მნიშვნელოვანი ინფორმაცია
10
მაისიდღის ზოგადი ასტროლოგიური პროგნოზი
კვირა, მთვარის მეთხუთმეტე დღე დაიწყება 20:34-ზე, მთვარე მორიელშია
კრიტიკული დღეა. არ იჩხუბოთ. ეცადეთ, ეს დღე მშვიდად განვლოთ. არ დაიწყოთ ახალი საქმეები; მოერიდეთ მნიშვნელოვანი გადაწყვეტილებების მიღებას; ფინანსური საკითხების მოგვარება სხვა დღისთვის გადადეთ; ვაჭრობისთვის არახელსაყრელი დღეა, უძრავ ქონებასთან დაკავშირებული საკითხები სხვა დღეს მოაგვარეთ. აკონტროლეთ ემოციები. არასასურველია კამათი, ჩხუბი, საქმეების გარჩევა. არ გირჩევთ სამსახურის, საქმიანობის შეცვლას. სხვა დღისთვის გადადეთ მგზავრობა და მივლინება. კარგია შემოქმედებითი საქმიანობა, საოჯახო საქმეების შესრულება. ცუდი დღეა ქორწინებისა და ნიშნობისათვის. მატულობს ვენერიული დაავადებების რისკი. მოსალოდნელია ტრავმები, ქირურგიული ჩარევის ალბათობა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ის ჩემი ტკბილი ქმარი იყო" - კობი ბრაიანტის გახსენების ემოციური საღამო, ბიონსეს სიმღერა და ატირებული ვარსკვლავები
12:51 / 25-02-2020
ლოს-ანჯელესში ტრაგიკულად დაღუპული ლეგენდარული კალათბურთელის, კობი ბრაიანტისა და მისი შვილის, 13 წლის ჯიანა ბრაიანტის გახსენების საღამო გაიმართა, რომელსაც 20 ათასი ადამიანი დაესწრო.
კალათბურთელი მისმა მეგობრებმა, თაყვანისმცემელმა და ოჯახის წევრებმა გაიხსენეს. საზოგადოებას სიტყვით მიმართა ბრაიანტის მეუღლემ, ვანესამ. მისი სიტყვები ემოციური იყო და ცრემლებისგან თავი ვერავინ შეიკავა.
ვანესა ბრაიანტი 20 წუთის განმავლობაში საუბრობდა 13 წლის გოგონასა და კობის შესახებ, რომელთანაც 20 წლიანი თანაცხოვრება აკავშირებდა.
"ჯიჯი მამიკოს გოგო იყო, მაგრამ ვიცი, რომ დედაც ძალიან უყვარდა. იყო საოცრად მოტივირებული და სურდა, რომ შეეცვალა საზოგადოების აზრი და დამოკიდებულება სპორტით დაკავებული ქალების მიმართ. სურდა, ქალებს შორის საუკეთესო კალათბურთელი გამხდარიყო.
ღმერთმა იცოდა, რომ ისინი დედამიწაზე ერთმანეთის გარეშე ვერ გაძლებდნენ და სამოთხეში, სახლში ორივე ერთად წაიყვანა.
კობი ჩემთვის არ იყო ვარსკვლავი და არც შეუდარებელი კალათბურთელი, ის ჩემი ტკბილი ქმარი და ჩვენი შვილების შესანიშნავი მამა იყოს. მას შემდეგ რაც 17 წლის გავხდი, მე და კობი ერთად ვართ. მე ვიყავი მისი პირველი გერლფრენდი, მისი პირველი სიყვარული, მისი ცოლი, საუკეთესო მეგობარი და მცველი.
კობის ვუყვარდი იმაზე მეტად, ვიდრე ამის გადმოცემა სიტყვებით შესაძლებელია. მე ცეცხლი ვიყავი და ის - ყინული. ერთმანეთს ვაბალანსებდით. ის მზად იყო ჩემ გამო ყველაფერი გაეკეთებინა. წარმოდგენა არ მაქვს, როგორ დავიმსახურე ასეთი კაცის სიყვარული. ის იყო ქარიზმატული, ჯენტლმენი და რომანტიკოსი.
