მნიშვნელოვანი ინფორმაცია
12
მაისიდღის ზოგადი ასტროლოგიური პროგნოზი
სამშაბათი, მთვარის მეჩვიდმეტე დღე დაიწყება 23:15-ზე, მთვარე მშვილდოსანს ესტუმრება 12:33-ზე
კარგი დღეა ფინანსური საკითხების მოსაგვარებლად, ახალი საქმეების დასაწყებად.
ვაჭრობა, უძრავ ქონებასთან დაკავშირებული საკითხების მოგვარება. შეხვედრების, ურთიერთობისა და მხიარულების დღეა. მოერიდეთ საქმეების გარჩევას. უფროსთან კონტაქტი კარგს არაფერს მოგიტანთ. კარგი დღეა მოგზაურობის დასაწყებად, საქმიანობის, სამსახურის შესაცვლელად. კარგი დღეა ქორწინებისთვის, ნიშნობისთვის. გაუფრთხილდით ღვიძლს. მოერიდეთ ღვიძლისა და ნაღვლის ბუშტის ოპერაციას. არ გადაუსხათ სხვას სისხლი და პირიქით.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ქართულ პროდუქციას მილიცია ისე ეძებს, თითქოს მასობრივი განადგურების იარაღი იყოს" - ახალგორში აკრძალვები გრძელდება
12:37 / 15-02-2020
რამდენიმე დღის წინ, ცხინვალის რეგიონის ე.წ. შს სამინისტრომ აფთიაქებიდან ქართული წარმოების მედიკამენტები ამოიღო. როგორც ჩანს, ქართული პროდუქციის აკრძალვის შემდეგ, ქართული ენის ჯერი დადგა.
ახალგორის სკოლებში, დირექტორებმა მასწავლებლებსა და მოსწავლეებს ქართულად საუბარი აუკრძალეს. ეს პირველი შემთხვევა არ არის, როდესაც ბიბილოვის "ხელმღვანელობას" ქართული ენის ასაკრძალად საგანმანათლებლო დაწესებულებაში ცვლილებები შეაქვს.
ჯერ კიდევ 2017 წელს ანატოლი ბიბილოვი ახალგორში ქართულ ენაზე სწავლების აკრძალვის ინიციატივით გამოვიდა და მაშინ 70-მდე მოსწავლე განათლების უფლების გარეშე, 150-მდე პედაგოგი კი უმუშევარი დატოვა... კონფლიქტოლოგები ბიბილოვის ინიციატივას ანექსიის გაგრძელებას უწოდებდნენ. მას შემდეგ, ოსურმა მხარემ, რუსეთის კარნახით ან უბრალოდ, მისთვის ერთგულების დასამტკიცებლად ადგილობრივი მოსახლეობის საზიანოდ არაერთი ნაბიჯი გადადგა.
თუმცა ოსების ინფორმაციით, ქართული ენის აკრძალვასთან დაკავშირებით საქმე არც ისე რთულად არის.
"ადგილობრივი მასწავლებლები და მოსწავლეები ქართულად საუბარს მხოლოდ მაშინ ერიდებიან, როდესაც ცხინვალიდან, განათლების უწყებიდან ჩადიან... ასევე მაშინ, თუ სკოლის დირექტორები ან სხვა უწყების წარმომადგენლები ქართულად საუბარს შეესწრებიან, შენიშვნას მისცემენ. თუმცა, საქმე ის არის, რომ თავად სრულყოფილად არც ოსური იციან და აღარც რუსული" - ამბობენ ისინი. მათივე თქმით, ქართველი მასწავლებლების დიდმა ნაწილმა 6-თვიანი შვებულების შესახებ განცხადება დაწერა, რამდენიმე კი რაიონში დაბრუნდა.
ამ ყველაფერს, ბოლო დღეებში "ეკონომიკური ომიც" დაემატა, რომელიც რეგიონში ქართული პროდუქციაზე ნადირობით დაიწყო... ადგილობრივების თქმით, ეს ყველაფერი შიდა კლანური დაპირისპირების გაგრძელებაა, რადგან ქართული პროდუქცია ცხინვალში "რაღაც გზით შემოვიდა, მის უკან კი გავლენიანი ადამიანები, დიდი ალბათობით ბიზნესმენები დგანან, რომელთაც სხვები ებრძვიან". ოსების თქმით, ფასის გამო ქართული მხარიდან შემოტანილი პროდუქცია უკონკურენტოა.
"ამიტომაც ეძებს მას ოსური მილიცია, თითქოს მასობრივი განადგურების იარაღი იყოს. რამდენიმე დღის განმავლობაში ადგილობრივ მაღაზიებსა და აფთიაქებში ქართულ ღვინოს, მინერალური წყლებსა და მედიკამენტებს ეძებდნენ...“ - წერენ ოსები სოციალურ ქსელში. მათივე თქმით, აფთიაქებში იყიდება რუსული და სხვა ქვეყნის წარმოების მედიკემენტები, მათ შორის ოსურ ენაზე ანოტაციებით, თუმცა ფასი ყველასთვის ხელმისაწვდომი არ არის. ხოლო ქართული პროდუქციის ფასი მათთვის მისაღებია.
ekhokavkaza.com-ის ცნობით, ქართულ პროდუქციაზე აკრძალები ჯერ კიდევ ლეონიდ თიბილოვის დროს ხდებოდა, თუმცა ასეთი ფართო გავრცელება არ ჰქონია, მაგრამ ისიც ამბობდა, რომ "სამხრეთ ოსეთის ეკონომიკას მის მიმართ მტრულად განწყობილი სახელმწიფოს საშუალებით არ განვავითარებთო...".
გამოცემის ცნობით, ქართული წარმოების მედიკამენტები უალტერნატივო იყო, რადგან არსებულ ბაზარზე შედარებით მაღალი ხარისხისა და მისაღები ფასის გამო, ექიმები პაციენტებს მის შეძენას ურჩევდნენ.
გამოცემის კორესპონდენტის მურატ გუკემოხოვის ცნობით, ის აღნიშნულ საკითხზე რამდენიმე ადგილობრივ ექიმს ესაუბრა და მათ განაცხადეს, რომ ადგილობრივ ბაზარზე მედიკამენტების 20%-ს ისევ ქართული წარმოების პროდუქცია შეადგენს, ისინი დღემდე თავისუფლად გასცემენ ამ პრეპარატების შესახებ რეცეპტს და არანაირი ფორმალური შეზღუდვები ამ მიმართულებით არ ვრცელდება.
"საერთოდ, რატომ ერევა სახელმწიფო ჯანმრთელობის სფეროში? კითხვაზე პასუხი ასეთია, ეს ძალიან კარგი ადგილია ძალაუფლების დემონსტრირებისთვს" - წერს გამოცემა.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
აპლიკაცია გველების შესახებ - რა უნდა ვიცოდეთ
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ახლგორში магазин "Россия" პოსტსაბჭოურ, გაპარტახებულ შენობაში, ოკუპაციის კიდევ ერთი დამადასტურებელი ნათელი მაგალითი.