Georgian Airways-ის ეკიპაჟის წევრები იტალიიდან საქართველოში გამოფრენის წინ (ფოტო)

რამდენიმე საათში საქართველოში იტალიიდან 200 მოქალაქე ჩამოვა. ჩამოსვლისთანავე მათ კარანტინში გადაიყვანენ. 200 მოქალაქის ქვეყანაში ჩამოყვანას ფინანსურად საქართველოს მთავრობა უზრუნველყოფს.

ქართველები სამშობლოში Georgian Airways-ის რომი-თბილისის რეისით დაბრუნდებიან. კომპანიის გენერალური დირექტორის რომან ბოკერიას თქმით, ბორტგამცილებლებს სპეციალური ინსტრუქტაჟი ჩაუტარდათ და ეკიპირებაც მიეცათ.

ცოტა ხნის წინ ავიაკომპანიის "ფეისბუქის" გვერდზე ფოტოები გავრცელდა, სადაც ეკიპაჟის წევრები არიან გადაღებული. ისინი სპეცტანსაცმლით არიან შემოსილი. ფოტო იტალიიდან საქართველოში გამოფრენის წინ არის გადაღებული.

შეგახსენებთ, მთავრობის გადაწყვეტილებით, იტალიასთან პირდაპირი ფრენები 6 მარტს შეჩერდა. პირდაპირი ფრენები ასევე შეწყვეტილია ჩინეთთან და ირანთან.