11
მაისიდღის ზოგადი ასტროლოგიური პროგნოზი
მას შემდეგ, რაც საქართველოში კორონავირუსის პირველი შემთხვევა დაფიქსირდა, საკითხმა ზოგიერთი ხუმრობის ხასიათზე დააყენა, ბევრი კი პანიკაშიც ჩააგდო. ვირუსის შიშით, მოქალაქეების ნაწილი აფთიაქებსა და სუპერმარკეტებს მიაწყდა პროდუქტისა და პირბადეების შესაძენად. გუშინ მთელი დღის განმავლობაში შეუძლებელი იყო აფთიაქებში პირბადეების შეძენა, რადგან ქსელებში მარაგი ამოიწურა.
ზოგიერთის შიშები უფრო შორსაც წავიდა. თვითმხილველმა ნათია ლოლაძემ თბილისში გადაიღო მამაკაცი, რომელიც ქალაქის ქუჩებში ლამის ეპიდემიოლოგის ეკიპირებით დადიოდა:
"მეტროებთან სხვა ცხოვრებაათქო ვამბობ: ვდგავარ მაღაზიასთან, ინსტინქტურად გავიხედე და გვერდით მიდგას მოჩვენება. ვერ გავიგე ვინაა, ქართულად ლაპარაკობს ტელეფონზე და ისტერიულად მიდი-მოდის. ახლო-მახლოს კლინიკა არ მახსენდება და იმედი მაქვს, სადმე ფარულ კამერაში არ იქნება ჩემი გაკვირვებული სახე. ხელთათმანიც კი ეცვა" - წერს თვითმხილველი და "შეფუთული" მამაკაცის ფოტოსაც ავრცელებს.
პოსტის კომენტარებში ინფექციოლოგი წერს:
"პაციენტი ვერ იქნება, გამომდინარე იქედან, რომ ასეთი ფორმები აცვიათ მხოლოდ და მხოლოდ ექიმებს. ყველა ექიმს ვიცნობ ვინც მაგ ფორმას ატარებს და გამორიცხულია, ვინმეს ეგ ექნა და ქუჩაში გამოსულიყო. ან ხუმრობაა, ან ვიღაცამ გამოიწერა და ჰგონია ამით გადაურჩება კორონას"
ერთ კომენტარში კი "უჩვეულო მამაკაცის" კიდევ ერთი ფოტოა, რომელიც უკვე მეტროს ბაქანზეა გადაღებული:
ფოტომ ინტერნეტმომხმარებლები ხუმრობის ხასიათზე დააყენა:
"მთელი ამ პერიოდის განმავლობაში აღჭურვილობას იმარაგებდა და როგორც იქნა ჩაიცვა"; "ესეც ხომ არ გამოექცათ?"; "არ ჩანს განსაკუთრებული ფორმა, თეთრი, პლაშოვკის სპორტულებია" - წერენ ინტერნეტმომხმარებლები კომენტარებში.
ფოტო: ნათია ლოლაძე, ანა ავრამიდი
ჯიგარი ხარ გაიხარე შენ :დდდდ
murmania kakalazea uehveli mevaleebs emaleba