თურქეთის კლინიკაში გამოჯანმრთელებული ქართველი ფეხბურთელი სპორტს დაუბრუნდა - განკურნებული პაციენტის ისტორია

11:07 / 02-03-2020

გასულ წელს ყველამ ერთად, არა მხოლოდ ფეხბურთის გულშემატკივრებმა და საზოგადოდ, სპორტის მოყვარულებმა, არამედ მთელმა ქვეყანამ გაიხარია იმით, რომ კლუბ “ლოკომოტივის” ახალგაზრდა ფეხბურთელმა დაამარცხა სიმსივნე, საბოლოოდ გამოჯანმრთელდა და სპორტსაც აქტიურად დაუბრუნდა.

მამია გავაშელიშვილის ინფორმაციით მისი განკურნება ფლორენს ნაითინგეილის კლინიკაში მოხდა:

"2018 წლის დეკემბერში თიაქრის ოპერაციის გაკეთებისას ექიმებმა მენჯის ღრუში უცხო წარმონაქმნი შენიშნეს, მაშინვე ამოიღეს მცირე ნაწილი დასათესად.

რადგან თავიდანვე სიმსივნეზე იყო ეჭვი, თურქეთში გამგზავრება მირჩიეს. გუნდის ექიმი, უფროსობა, ყველა ჩაერთო ამ საქმეში, დამაკავშირეს თბილისის ოფისს, რომელიც ფლორენს ნაითინგეილის ოფიციალურ წარმომადგენელია საქართველოში. 2019 წლის იანვრაში გავემგზავრე სტამბოლში. იქ ყველა გამოკვლევა ჩამიტარეს, ორგანიზმის ყველა ნაწილი დეტალურად და საფუძვლიანად შეისწავლეს, ჩემი ექიმი დიდი ყურადღებითა და სითბოთი მექცეოდა. წარმონაქმნი სქვამოზურ-უჯრედოვანი კარცინომა აღმოჩნდა, საბოლოოდ დაიგეგმა ოპერაცია და მარტის ბოლოს გავიკეთე კიდეც. ამის შემდეგ, როგორც ჩემმა მკურნალმა ექიმმა გადაწყვიტა, ქიმიოთერაპიის კურსი ჩავიტარე. თვენახევარი თურქეთში ვცხოვრობდი, ბევრი რამ გადავიტანე, მაგრამ საბოლოოდ გამოვჯანმრთელდი და აქტიურად ვარჯიშიც დავიწყე.

მადლობა ყველაფრისათვის ჩემი გუნდის ექიმს, ხელმძღვანელობას, ლოკომოტივის პრეზიდენტს, ფეხბურთის ფედერაციას, ჩემი გუნდისა და ნაკრების ფეხბურთელებს, ყველას, ვინც გვერდში დამიდგა, დამეხმარა და თავის წვლილი შეიტანა ჩემს საბოლოო განკურნებაში. განსაკუთრებული მადლობა ფლორენს ნაითინგეილს, რომელსაც ასეთი პროფესიონალი, ყურადღებიანი ექიმები ჰყავს და ყველაფერი ასე უმაღლეს დონეზე აქვს!"

* * *

ფლორენს ნაითინგეილის კლინიკათა ქსელი G Group Florence Nightingale აერთიანებს 6 საავადმყოფოს, სამკურნალო, ქირურგიული და დიაგნოსტიკური სპეციალიზაციის ცენტრს. მისი საავადმყოფოები აკრედიტებულია საერთაშორისო ორგანიზაცია JCI (Joint Commission International) –ის მიერ, რომელიც განიხილავს და აკრედიტაციას აძლევს ამერიკულ საავადმყოფოებს. F

ფლორენს ნაითინგეილის კლინიკათა ქსელს (Group Florence Nightingale), სახელი დაერქვა საექთნო საქმისა და თანამედროვე სამედიცინო მენეჯმენტის ფუძემდებლის, მსოფლიოში ცნობილი ბრიტანელი მოწყალების დის, ფლორენს ნაითინგეილის (მეტსახელად “ქალი ლამპით”) საპატივცემოდ.

კლინიკათა აღნიშნულ ქსელს 30 წლიანი გამოცდილება აქვს სპეციალიზაციის ყველა დარგში, ის დღესაც აქტიურად აგრძელებს პარტნიორობას ამერიკის შეერთებული შტატებისა და სხვა ქვეყნების სამედიცინო დაწესებულებებთან, მუდმივად აბანდებს ინვესტიციებს ექიმების, ექთნების და სხვა სამედიცინო კადრების მომზადებისა და ტექნოლოგიების განვითარების მიზნით.

საერთაშორისო პაციენტებისათვის შექმნილი ცენტრი მომსახურების დაწყებიდან დასრულებამდე, non-stop service-ით, 24 საათის განმავლობაში, კვირაში 7 დღე, თარჯიმნებისა და კონსულტანტების ჯგუფის საშუალებით, კოორდინაციას უწევს პაციენტთა სამედიცინო, სამგზავრო, საცხოვრებელ, დასასვენებელ და სხვა მოთხოვნილებებს.