ­მებს. ჰოს­პი­ტა­ლი­ზა­ცი­ის სა­ჭი­რო­ე­ბას ად­გენს გა­მო­ძა­ხე­ბუ­ლი სა­მე­დი­ცი­ნო ჯგუ­ფი...

სპე­ცი­ა­ლო­ბით ზო­გა­დი პე­დი­ატ­რი და ნე­ო­ნა­ტო­ლო­გი ვარ, გა­და­უ­დე­ბელ­ში აღარ ვმო­რი­გე­ობ, ასე რომ შე­ხე­ბა ჯერ არ მქო­ნია და­ვირუ­სე­ბულ­თან. პრო­ტო­კო­ლით გვე­ვა­ლე­ბა ყვე­ლა ცხე­ლე­ბა და სუნ­თქვის უკ­მა­რი­სო­ბა ვაც­ნო­ბოთ სას­წრა­ფოს ჯგუფს, და­უ­ყოვ­ნებ­ლივ რომ მო­ახ­დი­ნონ იზო­ლი­რე­ბა.

- ამ­ბო­ბენ, რომ პა­ნი­კი­სა და ნერ­ვი­უ­ლო­ბის დროს ადა­მი­ა­ნის იმუ­ნი­ტე­ტი სუს­ტდე­ბა. ეთან­ხმე­ბით, რომ ამის ნი­ა­დაგ­ზე უფრო მარ­ტი­ვად შე­იძ­ლე­ბა შეგ­ვხვდეს ნე­ბის­მი­ე­რი ვირუ­სი?

- პირ­და­პი­რი კავ­ში­რი დად­გინ­და სტრეს­სა და იმუ­ნი­ტეტს შო­რის. ვირუ­სი­სა და მისი გარ­თუ­ლე­ბის მარ­თვა ისე­დაც ძნე­ლია. აქ იზ­რდე­ბა იმუ­ნი­ტე­ტის როლი, ამი­ტომ ზედ­მე­ტი პა­ნი­კი­თა და სტრეს­ში ყოფ­ნით კი­დევ უფრო და­ვიმ­ძი­მებთ მდგო­მა­რე­ო­ბას!

სა­ჭი­როა მხო­ლოდ ყუ­რა­დღე­ბა და სიფრ­თხი­ლე, მარ­ტი­ვი ჰი­გი­ე­ნუ­რი პრო­ცე­დუ­რე­ბით შეგ­ვიძ­ლია კო­რო­ნა­ვირუ­სის გავ­რცე­ლე­ბის შე­ფერ­ხე­ბა. გა­და­ცე­მის გზე­ბია: ჰაერ-წვე­თო­ვა­ნი, კონ­ტაქ­ტუ­რი (ორო-ფე­კა­ლუ­რი) და სქე­სობ­რი­ვი. მა­ღა­ლი მო­ქა­ლა­ქე­ობ­რი­ვი პა­სუ­ხის­მგებ­ლო­ბით პირ­ველ რიგ­ში ასა­კო­ვან ხალ­ხს და­ვი­ცავთ სა­სიკ­ვდი­ლო საფრ­თხის­გან!

- და­სას­რულს რო­გო­რია თქვე­ნი რჩე­ვე­ბი და რე­კო­მენ­და­ცი­ე­ბი, გან­სა­კუთ­რე­ბუ­ლად დე­დე­ბის­თვის, რა უნდა გა­ით­ვა­ლის­წი­ნონ?

- დე­დე­ბის­თვის მთა­ვა­რი რე­კო­მენ­და­ცი­აა ზრუნ­ვა ბავ­შვის ფი­ზი­კურ-ფსი­ქი­კურ ჯან­მრთე­ლო­ბა­ზე და იმუ­ნი­ტე­ტის გაძ­ლი­ე­რე­ბა მხო­ლოდ ბუ­ნებ­რი­ვი გზით, არა­ნა­ი­რი სტი­მუ­ლა­ტო­რი! სრულ­ფა­სო­ვა­ნი კვე­ბა, ეკ­რან­თან გა­ტა­რე­ბუ­ლი დრო­ის დაყ­ვა­ნა მი­ნი­მუ­მამ­დე და მეტი დი­ა­ლო­გი ბავ­შვთან, ვუს­მი­ნოთ და ამომ­წუ­რა­ვად ვუ­პა­სუ­ხოთ კი­თხვებ­ზე, მო­ვი­აზ­როთ პი­როვ­ნე­ბად, მაგ­რამ არ დაგ­ვა­ვი­წყდეს ლი­მი­ტის და­წე­სე­ბა. ეს თით­ქოს ვირუს­თან არაა კავ­შირ­ში, მაგ­რამ ბავ­შვის ჰარ­მო­ნი­უ­ლი გან­ვი­თა­რე­ბა და ძლი­ე­რი იმუ­ნი­ტე­ტი კო­რო­ნა­ზე რთულ ვირუს­საც გა­უმკლავ­დე­ბა!