მნიშვნელოვანი ინფორმაცია
9
მაისიდღის ზოგადი ასტროლოგიური პროგნოზი
შაბათი, მთვარის მეთოთხმეტე დღე დაიწყება 19:15-ზე, მთვარე მორიელში იქნება 23:58-დან
დაგეგმეთ მნიშვნელოვანი საქმეები, შეხვედრები. მოაგვარეთ ფინანსური დოკუმენტები, საკითხები. კარგია ახალი საქმეების დაწყება. უძრავ ქონებასთან დაკავშირებული საკითხების მოგვარება. ცუდი დღეა სასამართლო საქმეებისთვისა და განქორწინებისთვის. მოერიდეთ კონფლიქტს. უფრო მეტი, გაამყარეთ ურთიერთობა ნათესავებთან. კარგი დღეა უფროსთან საქმეების განსახილველად, სამსახურის, საქმიანობის შესაცვლელად. ამ დღეს დაწყებული მოგზაურობა ან მივლინება საინტერესოდ ჩაივლის. არასასურველია ქორწინება და ნიშნობა. არ გადატვირთოთ კუჭი. შეამცირეთ ალკოჰოლის დოზა და სიგარეტის რაოდენობა. დაუშვებელია ქირურგიული ოპერაციის ჩატარება სასქესო ორგანოებზე, მსხვილ ნაწლავზე, შარდის ბუშტზე. მოიმატებს სტრესული და სარისკო ქმედებების რაოდენობა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
საქართველოს გუნდი და ქართული გასტრონომია ბოკუს დ’ორ ევროპის კონტინენტურ ჩემპიონატზე წარდგება
12:39 / 12-02-2020
ისტორიაში პირველად, საქართველოს გუნდი და ქართული გასტრონომია ბოკუს დ’ორ ევროპის კონტინენტურ ჩემპიონატზე წარდგება. როგორც „ინტერპრესნიუსს“ ორგანიზატორებმა აცნობეს, სტავანგერის, ჟენევის, სტოკჰოლმის, ბრიუსელის, ბუდაპეშტისა და ტურინის შემდეგ, 2020 წლის 28 და 29 მაისს, ტალინი უმასპინძლებს Bocuse d’Or-ის ევროპის კონტინენტურ კონკურსს.
მათი ინფორმაციით, გასტრონომიული გამოფენა საკუ არენაზე შეკრებილ, სფეროს წამყვან პროფესიონალებსა და ბრენდებთან ერთად, 20 ქვეყანა დინამიურ და სანახაობრივ ჩემპიონატში 2 დღის განმავლობაში დაუპირისპირდება ერთმანეთს.
„ბოკუს დ’ორი, 30- წლიანი ისტორიის მქონე, რევოლუციური და ყველაზე პრესტიჟული კულინარიული ჩემპიონატია, რომელიც მსოფლიოს ოთხივე კონტინენტიდან, ახალგაზრდა და ნიჭიერ შეფ-მზარეულებს აერთიანებს.
2019 წელს, საქართველო ოფიციალურად გახდა Bocuse d’Or-ის ოჯახის ახალი წევრი და პირველად უმასპინძლა ქვეყანაში ნაციონალურ შესარჩევ შეჯიბრს. ეს კი იმას ნიშნავს, რომ 2020 წელს საქართველო მონაწილეობას მიიღებს Bocuse d’Or ევროპის კონტინენტურ კონკურსში. გამომდინარე იქიდან, რომ Bocuse d’Or ეროვნული მნიშვნელობის შეჯიბრია, მასში მონაწილეობა არამხოლოდ კონკრეტული შეფისთვის წარმოადგენს უპირობო კარიერულ წინსვლას, არამედ თავად ქვეყნის პრესტიჟს ამაღლებს, მსოფლიო ყურადღების ცენტრში აქცევს მას და გასტრონომიული და ტურისტული განვითარების დონეს საგრძნობლად ავითარებს.
საქართველოს გუნდის სახელით, ჩემპტიონატზე ქვეყანას წარადგენენ, პირველი ბოკუს დ’ორ საქართველოს გამარჯვებული ერიკ სარქისიანი, ბოკუს დ’ორ საქართველოსა პრეზიდენტი ლევან კობიაშვილი, გუნდის მწვრთელი ლუკა ნაჭყებია და დამხმარე მზარეულის ამპულაში - ლუკა ხინკალაძე.
ევროპის კონტინენტურ შეჯიბრში გამარჯვებული შეფები, თავიანთ ქვეყნებს 2021 წელს, ლიონში დაგეგმილ ფინალზე წარადგენენ, რომელიც თავის მხრივ, ყოველ ორ წელიწადში, მსოფლიოს წამყვანი გასტრონომიული გამოფენა სირას ფარგლებში ტარდება.
ბოკუს დ’ორ საქართველოს ორგანიზატორი არის გასტრონომიული ბიზნეს საკონსულტაციო სააგენტო გასტრონავტი, რომელიც პროექტს საქართველოს გასტრონომიის ასოციაციისა და საქართველოს კულინარიული ფედერაციის მხარდაჭერით ახორციელებს“,-აღნიშნულია ორგანიზატორების მიერ გავრცელებულ ინფორმაციაში.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
