მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რუსეთში ტერორისტი მოზარდები მომრავლდნენ? - ФСБ-მ მტკიცებით, ბოლო დღეებში მასობრივი მკვლელობები აღკვეთეს
12:17 / 28-02-2020
ბოლო რამდენიმე დღეა რუსეთის სპეცსამსახურები მოზარდების წინააღმდეგ მასშტაბურ სპეცოპერაციებს ატარებენ. 26 თებერვალს, გამთენიისას, სარატოვში, 2005 წელს დაბადებული ორი ბიჭი აიყვანეს, რომლებიც არსებული ინფორმაციით, სკოლაზე შეიარაღებულ თავდასხმას აპირებდნენ.
ФСБ-ს ცნობით, ისინი იარაღს მიტოვებულ საცავში ინახავდნენ. სპეცსამსახურები ირწმუნებიან, რომ 15 წლის მოზარდები ინტერნეტში გავრცელებული მკველობების ვიდეოებისა და სუიციდის შემთხვევების გავლენის ქვეშ იყვნენ და მოძიებული მასალების მიხედვით, თავად აპირებდნენ ასაფეთქებელი მოწყობილობების გაკეთებას.
ФСБ-მ მოზარდების დაკითხვის ჩანაწერებიც გაასაჯაროვა, სადაც ერთ-ერთი ყვება, რომ მასობრივი მკვლელობების მოწყობით ერთი წლის წინ დაინტერესდა და ობიექტიც დაასახელა, ვისაც თავს უნდა დასხმოდა. მათი თქმით, სულერთი იყო, რამდენ ადამიანს დახოცავდნენ, თუმცა, მისმა მეგობარმა დაახლოებით 40 ადამიანი დაითვალა.
"მოზარდების სახეები გავრცელებულ კადრებში არ ჩანს, თუმცა, ისინი სარატოვის ძველ საავიაციო ბაზაზე არიან გადაღებულნი... სკოლა კი, რომელზეც მოზარდები თავდასხმას აპირებდნენ, არ სახელდება. ვინაობა და სკოლა არ არის დასახელებული, ამიტომ ძნელი დასაჯერებელია, რომ თავიანთ სკოლაზე თავდასხმას ნამდვილად აპირებდნენ" - ამბობს novayagazeta.ru-სთან საუბარში გამოცემა “თავისუფალი სარატოვის” რედაქტორი მარია ალექსაშინა. მისი ცნობით, კიროვის 24-ე სკოლა, რომელსაც რუსული სპეცსამსახურები ვითომ არ ასაჯაროვებენ, ამჟამად დაკეტილია.
ეს ერთადერთი შემთხვევა არ არის, როდესაც რუსეთის სპეცსამსახურები მოზარდებით დაინტერესდნენ - იმავე ბრალდებით, 18 თებერვალს, ყირიმში კიდევ ორი მოზარდი დააკავეს, რომლებიც რუსული სპეცსამსახურების ცნობით, ქერჩში ტერაქტის მოწყობას გეგმავდნენ.
ФСБ ირწმუნება, რომ დაკავებული მოზარდები, 2018 წელს, ქერჩის კოლეჯში განხორციელებული ტერაქტის ავტორის, ვლადისლავ როსლიაკოვის მიმდევრები არიან. მაშინ სროლების დროს, 21 ადამიანი დაიღუპა, 70-ზე მეტი კი დაიჭრა...
ქერჩში დაკავებული 16 და 17 წლის მოზარდების სახლების ჩხრეკისას, ხელნაკეთი ბომბები იპოვნეს. რუსეთის სპეცსამსახურების ცნობით, მოზარდებმა მათ მიერ დამზადებული ბომბები შინაურ ცხოველებზე გამოსცადეს.
ФСБ-ში ირწმუნებიან, რომ ინტერნეტსივრცეში არსებობს ჯგუფი, რომელიც მთელ რუსეთში ტერაქტების დაგეგმვის მიმართულებით მუშაობს, ჰყავს ადმინისტრატორი და ერთმანეთს მესენჯერით უკავშირდებიან მოზარდები.
რუსი ინტერნეტმომხმარებლები თემის გარშემო მსჯელობისას წერენ, რომ ეს შესაძლოა, "ისლამური სახელმწიფოს" კიდევ ერთი გამოვლინება იყოს, უბრალოდ, ФСБ ამაზე ხმამაღლა არ საუბრობს, რომ პანიკა არ დათესოს.
სხვების თქმით, პრობლემა გაცილებით ღრმაა: რუსეთში მოზარდებს სერიოზული ფსიქოლოგიური პრობლემა აქვთ და ამის გამოვლინება მუდმივად სხვადასხვა ფორმით ხდება.
"შარშან, აპრილში, სიმფოროპოლში კიდევ რამდენიმე მოზარდი დააკავეს და ისინი პატიმრობაში არიან, ოღონდ საქმე არ გახმაურებულა და სასამართლო პროცესი დახურულად ჩატარდა... მოზარდები კი მკვლელობის ორგანიზების ბრალდებით გაასამართლეს" - წერს ერთ-ერთი ინტერნეტმომხმარებელი ნინა კრულსკი.
კიდევ ერთი ვერსიით, მოზარდები ძალადობრივი რეჟიმის გაპროტესტებას თავისებურად ცდილობენ და "სინამდვილეში, არავითარ სკოლაზე თავდასხმას არ გეგმავდნენ, უბრალოდ, ФСБ-მ აალაპარაკა საჭიროებისამებრ.
ფაქტია, რომ აბსურდული მიზეზით, მოზარდების დაკავებამ, ეპიდემიური ხასიათი მიიღო. სპეცსამსახურები იგივეს აკეთებენ ჩრდილოეთ კავკასიაში და ახლა არც დანარჩენ რუსეთში უჭირთ ასე მუშაობა, რათა წინააღმდეგობის მუხტი ჩაახშონ..." - წერს სერგეი მესტნიკოვი.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