ყოველ წელს განსაკუთრებით ველოდებოდი ხოლმე ჩვენი ქორწინების დღეს და ვალენტინობას. ასეთი დღეებისთვის გეგმავდა მოგზაურობებს, მიძღვნიდა საჩუქრებს. ხელითაც კი გამიკეთა ჩემთვის ყველაზე ღირებული საჩუქარი.
კობიმ მაჩუქა დღიური და ლურჯი კაბა, რომელიც რეიჩელ მაკადამსს ეცვა ფილმში "უბის წიგნაკი“. როცა ვკითხე, რატომ მაჩუქა ეს კაბა, მან მითხრა - იმიტომ, რომ ეს უკავშირდება ფილმის სცენას, სადაც წყვილი ერთმანეთს ურიგდება.
იმედი გვქონდა, რომ ერთად დავბერდებოდით ისე, როგორც ამ ფილმის გმირები.
გარდაცვალებამდე რამდენიმე კვირით ადრე წერილი მომწერა. მწერდა, რომ სურდა ერთად გაგვეტარებინა დრო, ბავშვების გარეშე, იშვიათად გვქონდა ხოლმე ამის შანსი. ვაპირებდით, რომ ბავშვები მშობლებთან დაგვეტოვებინა და ერთად გვემოგზაურა.
საყვარელო, გაუფრთხილდი ჯიჯის. მე მყავს ნანი, ბიბი და კოკო. ჩვენ ჯერ კიდევ საუკეთესო გუნდი ვართ. გვიყვარხარ და გვენატრები. მშვიდად განისვენეთ და მხიარულად იყავით სამოთხეში სანამ ისევ შევხვდებით, სამუდამოდ და ყოველთვის, დედიკო“, - თქვა ვანესა ბრაიანტმა სიტყვით გამოსვლისას.
კალათბურთელი გახსენების საღამოს დაესწრო ლეგენდარული მაიკლ ჯორდანიც, რომელიც სიტყვითაც გამოვიდა და ცრემლები ვერ შეიკავა.
"ის მირეკავდა, ან მწერდა. ვსაუბრობდით მოძრაობებზე, ვარჯიშებზე. ამ ბავშვს ჰქონდა ისეთი ვნება, როგორსაც თქვენ ვერ მიხვდებით. საოცარი რამ არის ვნება - თუ რაიმე გიყვარს, მის მიმართ ძლიერი ვნება გაქვს,
ის ჩემთვის პატარა ძმასავით იყო და იმ დღიდან რაც ვიცნობ, ვცდილობდი მისთვის უფროსი ძმა ვყოფილიყავი. ყოველთვის ყველას სურდა, რომ ჩვენ ორს შორის შედარება გაეკეთებინა. მე კი მხოლოდ მასზე საუბარი მინდოდა. მშვიდად განისვენე, პატარა ძმაო", - თქვა ლეგენდარულმა კალათბურთელმა.
კობი ბრაიანტის გახსენების საღამოზე სცენაზე ბიონსე გამოვიდა და მას ემოციური სიმღერა მიუძღვნა.
"მე აქ იმიტომ ვარ, რომ მიყვარს კობი და ეს კი მისი საყვარელი სიმღერა იყო“, - თქვა ბიონსემ.
ლეგენდარული კალათბურთელი, 41 წლის კობი ბრაიანტი 26 იანვარს ავიაკატასტროფას ემსხვერპლა. ვერტმფრენში, რომელმაც კატასტროფა კალიფორნიასთან განიცადა, სულ ცხრა ადამიანი იმყოფებოდა და მათგან არავინ გადარჩენილა. მათ შორის იყო კობის ქალიშვილი, 13 წლის ჯიანა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
